1 Joon 4:12 - ŊWÀʼ NYÙY

¹² Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.

1 Joon 4:12 Referans Kwoze

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

1 Joon 2:5

Wìr wo wù koŋ Nyùy shilív shidzə̀m dzə̀ wír wo wù yú kinyo kfə́, lemè. Kinyo ke dzə̀ kí dìn bo wìr kiíy ji wun tíy rú wùn Nyùy ki dzə̀ jii,

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

Ŋwàʼ Fəə 33:20

Yii bèy, m yòʼ yíi màʼtì, áà yén sí yém, bìʼ fo bó yòʼ dzə̀ wìr yèn mo, e kfə̀n gòʼ e tin.»

1 Joon 4:6

Mo vèsən dzəə̀n késən wón Nyùy, wìr dzə̀m wo wù kiìn Nyùy nén a yuurí sa vinyo vesən, a bó wìr wo yòʼ dzəə̀n wan Nyùy yòʼ yuúri. Á nén a kiíy wír wo wù kér Kiyoy ke Nyùy ke kí yii suuy a dzə̀ kinyo ke ru kí, e kfə̀n a kiíy wír wo wù jumrì kfə́ a dzə̀ kimboʼtì.

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

Kintaŋ 12:8

Lóo dzə wun, vèr wun wàa suŋnín fo si kiránén, là vindzəv, wù wàa yen shwínín yém, mo woo Nyùy Tàr. Vèn mùm a dzə̀ ka, e bó a sày Mooser woo wír wom lìm?»

Kèʼlo 32:30

Jakov nèn shù yír kirə̀ʼ kee shooy ji Peniel, shu bèy, suuy jii, «Dzə̀ fen fo m yenen sí Nyùy, wù máʼtí dzəʼə̀m yém.»

Hibru 11:27

Mo wù kù‑uù wáy kfə́ shilív a dzə̀ e Nyùy wùn, wù nèn lò, e fəə̀ fó wòŋ Ejiv foo fèy, e làa yòʼ a fàn kinyo ke yì‑iì dzə̀ fòn yiì e wun, a wù fə̀m‑eè shwiiy kilòŋ moó le. Wù ku nèn a dù kfə́ dúun, e làa yòʼ a leéy bám, wáa dzə mo ghán wùn Nyùy, a wù yén Nyùy wo bó á yòʼ yii shóv e si.

1 Korin 13:13

Fo vinyò fèn vidzə̀m, ve ví wíy a tiy fo vi nén a dzə vitaár. A dzə̀ jii, wìr wáy á shilív e Nyùy wùn, a shìy ŋkàʼme Nyùy, a kòŋ wíri. A ke kí tíy vitú ki dzə̀ koŋ ye wìr koŋ wíri.

1 Joon 4:16

Á vinyo ve ví‑iì yiìn, é bo vèr kiíy rú ji Nyùy koŋ ver, e wày shilív e wun wùn. Kidzə̀m ki wáa dzə jii, liì Nyùy dzə̀ á ji wù koŋ wíri. A wìr wo wù koŋ Nyùy, kfə̀n koŋ fə́r və, tíy kfə́ wùn Nyùy, a Nyùy tíy sa wùn ŋgaàŋ.