1 Joon 4:10 - ŊWÀʼ NYÙY

¹⁰ A dzə̀ vèsən kù lèéy kinyo ke Nyùy mùmèn, e bóo kiíy rú kinyo ke dzəə̀n ji koŋ. Wù‑uù koŋ vèsən, a bó vèsən yòʼ fə̀m sí koŋ wun. Wù nèn tùm Wán və é nsay fèn ji wù wiy, e kpù, e tàŋrí vèsən, é wun fiʼ làysìn ajay vesən.

1 Joon 4:10 Referans Kwoze

1 Joon 2:2

Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.

1 Joon 4:19

Vèn kuúmé ji vèsən koŋ Nyùy, kfə̀n koŋnìn lèn, bìʼ fo yì‑iì kèʼèn wun woo Nyùy, a kòŋ vèsən.

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

Daniel 9:24

«Ku kìíy ji Nyùy lèm ne ntàm bìʼ vinyo ve wìr vén, à vé ŋkàlaʼ yen ye ranén ví, a ntàm rə̀n dzə̀ kiyá saàmbà kàŋ msaàmbà. Wù lèm ji á mayir á yii ye bií, é vinyo ve á jáy vi seéy, aá kfən màn lòn woo bìʼ vinyo ve bi ví, é Nyùy nèn tìír kinyo kee tínén é nsànloŋ, é kí wáa tiy fo ŋkuuŋkùŋ, e kfə̀n tiír kinyo ke wù‑uù ghemen ndzə e wír vəə́, à ke wù‑uù tumen aŋgàa ntum və́ shó ki. Wù tiirì, aá nèn *kfə̀mrí kirə́ʼ keé lav cù kee jeéy kí féyì.

Joon 6:51

Dzə̀ mo vifá ve yi ve ví loòn fó yuv, ve ví fó dzəʼə̀m yee là may. A wìr yì vifá ve yi vìn, bo ŋgaàŋ shaarì. A vifá ve yi vìn vi dzə̀ wún wóm, wo m fó ji wír veé ndzə adzə̀me fíʼ wìy lùŋ fo fo.»

Joon 13:34

M nén a fo ven lèn a dzə̀ nsər ye fíy jii, vèn siiy, á wàa kòŋnìn, é wìr wáa kòŋ fə́r və réŋréŋ sá mo m kòŋèn ven.

Hibru 2:17

Á kinyo ke kí‑iì yiìn, é bo wù binkir, a dzə réŋréŋ moo afə́r və́, e fíʼ a dzə ŋgaà wov cù wo kuʼùn, a sham áwune, a lìm fo Nyùy shilív shimòʼón, e taŋrí áwune, é Nyùy laysin ajay vév.

1 Joon 5:11

A kisəəm ke Nyùy‑iì dìnèn e Wan və́ kitu kìn ki dzə̀ dzəʼə̀m yee là may ye wù‑uù foon e vèsən, a yí lo a dzə̀ fo Wan və.