9 Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.
Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.
a kiíy jii, jí se Nyùy se sí tíy fo ghán sidzə̀m, fó dzəʼə̀m ye fíyi, si yiì ne, á dzəə́ ven afíy. A bó yòʼ dzə̀ ji wón wìr wo dzə̀ wù kpù, vèn sì wón Nyùy wo wù gòʼòn kàŋ mòʼón.
A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.
Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.
Kinyo ke mensə́ mè koŋ ki yòʼ dzə̀ ke Kiyoy ke Ranén kí tíy sho. Ke Kiyoy ke Ranén kí tíy sho ki nén a dzə ke bó mensə́ mè yòʼ koŋè. Mo bó yòʼ dzə̀ vinyo vìn vi shèmsín, bo bó yòʼ dzə̀ vèn wàa yiì vinyo ve vèn koŋ a yiì.
Kí nén a dzə jii, wìr wo wù tíy kfə́ a dzə̀ wùn Jesus yòʼ dzə̀ á wù kfə̀n a yiì vinyo ve bi ví. A bó wìr wo wù yii kfə́ a dzə̀ vinyo ve bi ví yòʼ kì wír wo dzəə̀n Jesus, a bó wù yòʼ‑oo yií ne yèn wun.
Ŋkàr yèm, lá à yòʼ bìʼnìn liì wo bi. Kú a bìʼnìn a dzə̀ wo juŋ, a kiíy jii, wìr wo wù kér liì wo juŋ dzə̀ á wo dzəə̀n wan Nyùy. A bó wìr wo wù kér liì wo bi yòʼ fə̀m kì Nyùy gheéy.