1 Joon 3:8 - ŊWÀʼ NYÙY

⁸ Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.

1 Joon 3:8 Referans Kwoze

Hibru 2:14

Wù wáa suúy bèy, a wón və́ vin adzə̀me kù dzə̀ wíri, aá kér wún, kér mensə́ mo wíri yii kérí. Wun woo Jesus nèn lì wún a dzə̀ wó wìr, e bìnkìr a dzə moo áwune ji wun fíʼ kpu, e ndzəə̀r vitaáví vé Satan ve dzə̀ wù lì wír wo wù sí kpú sho.

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Kolosia 2:15

Wù yiì bèy, e nèn màʼ anyùy wùn à vitú vév vé saʼ vi. Mo Kristu kpuun é kintam, kí nèn a dzə ji Nyùy wày ne áwune é njoy, a toʼnín wáy shó moo wír ve á koon fó kwaʼ rər, a wìy, a binsí mbeeteé.

Ŋwàʼ woó Rom 16:20

Vèn lóo yiì bèy, é Nyùy wo wù yii, a melív mèsən mè dzə́ nyaáŋ, ku nèn màʼ Satan, é vèn kóʼ é kitu wo. M nén a shàʼtì ven, a lon jii, Tàr wòsən Jesus Kristu kú a kòŋ ven, a leéy a fo vèn.

Joon 16:11

Mo fòn wo wù sáʼ ndzə rə̀n dzə́ lèn, a wù lí ne lòn, kí nen kfə̀n a dìn sa ji áwune jáy fó a meŋ lǒn vinyò ve bi ví.

Joon 12:31

Á lèn wo wír veé ndzə fène yíi lì lòn, aá baʼ Fon wo wù sáʼ ndzə yee shoon fo kàvàʼ.

2 Pita 2:4

Vèn kì sá jii, Nyùy yòʼ‑oò ló a bavtí nshèelav sə́ se sí‑iì loòn, e kèʼ vinyo ve bi ví. Wù‑uù tàtí áwune, e dòm e biíntùr, a dzə̀ fo á néŋ lèn e ŋòròʼ, shiy a dzə̀ kishiíy ke Nyùy wíy tinén nsaʼ.

Maak 1:24

Wù nəə́, a rəəmé jii, «Jesus woó Naasarer, à taʼ ji à yée le e vèr? À wìy ne ji à laar ver a? M kìíy ne wò. À lò fo Nyùy, à dzə̀ Wán Nyùy.»

Efesor 2:2

Vèn‑eè yú kinyo a dzə̀ ké fòn *anyùy, nèn yii kinyo a dzə̀ keé ndzə ye kér wun rə̀n. A dzə̀ wun wo wù sáʼ vifá ve ví ghán e shwer ji anyùy vidzə̀m, a ghán wun lèn, danèr wír ve á méŋ Nyùy adzə̀m, aá yii vinyo ve bi ví.

Aysaya 27:1

Wíy lòo dzə e ghan fóo fèy, é Nyùy Tàr soŋ nyùy rə rə̀r, a yì njímé, a dzə̀ ye wiy, a bó yòʼ dzə̀ yì bvə̀nkír. Wù wíy lì, e yuyrí nyám yee Leviyatan sho, nyám, a yì léʼ, tóykir moo yó. Wù kù wíy yuyrí kigàgǎʼsòŋ keé rìbà ndzə̀v kin.

Ŋwàʼ Luk 10:18

Jesus bìnèr jii, «Dzə̀ rú, mò‑oò lo yèn, a Satan njáʼám fó yuv, e gbù e nsay moo kishèv.

1 Joon 3:10

Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

Matio 13:38

Súmé dzə̀ ndzə rə̀n, a ŋgoòy ye juŋ rə̀y dzə̀ wír ve á yú sáʼ Nyùy. Ŋgoòy kikwìíy wáa dzə wír ve á yú kév a dzə̀ fo Satan woo ŋgaà vinyò ve bi ví,

Ŋgaà Yen 20:10

Aá nèn koò Satan wo wù‑uù boʼtin áwune, e màʼ e kimbiirìn ke və́yí bo sho, baári moo mekàŋ, é wù nèn a dzə fo wùn à nyàm ye beemén, à ŋgaà ntum və və̀y, ve vé‑eè siìn fó, é wùn áwune wáa fòmnìn fo e shùy wùn à vitsə́ʼ, viyá viyá là may.

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

1 Joon 3:5

Vèn kì ji Jesus‑eè wìy é nsay fèn a ji wun laar vinyo ve bi ví ve wíri yii. A bó wun woo Jesus yòʼ yii yii vinyo ve bi ví gheéy.

Ŋgaà Yen 20:15

Yír wìri‑iì búŋ fo ŋwàʼ wo vé‑eè saŋen yír sé wìr ve á wíy lùŋ sho, á kù màʼ ŋgaàŋ a dzə̀ é kimbiirìn ke və̀y fey.

Ŋwàʼ Jud 1:6

A kù dzə̀ sá mo wù‑uù lovtin e nshèelav sə́ se sí‑iì loòn, a koʼnín, a shaà kilíŋ ke wù‑uù foon aáwune. Wù kúr áwune e sháŋ wo bó yòʼ dzə̀ wù bvə̀rkìr, e màʼ e ŋòròʼ, á wáa neŋ fo, a shìy kishiíy kee shó ke Nyùy wíy tinén nsaʼ wìr dzə̀m.

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

Matio 12:28

Wáa dzə, a m jum rú anyùy a dzə̀ e vitaáví ve Kiyoy ke Nyùy ki fó e mò, bo dzə̀ ji sáʼ Nyùyi kèʼ ne lèn e nsay a dzə̀ e sén see ghán sí.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Hibru 9:26

A kee shooy ki‑iì dzə̀ é shií, bo Jesus kù dzəə́ rə́si kpú, kfə̀n lo kpú, e kèʼ mo Nyùy‑iì bomen ndzə. Ké Jesus ki dzə̀ jii, wù wìy e ghan se ndzə ye mvə sí shaa sìn ji wun mayir vinyo ve bi ví, e fò kitú kfə́, e tàŋrí wíri shó kàŋ mòʼón.

1 Joon 1:2

Á mo Nyùy‑iì yiìn, é bo wíri yén dzəʼə̀m yee là may. Mo vèr yenen wun wo wù fó dzəʼə̀m yee shoon, e nèn a fìʼtì e wíri. Ku nèn a dzə kíwun ke m fer e vèn lèn. A ŋgaà dzə̀ʼə̀m woo shooy‑iì dzə́ a dzə̀ wùn Nyùy woo Tàr wòsən. Ghán sí wìy ghèén, Nyùy dìn wun e vèr.

Kintaŋ 21:9

Mooser nèn fèr yó e kisha kee *brons ki, e keèrì e kici. Wìr wo yò‑oò teen ne leeyì, wù kù nèn bònén.