1 Joon 3:7 - ŊWÀʼ NYÙY

⁷ Wòn vem, vèn wáa yen fo wìr bóʼtí ven. Vèn wáa kiíy jii, wìr wo wù yii vinyo və́ là jay dzə̀ wo wù dzəə̀n là jay, réŋréŋ mo Jesus dzəə̀n.

1 Joon 3:7 Referans Kwoze

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

Ŋwàʼ woó Rom 2:13

A kí dzə̀ bey, bìʼ fo bó yòʼ dzə̀ wìr ghèén fo Nyùy ji wù kì nsər Nyùy. A dzə̀ nsaʼ kù ràn wun cáʼcáʼ bìʼ fo wù lem nsər yee shooy.

1 Joon 3:3

Kí nén a dzə jii, wìr wo wù leey fó mbìy, shiy Jesus, yii baamè vinyo ve bi ví, ji wun fíʼ a dzə là njò, réŋréŋ mo Jesus dzəə̀n.

1 Joon 2:26

Á vinyo vìn ve m kì taʼ, e saŋ fo vèn, bìʼ wír ve á taʼ ji á wáa boʼtí ven.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

Nsùyrì Nyùy 45:7

Á kù koŋ a dzə̀ vinyo ve réŋ ví, ban yii ye bií. Á nsàv a ye Nyùy woo Nyùy və shoʼon á wun, e yòʼ, á wáa yu a vijuŋ e shaà a awàʼ və́ adzə̀m.

Lim Aŋgàa Ntum 10:35

A wìr ghvə́m Nyùy, yii réŋ, a ŋgaàŋ fə̀m dzə̀ wír woó kitum kiné kí, bo wù ghèén fo Nyùy.

Efesor 5:9

A kí dzə̀ jii, vèn lóo ghan e mvə̀m ran ye Nyùy fó e vèn rən, é vèn nèn a yiì a dzə̀ vinyo ve ru ví ve ví wáa dzə kijuŋ, là kiloʼ.

Nsùyrì Nyùy 106:3

Bòŋ ké wìr ve á yii kinyo là kiloʼ, jumrì a dzə̀ liì wo juŋ ghán sidzə̀m.

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

1 Korin 6:9

Bó vèn yòʼ kì ji wír ve á yii liì wo bií yòʼ dzə̀ á wìy shòv sáʼ Nyùy e si à? Kìn dzə̀ ji ŋgaàŋ jaŋ kinjàŋ, kìn wù ghvə́m anyùy kisaŋe, kìn wù li wiiy wìr, kìn wiíy ghán viŋkar, kìn lumèn shaà wiíy, a lì lumèn,

Ŋwàʼ Luk 1:75

a dzə ji wír və́, a yu a dzə̀ fo wun vishiíy vidzə̀m ve vèr béʼri e nsay fèn.

Jeem 2:19

A wìr biìmé ji Nyùy kù jòʼsì e mòʼón, bo wù kù yòʼ biìmé a dzə̀ kinyo ke ru kí. Yii bèy, kù dzə̀ sá mo *anyùyi biíme bèy, fan, yaʼà.

Filipi 1:11

A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

Matio 5:20

Vèn wáa kiíy kijuŋ jii, a yii yéné dzə̀ là fó bòŋ, e shaà yé wìr ve á duŋrì nsər Nyùy wùn à yé wìr veé mbìv *Farasi, bo bó yòʼ dzə̀ féyì vèn wìy shòv sáʼ Nyùy e si.

Jeem 1:22

Vèn kú a yuurí kinyo ke Nyùy ki, a yiì mo kí dzəə̀n. Lá vèn yòʼ a boʼtí vitú vén ji vèn néŋ e Nyùy si, a vèn yuúri kinyo kfə́ yuúrín, e làa yòʼ a yiì.

Hibru 7:2

Wù səə̀vì bèy, Abraham nèn jàv vifá ve wù kì kuuyin fó shùu rər viy kirə́ʼ e ghvə̀m, e fò kee kimòʼón ki shó, a yír sé taà cù və̀n si din vinyo vibaà. Ké mbìy ki dzə̀ jii, wù dzə̀ fon yiì ye réŋé mo nsàv yìr rə́ yee Melkisedek‑iì dzəə̀n. Vee vibaà jii, wù kfə̀n dzə̀ sáa fon nyaáŋ, bìʼ fo wù dzəə̀n Fon woó Salem, a nsàv Salem dzə̀ ji nyaáŋ.

Hibru 1:8

Fo ké Wan və kí, wù suúy jii: «À dzə̀ Nyùy, a sáʼ yée kù wíy a tiy fo, e dù, e jòʼsì. À wíy a saʼ vifon vé kijuŋ feyì là kiloʼ.

Efesor 5:6

Vèn wáa yen fo wìr wiy, a kìnèn ji vinyo vìn vi yòʼ dzə̀ ve bi ví, e boʼtí ven. Dzə̀ kfə́ə vinyò vìn ve ví yii, a Nyùy shwiiy kilòŋ fo wír ve á méŋ wune, a wù wíy màʼ ŋgeʼ sho.

1 Joon 3:18

Wòn vem, lá vèsən yòʼ a suúy a dzə̀ fó shuù ji vèsən koŋ afə́r vesən. Vèsən wáa kòŋ áwune rúrú, a sə áwune.

1 Joon 4:17

Kinyo ke kí din ji koŋ ye Nyùy koŋ vèsəné shèmsín e kinyò ke wù taʼ ki dzə̀ jii, vèsən yòʼ dzəə́ fan a kishiíy ke wù wíy tinén nsaʼ wìr dzə̀m. A bó yòʼ fə̀m dzə̀ vèsən wìy a fàn, bìʼ fo vèsən sí ghán e nsay fèn mo Jesus‑eè gháné.