1 Joon 3:6 - ŊWÀʼ NYÙY

⁶ Kí nén a dzə jii, wìr wo wù tíy kfə́ a dzə̀ wùn Jesus yòʼ dzə̀ á wù kfə̀n a yiì vinyo ve bi ví. A bó wìr wo wù yii kfə́ a dzə̀ vinyo ve bi ví yòʼ kì wír wo dzəə̀n Jesus, a bó wù yòʼ‑oo yií ne yèn wun.

1 Joon 3:6 Referans Kwoze

3 Joon 1:11

Ŋkàr yèm, lá à yòʼ bìʼnìn liì wo bi. Kú a bìʼnìn a dzə̀ wo juŋ, a kiíy jii, wìr wo wù kér liì wo juŋ dzə̀ á wo dzəə̀n wan Nyùy. A bó wìr wo wù kér liì wo bi yòʼ fə̀m kì Nyùy gheéy.

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

1 Joon 2:4

A wìr suuy ji wun kì Nyùy, a bó wù yòʼ lem nsər sə́, bo wù bóʼti, a bó wù yòʼ koŋ kinyo ke dzəə̀n ke ru kí gheéy.

1 Joon 4:8

Yii bèy, wìr wo bó wù yòʼ koŋ fə́r və yòʼ kì Nyùy gheéy, bìʼ fo liì Nyùy dzəə̀n ji wù koŋ á wíri.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

1 Joon 2:28

Wòn vem, vèn ku nèn a suusín vèn à Jesus Kristu bèy, wíy lóo dzə e ghan se wù wiyì, é la vèsən yòʼ a woomé, a tàʼ, e laáy, aá fan a dzə̀ fó yen wun.

2 Korin 3:18

Vèsən adzə̀m nén a dzə lèn, a bó Kiyoy kee shooy ki yòʼ dzəə́ laynìn fo vèsə́n si, vitaáví vé Nyùy vi wáa yensín e vèsə́n wùn ghán sidzə̀m. Kiyoy ke Tàr wòsən kin ki kfə́n a lìm e vèsə́n wùn, a yiì, vèsən wáa kuvsín, a dzə moo wun woo Kristu, a dù duùn fó mbìy, a ker vitaáví ve dzəə̀n vé Nyùy.

1 Joon 2:3

Kímóʼ kí wáa dzə jii, a dzə̀ vèsən kù a lèm nsər se Nyùy, e bóo kiíy rú ji vèsən kì á wun.