1 Joon 3:5 - ŊWÀʼ NYÙY

⁵ Vèn kì ji Jesus‑eè wìy é nsay fèn a ji wun laar vinyo ve bi ví ve wíri yii. A bó wun woo Jesus yòʼ yii yii vinyo ve bi ví gheéy.

1 Joon 3:5 Referans Kwoze

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Hibru 9:28

Kù dzə̀ sá mo Kristu‑uù foon kitú kfə́, e kpù fo wíri kàŋ mòʼón, e nèn bèʼèy njò sé wìr anín, á bòy fo nsaʼ. A wù kfə̀n wíy wìy e ndzə fèn ji akàŋ abaà, a bó wù yòʼ dzəə́ wiy bèy ji wun kwaŋri á njò sé wíri. Wù sí wiy lèn ji wun luŋer á wír adzə̀m ve á shiy ji wù wiy.

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

Hibru 9:26

A kee shooy ki‑iì dzə̀ é shií, bo Jesus kù dzəə́ rə́si kpú, kfə̀n lo kpú, e kèʼ mo Nyùy‑iì bomen ndzə. Ké Jesus ki dzə̀ jii, wù wìy e ghan se ndzə ye mvə sí shaa sìn ji wun mayir vinyo ve bi ví, e fò kitú kfə́, e tàŋrí wíri shó kàŋ mòʼón.

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

1 Joon 1:7

Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.

1 Joon 1:2

Á mo Nyùy‑iì yiìn, é bo wíri yén dzəʼə̀m yee là may. Mo vèr yenen wun wo wù fó dzəʼə̀m yee shoon, e nèn a fìʼtì e wíri. Ku nèn a dzə kíwun ke m fer e vèn lèn. A ŋgaà dzə̀ʼə̀m woo shooy‑iì dzə́ a dzə̀ wùn Nyùy woo Tàr wòsən. Ghán sí wìy ghèén, Nyùy dìn wun e vèr.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

1 Pita 2:22

Wù yòʼ‑oò lo yiì yiì kinyo ke bi kímóʼ kí gheéy, a bó wù yòʼ‑oò lo yiì sùúy kinyo ke kisaŋ ki fo wùn shuù.

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

1 Timoti 1:15

Duŋrì yee jii, Jesus Kristu‑uù lo wìy e ndzə fèn ji wun sə́ aŋgàa vinyò ve bi ví, aá fíʼ lùŋe dzə̀ rú féyì. A dzə̀ wìr kù wày shilív sə́ shó shidzə̀m. A m dzə̀ fon aŋgàa vinyò ve bi vee shooy.

Matio 1:21

Wù wíy dzəə́ wán lumèn, áà shu yír ji Jesus, a dzə̀ ji Ŋgaà Lùŋèr. Ku shù bèy, bìʼ fo Jesus wíy tin wír və́ fó lǒn vinyò ve bi ví ve áwune yii.»

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

1 Pita 1:20

A Nyùy‑iì yiì ne shòʼ wun, é bo ndzə wìy a kèʼ ji wù ghàn tìn wíri fó lòn. Wù nen tùm a dzə̀ lèn wo ndzə sí du, e dù, e jòʼsì və̀n, é vèn fíʼ kiíy wun.

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

Joon 8:46

A bó yòʼ dzə̀ wìr fo vèn dìn kinyo ke mò‑oò yiìn ne jày. Mo m suuy a dzə̀ kinyo ke dzəə̀n ke ru kí, yiì ka, bo vèn tén fó biimé?

Joon 1:31

Mò‑oò fiʼtì bèy, a bó m yóʼ ne kìíy sa ŋgaàŋ. A mò‑oò wìy, a fìʼtì ntum yem, a way wíri é ndzəv cáʼ ji wír veé Isray adzə̀me kiíy wír woo shooy.»

Ŋwàʼ Luk 23:47

Kitú ke vé rər ke kí‑iì tíy fo ki yén kinyo ke kí kooyin, a sùyrì Nyùy, a suúy jii, «Dzə̀ rú, wìr və̀n‑eè dzə̀ là njò.»

Ŋwàʼ Luk 23:41

Wòsò kpù kesò a dzə̀ fó lǒn vinyò ve wòsò‑oò jayin, a bó wìr və̀n yoʼ jày kinyo gheéy.»

Hosea 14:2

Vèn kfə́n é bàm fo Nyùy Tǎr wùn. Vèn báʼtí kisúŋnìn kén, e dù, e lòn wun jii, «Éè Nyùy Tàr, làysìn ajay vérí, ku làysìn ŋkuuŋkùŋ. Ver víne, aá sí búʼ wó, ku səə̀sí ver. Vèr yíi burí wò, é wáa dzə cu ye vèr cu wò sho.

1 Pita 1:18

Vèn kú a kuumé ji Nyùy‑iì yiì á kinyo ke ghaʼán kí, e bóo fəə́r ven fó mvə̀m liì kisaŋ wo atàr véné‑eè dànèn ven shó. Wù‑uù tìn ven fó lǒn liì woo shooy, a bó wù yòʼ‑oò tìn a dzə̀ e kifá kee moo mbàm se dzə̀ sí mày, a fə̀m dzə̀ *kisha ke mbàm ke baar kí, kìn ke fəvír kí.

1 Joon 2:2

Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.