1 Joon 3:4 - ŊWÀʼ NYÙY

⁴ Wìr wáa yiì kfə́ a dzə̀ vinyo ve bi ví, bo sì ŋgaà njò, bìʼ fo wìr yii kinyo ke bi kí, bo wù lì a dzə̀ njò.

1 Joon 3:4 Referans Kwoze

1 Joon 5:17

Ajay ve wíri yii adzə̀me dzə̀ kinyo ke bi kí fo Nyùy, a bó yòʼ dzə̀ vinyo vidzə̀m ve dzə̀ ví yiì, wìr kpù.

Ŋwàʼ woó Rom 3:20

Wìr wo dzə̀ Nyùy wàa yen ji woo là jay ji bìʼ fo wun kì lim a mo nsər suuyì yòʼ dzə̀. Ke nsər yii ki dzə̀ jii, yì din, é wìr kiíy ji wun jày ne kinyo.

Kintaŋ 15:31

Mo wù ŋwayin a dzə̀ jí Nyùy Tàr, e shòʼór nsər rə e kúmé, aá ku fə̀ə́r wun ŋkuuŋkùŋ, é lòn vəə́ kú a dzə e wun kitu.»

2 Korin 12:21

A m kfə̀n fan fó wìy wìy, é Nyùy yii, é m wáa woomé, a sòv kitú fo wír ve vé‑eè yii vinyo ve kisaŋ vi, e làa yòʼ bìnèr melív mev, e shem lèn, kù jaŋ a dzə̀ kinjàŋ, yii kfə́ə joònè woo bey.

Ŋwàʼ woó Rom 4:15

Kinyo ke dzə̀ nsər kù yiì ki dzə̀ jii, Nyùy lóo sayrí wír fo nsər, shilív shí kù a nyar wun a nyárín. Kù mày cáʼ jii, a nsər‑iì bùŋ, bo bó wíri yòʼ jáy a vinyo e kúmé, tínsin shilív shé Nyùy.

Daniel 9:11

Rúrú, wír veé Israyi shòʼór ne nsər yè adzə̀m, e bìn ndzə̀m, e làa yòʼ dzə́ə a yunín jí yè. À nen lò, e màʼ lòn e věr kitu, bìʼ fo vèr jayin ne e wò, a kù dzə̀ lòn wo vé‑eè yiin kilìʼ, e lèm e Ŋwàʼ Nsər wo Mooser woo ŋgaà lìm wò‑oò saŋen.

2 Wòŋ 24:20

Á bèy, Kiyoy ke Nyùy ki nèn dànèr Sekariya woo wan Jehoyiada woo taà cù, wù tiím e wírí mbìy, e sùúy jii, «Ke Nyùy Tàr suuy ki dzə̀ jii, vèn tèn fó yunín nsər se Nyùy Tàr, e jàŋ lòn e věn kitu bèn bìʼ ka? Vèn bìn ne ndzə̀m e Nyùy Tàr, wù nen bìn ndzə̀m e vèn.»

1 Samuel 15:24

Saul nèn sùúy e Samuel jii, «M dzə̀ a m jáy rú. M yoʼ yiì mo Nyùy Tàr kì yòŋèn, a m yoʼ yiì sa mo à kì suuyin. M kì fàn wíri, e nèn yù a dzə̀ kinyo kév.

1 Wòŋ 10:13

Saul‑iì kpù ben bìʼ fo wù yòʼ‑oò tíy tìítiy wùn Nyùy Tàr. Wù‑uù méŋ sáʼ Nyùy Tàr, kfə̀n du, tar vinyo a dzə̀ fo vé ŋgàŋe,

Jeem 5:15

Aá fèn lón bèy, biíme ji Nyùy yíi sə, bo ŋgaà yàsí woo shooy yíi bonén, é Nyùy kfən làysìn vinyo ve bi ve wù‑uù yii.

1 Afòn 8:47

aáwune dù e wòŋ foo fèy, e màʼtì jay wov, e bìnèr melív mev, a toŋ e wò, a suúy jii, ‹Vèr jày ne, vèr yiì ne yii ye bií,›

Aysaya 53:8

Vé‑eè koò wun, e lì, a dù sho ji á du, e yuyrí, la wìr wóo bìn kinyo kfə́ réŋ yòʼ a dzə. Kfə̀n wíy a yòŋ la rám rə́, a vé‑eè tìn ne dzəʼə̀m rə́. Vé‑eè yùyrí wun, a kù‑uù dzə̀ bìʼ ajay vesən.

Matio 5:19

Kí nén a dzə jii, a wìr lò, a kay nsər yìmòʼ e mòʼón fo nsər fèn, a wù fə̀m yén ji yì dòr é le, kfə̀n yéʼey wír ámóʼó ji á wáa kay sa bèy, bo ŋgaàŋ wíy a dzə e Nyùy mvə̀m vifòn là ghay. Yii bèy, wìr wo wù lem nsər se Nyùy foon, kfə̀n yéʼey wíri ji á wáa lèm sa bèy, ŋgaàŋ wíy a dzə wír wo kuʼùn e Nyùy mvə̀m vifòn.

Lim Aŋgàa Ntum 23:3

Por bìnèr sho jii, «Nyùy yíi fùn sa wó woo shuu. À shwínin kirə́v ké lav ke á yoʼon e fém si. À dzə́ fèy ji à sáʼ mo mo nsər suuyì, kfə̀n shóʼor nsər, suuy ji á dzəv mo.»