1 Joon 3:23 - ŊWÀʼ NYÙY

²³ A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.

1 Joon 3:23 Referans Kwoze

Joon 13:34

M nén a fo ven lèn a dzə̀ nsər ye fíy jii, vèn siiy, á wàa kòŋnìn, é wìr wáa kòŋ fə́r və réŋréŋ sá mo m kòŋèn ven.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

Joon 15:12

Yéem yee nsər ye m fó e vèn nén a dzə jii, wìr koŋ wùmòʼ réŋréŋ mo m koŋ ven.

Joon 6:29

Jesus bìnèr jii, «Kinyo ke Nyùy taʼ ji vèn wáa yiì ki kù dzə̀ ji vèn wáy shilív e wìr wo wù tumén wùn.»

1 Pita 4:8

A kinyo ke kí shaàn vidzə̀m ki dzə̀ jii, wìr wáa kòŋ a wír shilív shidzə̀m, bìʼ fo kikoŋnìn ki yii sə́ti ajay anín.

1 Joon 3:11

Vèn kuúmé kinyo ke vèn‑eè sí yú, e kèʼ mo vé‑eè kèʼèn, a fìʼtì kinyo ke Nyùy e vèn kí. Kí‑iì dzə̀ ji vèsən wáa kòŋnìn.

1 Joon 4:21

Nsər ye Jesus‑eè foon e vèsən dzə̀ jii, wìr wo wù koŋ Nyùy kú a kòŋ saa fə́r və.

1 Tesalonika 4:9

Fo kinyò kee kùm kikoŋnìn ke fə̀r wùn fə̀r vee aŋgàa biimé, bó vèn yòʼ dzəə́ kér shií wo vèr wáa saŋ fo vèn, bìʼ fo vèn‑eè yeʼeyin ne fo wun woo Nyùy mo dzə̀ vèn wàa kòŋnìn.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Maak 9:7

Kù mo wù suuy bèy, mbàʼ yìmòʼ nèn wìy, e tìím aáwuné kitu. Áwune yú, a jì wìr súŋnín fó mvə̀m mbàʼ foo fèy jii, «Və̀n dzə̀ Wán wom, m koŋ wun feyì. Vèn wáa yuurí kinyo a dzə̀ kfə́.»

Matio 22:39

Ye yì batin nen shèmsín wùn à yee shoon, a yì dzə̀ jii, ‹Wìr wáa kòŋ fə́r və mo wù koŋ kitú kfə́.›

Lim Aŋgàa Ntum 16:31

Áwune bìnèr jii, «Wáy shilív shí e Jesus wùn, é vèn à kfə́ə yée wìy lùŋ.»

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 14:1

Jesus kfə́n a suúy e wón və́ lìme jii, «Lá vèn yòʼ a rə̀m, é melív men mè wáa buʼ. Vèn kú a way shilív a dzə̀ e Nyùy wùn, e kfə̀n a way sa e mǒ wùn.

Nsùyrì Nyùy 2:12

Vèn wáa bùn wun e shiliv she juŋ shi, fo wù lo, e shwìíy kilòŋ, e laàr ven, bìʼ fo dòʼshwíiy və yii ŋáʼay cér. Bòŋ ké wìr ve á lir e Nyùy sar adzə̀m.

1 Timoti 1:15

Duŋrì yee jii, Jesus Kristu‑uù lo wìy e ndzə fèn ji wun sə́ aŋgàa vinyò ve bi ví, aá fíʼ lùŋe dzə̀ rú féyì. A dzə̀ wìr kù wày shilív sə́ shó shidzə̀m. A m dzə̀ fon aŋgàa vinyò ve bi vee shooy.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Joon 2:23

Jesus ku nèn a dzə e Jerusalem e ghan sé Ŋkǎʼ Yáʼayshaà sìn, a yiì viŋgaʼnìn ve vinyò, ví wáa dìn vitaáví vé Nyùy. Wír aníne wáa yen, a way shilív é wùn wó.

Joon 3:18

Wír wo wù wáy shilív e Wàn Nyùy wùn bòy ne fo lòn. Wìr wo wù tén fó way lì ne lòn, bìʼ fo wù leeyin wír wo dzəə̀n Wan Nyùy ntéŋ, a bó wùmòʼ yòʼ kfə̀n dzə̀.

1 Joon 2:7

Ŋkàr sem, nsər ye m sáŋ fo vèn lèn rə̀n yòʼ dzə̀ e fíy. Kù dzə̀ kinyo ke vèn‑eè sí yú fo ŋgùʼ, e kèʼ mo vé‑eè kèʼèn, a fìʼtì kinyo ke Nyùy e vèn.

1 Joon 4:15

Kí nén a dzə jii, a wìr fiʼtì ji Jesus dzə̀ Wan Nyùy, bo ŋgaàŋ tíy kfə́ wùn Nyùy, a Nyùy tíy sa wùn ŋgaàŋ.

1 Joon 5:13

Mo m sáŋ vinyo vìn vidzə̀m bèn, m sáŋ a dzə̀ fo vèn ve á wayin ne shilív e Wàn Nyùy wùn, é vèn fíʼ kiíy ji vèn sí kér dzəʼə̀m yee là may.