1 Joon 3:22 - ŊWÀʼ NYÙY

²² Lóo koʼtí, aá fə̀m lón ka, é wù ku nèn fò kíwun, bìʼ fo vèsən sí yú sáʼ rə́, yii, a wún vəə́ boŋè.

1 Joon 3:22 Referans Kwoze

Joon 15:7

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

Joon 9:31

a vèsən kì kijuŋ ji bó Nyùy yòʼ yii yuúri kinyo ke wìr wo bi, wù kù yii yuúri kinyo a dzə̀ ké wìr wo wù ghvə́m wun, yii mo wù taʼà.

Matio 21:22

A vèn bunrì, lón ka, wáy shilív a dzə̀ e Nyùy wùn, vèn wàa ker kíwun.»

1 Joon 5:14

A bó vèsən yòʼ kfə̀n dzəə́ fan sa fó a koʼtí e Nyùy si, a lon kifá, bìʼ fo vèsən kiìn jii, a vèsən fèn lón ka fo wun, a bèn dzə̀ kifá ke wù koŋè, bo wù yuúri a kinyo késən.

Maak 11:24

Bìʼ bey, m nén a suúy ji vèn lóo bùnrì, lóo lon ka fo Nyùy, vèn wàa way shilív é wùn wó ji wù kù yíi fo, é vèn wáa ker kíwun.

Joon 14:13

Kí nén a dzə jii, a vèn lón ka fo Nyùy, lón a dzə̀ e mǒ yir, m kù nèn yiì kíwun, é wíri fíʼ a yen kinyo ke mo woo Wan Nyùy yii, a burí a dzə̀ Tàr wor.

Ŋgàn 15:29

Nyùy Tàr kù yii yú bunrì wìr ve á yú wun, bin ndzə̀m e wír ve á méŋ wune.

Nsùyrì Nyùy 34:4

Mò‑oò tòŋ e Nyùy Tàr, wù yú tóŋ yém, e bòyìr mo fo wír ve vé‑eè bémer moó.

Jeem 1:5

Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

Joon 8:29

Vèn wáa kiíy ji Tàr wor wo wù tumen mo kù dzə̀ vèr wun, a bó wù yoʼ màʼtì, m wáa dzə vèr mòʼón, bìʼ fo m kù yii yii vinyo a dzə̀ ve ví boŋ wun.»

Kolosia 1:10

Vèn kiiyì, é vèn nèn a dzə mo dzə̀ wír Nyùyi wàa dzə, a yiì kinyo a dzə̀ ke kí wáa bòŋ wún Nyùy. Vèn yíi a yiì vinyo ve juŋ vi vidzə̀m, e kfə̀n màysì a kiíy mo wun woo Nyùy dzəə̀n, a dù duùn fó mbìy.

Jeremia 33:3

«Á mbaà a dzə̀ mo, é m yú tóŋ yé, e sùúy wò vinyo ve ghaʼtín ví ve ví dzəə̀n é kilìr, aà yóʼ ne kìíy.

Jeem 5:16

M nén a tir ven jii, wìr jáy kinyo e wìr, wù tuùné kitú kfə́ e ŋgaàŋ, é wìr kfə́n a lon ji Nyùy sə́ wùmòʼ woo wír. Vèn lóo yiì bèy, é Nyùy nèn a fèr ayàsí vén. Vèn wáa kiíy jii, a wìr tíy réŋ wùn Nyùy, e kàn wun e kinyò, Nyùy kù yiì kinyo ke tavín kí.

Nsùyrì Nyùy 50:15

Vèn wáa toŋ rì e mò é ghan sé ŋgeʼ, é m wìy fə̀ə́r ven fó fo, é vèn wáa burí mo.

Hibru 13:21

Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.

Joon 6:29

Jesus bìnèr jii, «Kinyo ke Nyùy taʼ ji vèn wáa yiì ki kù dzə̀ ji vèn wáy shilív e wìr wo wù tumén wùn.»

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Lim Aŋgàa Ntum 17:30

Yì‑iì dzə̀ fó ŋgùʼ, a bó Nyùy yòʼ‑oò ló a nəə́ e mvə̀m vinyò ve wíri‑iì yii, a bó á yóʼ ne kìíy wun. Yii bèy, a wù suuy lèn ji wír adzə̀me biner á melív mev fó vinyò ve kisaŋ vi.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Aysaya 1:15

Vèn wíy nàn wó e yuv ji á bunrì, é la m yòʼ lèéy, à leéyi shó. Fə̀m mo vèn gísin, bunrì mo akàŋ akàŋ, bó m yòʼ wíy yuurí ven. Vèn yùyrí ne wíri, a wó yéné kù sì wó mensəə.

Ŋgàn 28:9

A wìr tèn fó a yunín nsər, bo Nyùy yòʼ yíi a kòŋ, e yu bunrì rə́.

Nsùyrì Nyùy 10:17

Nyùy Tàr, à yù ne rú tóŋ wìr ve á bórkir e wò si. À kù yii távir melív mev, teer kituʼùr ké, yuúri tóŋ yév.

Lim Aŋgàa Ntum 20:21

Mò‑oò fiʼtì kinyo kimòʼón e wíri adzə̀m, kìn dzə̀ wír veé Juda, kìn bó yòʼ dzə̀ veé Juda jii, á biner melív mev, e kfə̀n fo Nyùy, e wày shilív e Tàr wòsən Jesus Kristu wùn.

Ŋwàʼ Jov 22:26

bo à yíi a yu vijuŋ ve Ŋgaà Vitaàví Vidzə̀m, a nàn sí, a leéy wun woo Nyùy e shiliv she juŋ shi.

Jeem 4:3

A vèn fə̀m kì lóné, la vèn yòʼ kòóy, bìʼ fo vèn yòʼ lón a dzə̀ kifá kee réŋ. Vèn lón kén a dzə̀ kifá ke mensə́ men mè tíy sho.

1 Joon 2:3

Kímóʼ kí wáa dzə jii, a dzə̀ vèsən kù a lèm nsər se Nyùy, e bóo kiíy rú ji vèsən kì á wun.