1 Joon 3:21 - ŊWÀʼ NYÙY

²¹ Ŋkàr sem, kí nén a dzə jii, mo bó yòʼ dzə̀ melív mèsən mè wàa yàʼ, bo dzə̀ vèsən wàa koʼtí lèn e Nyùy si là fan.

1 Joon 3:21 Referans Kwoze

1 Joon 2:28

Wòn vem, vèn ku nèn a suusín vèn à Jesus Kristu bèy, wíy lóo dzə e ghan se wù wiyì, é la vèsən yòʼ a woomé, a tàʼ, e laáy, aá fan a dzə̀ fó yen wun.

Hibru 4:16

Mo wù siìn wùn Nyùy bìʼ vèsən, a dzə̀ vèsən wàa wàrkìr lèn, a koʼtí e Nyùy si fo wù dzə́ e wùn kàvàʼ, kóyti vèsən. Vèsən kóʼti bèy, é wù wáa sham vèsən. Kinyo ki lóo ghaʼ vèsən, é wù ku nèn a sə vèsən.

2 Korin 1:12

A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.

1 Joon 5:14

A bó vèsən yòʼ kfə̀n dzəə́ fan sa fó a koʼtí e Nyùy si, a lon kifá, bìʼ fo vèsən kiìn jii, a vèsən fèn lón ka fo wun, a bèn dzə̀ kifá ke wù koŋè, bo wù yuúri a kinyo késən.

Nsùyrì Nyùy 101:2

M yíi a tiír kiwúu kém a fìʼ, a dzə là nsem. Éè Nyùy, à yíi wìy, a tavír mo, a dzə̀ é ghàn ka? M kù yíi a saʼ ntoʼ yem é dzəə yee réŋ, shilív shimòʼón,

1 Joon 4:17

Kinyo ke kí din ji koŋ ye Nyùy koŋ vèsəné shèmsín e kinyò ke wù taʼ ki dzə̀ jii, vèsən yòʼ dzəə́ fan a kishiíy ke wù wíy tinén nsaʼ wìr dzə̀m. A bó yòʼ fə̀m dzə̀ vèsən wìy a fàn, bìʼ fo vèsən sí ghán e nsay fèn mo Jesus‑eè gháné.

Hibru 10:22

vèsən ku nèn wày shilív e wun wùn, a beè a dzə̀ wun, a koʼtí e Nyùy si shilív shimòʼón. A dzə̀ vèsən wàa koʼtí bèy, bìʼ fo Jesus suùn ne melív mèsən, mè rán, a bó mè yòʼ dzəə́ sáʼ vèsən fó kinyò kímóʼ kí gheéy. Wù kfən sù wún wósən e mendzə́v me dzəə̀n me juŋ mè.

Ŋwàʼ Jov 22:26

bo à yíi a yu vijuŋ ve Ŋgaà Vitaàví Vidzə̀m, a nàn sí, a leéy wun woo Nyùy e shiliv she juŋ shi.

1 Korin 4:4

M dzə́ bèn, a bó shilív shém shí yòʼ sáʼ mo fó kinyò kímóʼ kí. Yii bèy, a bó yòʼ dzə̀ ji m bùŋ jay. A dzə̀ kù a sayrí Nyùy lim yém, a dìn fo jay dzəə̀n.

Ŋwàʼ Jov 27:6

M ghàr ne yii yém yee réŋé, e kpù shó, a bó yòʼ dzə̀ féyì m màʼtì, kifá ki sə̀ʼ. Mo m wíy a dzə sho, bó dzə̀rkìtu yòʼ wíy a koo mo fó kinyò kímóʼ kí.

1 Timoti 2:8

Ke m koŋ feyì ki nén a dzə jii, vintatì vidzə̀m vi lóo dzə̀ʼə̀m, vilum ámóʼó kù a dzə ve dzə̀ á wàa fo bunrì. A dzə̀ kù a dzə vilum ve bó á yòʼ wáyri wó e vinyò ve bi ví, e bóo kfə̀n a nàn wó yee shooy ji á bunrì. Ku kfə̀n a dzə sa wír ve bó yòʼ dzə̀ á wàa shwiíy kilòŋ, a taŋnín wùn à wíri.

Ŋwàʼ woó Rom 14:22

Kinyo ke wìr kiìn fo wùn shiliv ji dzə̀ wun wàa yiì, wù màʼtì kee shooy, é wáa kiíy wùn Nyùy abaà. A bòŋ ké wìr wo wù yii kinyo a dzə̀ ke shilív sə́ shí biimen, a bó shí yòʼ sáʼ wun fo fo.

Efesor 3:12

Vèsən ve á tatin vèsən à Kristùu nén a dzə lèn, a kiíy ji dzə̀ vèsən wàa koʼtí e Nyùy si ghán sidzə̀m, là fan, bìʼ fo vèsən wayin shilív e Wan və́ wùn.

1 Joon 2:7

Ŋkàr sem, nsər ye m sáŋ fo vèn lèn rə̀n yòʼ dzə̀ e fíy. Kù dzə̀ kinyo ke vèn‑eè sí yú fo ŋgùʼ, e kèʼ mo vé‑eè kèʼèn, a fìʼtì kinyo ke Nyùy e vèn.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

1 Joon 3:20

A mè fə̀m lò, a saʼ vèsən, la vèsən yòʼ a fàn, bìʼ fo vèsən kiìn ji Nyùy kì vinyo vidzə̀m, e kfə̀n kìíy sa ji wù yòʼ dzə̀ moo melív mèsən, a dzə̀ wù kù rə̀r mendzən mèsən.