1 Joon 3:20 - ŊWÀʼ NYÙY

²⁰ A mè fə̀m lò, a saʼ vèsən, la vèsən yòʼ a fàn, bìʼ fo vèsən kiìn ji Nyùy kì vinyo vidzə̀m, e kfə̀n kìíy sa ji wù yòʼ dzə̀ moo melív mèsən, a dzə̀ wù kù rə̀r mendzən mèsən.

1 Joon 3:20 Referans Kwoze

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

1 Korin 4:4

M dzə́ bèn, a bó shilív shém shí yòʼ sáʼ mo fó kinyò kímóʼ kí. Yii bèy, a bó yòʼ dzə̀ ji m bùŋ jay. A dzə̀ kù a sayrí Nyùy lim yém, a dìn fo jay dzəə̀n.

1 Joon 4:4

Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

Jeremia 23:24

A dzə̀ wìr lìr é kirə̀ʼ, ye bó yòʼ dzə̀ m yèn wun à? Suuy mo woo Nyùy Tàr. Bó m yòʼ dzə̀ é yuv wùn ǎ nsay à? Suuy mo woo Nyùy Tàr.

Ŋwàʼ Jov 33:12

«À yoŋ bèy, a ke m yíi bìnèr e wò ki dzə̀ jii, Fo kin ki, à jày féyì, bó Nyùy yòʼ shaà wír à?

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Nsùyrì Nyùy 90:8

À neèr ne vinyo vér ve bi ví e wò si, aà yén sa ve vèr yii e kilìr.

Titur 3:11

Kú a kiíy ji shilív shé wìr woo bey shi yòʼ tíy a e kinyò ke ru kí gheéy. Wù kù taʼ a dzə̀ ke bi kí, a kinyo ke wù yii ki din a dzə̀ shilív sə́ she bi shí.

Ŋwàʼ Jov 27:6

M ghàr ne yii yém yee réŋé, e kpù shó, a bó yòʼ dzə̀ féyì m màʼtì, kifá ki sə̀ʼ. Mo m wíy a dzə sho, bó dzə̀rkìtu yòʼ wíy a koo mo fó kinyò kímóʼ kí.

Joon 8:9

Mo á yuun kee shooy, e nèn kèʼ, a làykìr amòʼón amòʼón, e kèʼ fo ŋgày sé wìr si, nèn sìíy jòʼsì Jesus wùn wiíy və̀y, a wù kù tíy fo.

Hibru 6:13

Vèn kuúmé kinyo ke Abraham ki. Nyùy‑iì kàʼ wun e kinyò, e lòo kàʼ, a kàn yír a dzə̀ yé wun woo Nyùy, bìʼ fo wìr wùmòʼ yòʼ‑oò dzəə̀n shó wo wù shaàn wun, é bo wù wáa kàn yír ŋgaàŋ.

Lim Aŋgàa Ntum 5:33

Vé wòŋe yú kinyo kìy, wún wóví kìn, á wáa tàʼ, e yuyrí áwune.

Ŋwàʼ woó Rom 8:34

Wìr dzə̀ shó wo dzə̀ wù wày vèsən é ŋgeʼ ji nsaʼ koò vèsən á? Jesus Kristu‑uù kpù ne fo vèsə́n ajay, e kfə̀n fəə̀ fó kpu, a wù dzə́ lèn e Nyùy ghaŋ, tóm vinyo vesən.

1 Joon 3:19

Vèsən lóo kòŋnìn bèy, é vèsən nèn kìíy là méŋnín ji vèsən tíy rú a dzə̀ e Nyùy kinyò ke ru kí, é kí kfə́n a yiì sa, vèsən lóo koʼtí e Nyùy si, é la melív mèsən mè yòʼ a yàʼ.

1 Joon 3:21

Ŋkàr sem, kí nén a dzə jii, mo bó yòʼ dzə̀ melív mèsən mè wàa yàʼ, bo dzə̀ vèsən wàa koʼtí lèn e Nyùy si là fan.