1 Joon 3:19 - ŊWÀʼ NYÙY

¹⁹ Vèsən lóo kòŋnìn bèy, é vèsən nèn kìíy là méŋnín ji vèsən tíy rú a dzə̀ e Nyùy kinyò ke ru kí, é kí kfə́n a yiì sa, vèsən lóo koʼtí e Nyùy si, é la melív mèsən mè yòʼ a yàʼ.

1 Joon 3:19 Referans Kwoze

Hibru 10:22

vèsən ku nèn wày shilív e wun wùn, a beè a dzə̀ wun, a koʼtí e Nyùy si shilív shimòʼón. A dzə̀ vèsən wàa koʼtí bèy, bìʼ fo Jesus suùn ne melív mèsən, mè rán, a bó mè yòʼ dzəə́ sáʼ vèsən fó kinyò kímóʼ kí gheéy. Wù kfən sù wún wósən e mendzə́v me dzəə̀n me juŋ mè.

1 Joon 3:21

Ŋkàr sem, kí nén a dzə jii, mo bó yòʼ dzə̀ melív mèsən mè wàa yàʼ, bo dzə̀ vèsən wàa koʼtí lèn e Nyùy si là fan.

Aysaya 32:17

Yii yee réŋé wíy wìy e nyaáŋ, a yiì, é wíri wáa neŋ ji dèʼ, là kinyo ké a fàn.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

1 Joon 1:8

Kí kfə́n a dzə jii, a wìr lò, a kìnèn ji bó wun yòʼ kér jay, bo ŋgaàŋ bóʼti a dzə̀ kitú kfə́. Wù yòʼ tíy e kinyò ke dzəə̀n ke ru kí gheéy.

2 Timoti 1:12

M nén a yen ŋgeʼ e sháŋ lèn a dzə̀ bìʼ lim yee shooy. A bó yòʼ dzə̀ m wàa fàn ji yí lày ne a kisáŋ, bìʼ fo m kiìn mo wun woo Kristu wo m wayin shilív é wùn wó dzəə̀n. M kì féyì ji dzə̀ wù kù wìy a leéy a fo kinyò ke Nyùy wayin e mǒ kiwo, é kí wáa dù fo mbìy, e meé e kishiíy kee shó ke wù wíy kfən.

Ŋwàʼ woó Rom 4:21

a wù‑uù biìmé féyì ji dzə̀ Nyùy kù yiì a kinyo ke wù kàʼàn wun sho.

Joon 13:35

Vèn lóo kòŋnìn bèy, é wír adzə̀me nèn yèn rú ji vèn dzə̀ wír vém.»

1 Joon 3:14

Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

Hibru 11:13

Wír vìn adzə̀me‑eè ló a dzə, a bó á yòʼ‑oò lo kòóy vifá vidzə̀m ve Nyùy‑iì kàʼàn áwune shó, e wìy a kpukír, aá kù wáy shilív a dzə̀ e Nyùy wùn. Yii bèy, a vé‑eè ló a yen vinyo vee shooy, a ví dzə̀ə́ kwaʼda, a sheʼrí, a yòŋ vitú vév ji áwune kù dzə̀ á viŋgwìy, aá bee beèn é nsay fèn.

Ŋwàʼ woó Rom 8:38

A m kì kijuŋ feyì jii, bó yòʼ dzə̀ kifá kímóʼ kí kfə̀n shèm fo Nyùy wáa kòŋ vèsən, a sə vèsən. Kìn vèsən dzə̀ shó, kìn á kpùkír ne, bo bó yòʼ dzə̀ kifá ki shèm. Kìn dzə̀ nshèelav se Nyùy, kìn dzə̀ sé Satan, a fə̀m dzə̀ vinyo veé ndzə yee lèn, kìn ye yì dzəə́ wìy a wìy, bo bó yòʼ dzə̀ kifá ki shèm gheéy.

1 Joon 2:21

A bó m yòʼ sáŋ ŋwàʼ və̀n fo vèn ben ji vèn dzəə́ méŋ a vinyo ve ru ví. M sáŋ bìʼ fo vèn kiiyin ne. A vèn kì sá kijuŋ ji wìr wo wù tíy kfə́ a dzə̀ e Nyùy kinyò ke ru kí yòʼ dzə̀ á wù wàa boʼtí kimboʼtì.

1 Joon 3:20

A mè fə̀m lò, a saʼ vèsən, la vèsən yòʼ a fàn, bìʼ fo vèsən kiìn ji Nyùy kì vinyo vidzə̀m, e kfə̀n kìíy sa ji wù yòʼ dzə̀ moo melív mèsən, a dzə̀ wù kù rə̀r mendzən mèsən.

Nsùyrì Nyùy 119:56

Vijuŋ vém ví kù dzə̀ ji m yúnín á ntò se yeʼéy se à foon.