1 Joon 3:17 - ŊWÀʼ NYÙY

¹⁷ Yii bèy, a wìr kér kifá, e yèn fə́r və, e tèn fó sə wun, bo bó wù yòʼ koŋ wíri mo Nyùy koŋè.

1 Joon 3:17 Referans Kwoze

Hibru 13:16

Lá vèn yòʼ a làysìn sa fó a yiì vinyo ve juŋ vi, a jàv vifá vén, a sə wír ámóʼó shó. Vèn wáa kuumé jii, vèn lóo yiì bèy, bo dzə̀ á cu ye Nyùy koŋè.

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.

Ŋwàʼ Luk 3:11

Wù bìnèr jii, «Wìr wo wù kér vikúm vibaà fó kímóʼ kí e wìr wo bó wù yòʼ kérí, é wìr wo wù kér vifá ve yi jav sá, e fò wír wo bó wù yòʼ kérí.»

Ŋgàn 19:17

Wìr wo wù shám ŋgaà kitàn, maʼ a dzə̀ Nyùy Tàr ŋgwáʼ, a wù wíy kòr mo wù‑uù màʼàn.

Jeem 2:15

Vèsən ku lì jii, fər won woo wiíy kìn woo lumèn wùmòʼ kì lò, e bùŋ ndzə̀y, kìn kifá ke yi,

Ŋgàn 28:9

A wìr tèn fó a yunín nsər, bo Nyùy yòʼ yíi a kòŋ, e yu bunrì rə́.

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Ŋgàn 12:10

Wìr woo tìítiy kù yii leey fo nyám sə́ sí kijuŋ. A wo bi nyavrì e sə́ sí nyávrin.

Ŋgàn 14:31

Wìr lóo nyàvrì e ŋgaà kitàn, bo wù kuu Nyùy woo ŋgaà mbom və, wìr wáa rər mendzən me ŋgaà kitàn, bo wù ghvə́m Nyùy.

Ŋgàn 21:13

Wìr səmrì vituʼùr fóo yu tóŋ ŋgaà kitàn, Nyùy sə̀mrì sá fóo yu rə́.

Jeem 2:16

wìr fo vèn yén bey, e shàʼtì shàʼtìn jii, Nyùy səəvi wò, áà koóy ndzə̀y wùn à vifá ve yi vi. A wù shàʼtì bèy, e làa yòʼ fo kifá ke ŋgaàŋ kì búŋ kìy, kí sə̀ ŋgaàŋ e gha?