1 Joon 3:16 - ŊWÀʼ NYÙY

¹⁶ Kinyo ke kí din e vèsən mo dzə̀ wìr wàa kòŋ wír ki dzə̀ ke Jesus‑eè yiìn. Wù‑uù fò kitú kfə́, e kpù bìʼ vèsən. A dzə̀ mo vèsən kú a yiì bèy, a fo vitú vesən bìʼ afə́r vesən.

1 Joon 3:16 Referans Kwoze

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Joon 13:34

M nén a fo ven lèn a dzə̀ nsər ye fíy jii, vèn siiy, á wàa kòŋnìn, é wìr wáa kòŋ fə́r və réŋréŋ sá mo m kòŋèn ven.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Ŋwàʼ woó Rom 5:8

Mo Nyùy‑iì tumen Jesus Kristu, wù kpú a dzə̀ fo vèsən vee aŋgàa vinyò ve bi ví, kí nén a dìn mo wù koŋ vèsən é ŋàŋ.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

Efesor 5:25

Ven vee vilum, vèn kú a kòŋ vikìy vén réŋréŋ mo Kristu‑uù kòŋèn kintatì ke wìr və́, e kpù fó fo.

Titur 2:13

a shìy vijuŋ ve vèsən tiirin vifií shó, ji Jesus Kristu bvə́y, a wù sí kér vikuʼùy a dzə̀ veé yuv. Dzə̀ wun Nyùy wòsən wo ghaʼán wo wù luŋèr vèsən.

Ŋwàʼ woó Rom 16:4

Aáwune‑eè lo wày féyì ji a fə̀m dzə̀ kpú, á kù kpù á fo mǒ kitu. A bó yòʼ jòʼsì mo wo m shéʼri áwune gheéy. Vintatì ve wìr Kristu ve ví dzəə̀n é vitum ve bó yòʼ dzəə̀n veé Juda vidzə̀m vi shéʼri sa áwune.

1 Joon 2:6

a wìr suuy ji wun tíy kfə́ wùn Nyùy, wù kù a ker a liì a dzə̀ wo Jesus‑eè kérí.

Joon 10:15

réŋréŋ mo m kiìn Tàr wor, a wù kì sá mo. M nen biìmé kpú, e fò kitú kém fo njiì wom və̀n.

Filipi 2:17

Mo vèn wayin shilív e Wàn Nyùy wùn, a sheʼrí, bo dzə̀ cu mo vèn cu Nyùy. A wù ben yèn ji á yúyrí mo, e dzə̀sì cu yén shó, bo m kù nəə a dzə̀ e věn mvə̀m kisheʼrì, é vèsən maysi, a yu vijuŋ.

Ŋgaà Yen 5:9

Á wáa gbù bèy, a yòv luŋ wo fíy wúmóʼó, a wú dzə̀ jii: «Kù dzə̀ wò, wo à gheenen fó sə ŋwàʼ və̀n, e bày mfìn, e mvə̀ʼ. Wò‑oò biìmé kpú, mensə́ mè mè leém, à tín wíri fó lòn, e siìr e Nyùy. A vé‑eè lò vitúm vidzə̀m, kìn dzə̀ ke kí súŋnin lám vəné, kfə̀n lò woŋ sidzə̀m wùn à rám wìr msòŋé e dzə̀m.

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

1 Pita 1:18

Vèn kú a kuumé ji Nyùy‑iì yiì á kinyo ke ghaʼán kí, e bóo fəə́r ven fó mvə̀m liì kisaŋ wo atàr véné‑eè dànèn ven shó. Wù‑uù tìn ven fó lǒn liì woo shooy, a bó wù yòʼ‑oò tìn a dzə̀ e kifá kee moo mbàm se dzə̀ sí mày, a fə̀m dzə̀ *kisha ke mbàm ke baar kí, kìn ke fəvír kí.

Filipi 2:30

bìʼ fo wù‑uù wayin vifií e Jesus Kristu kinyò, e bèr gheéy fó kpu. A wù‑uù wáy nyár e wun wùn bey cáʼ ji wun li á kirə́ʼ ke yì‑iì dzəə̀n kén, e wìy, a sə mo.

Joon 10:11

«Dzə̀ mo nshìy njiì wo juŋ. Nshìy wo juŋ dzə̀ wo wù biíme, kpú fo njiì və́ kitu.

1 Tesalonika 2:8

Mo vèr‑iì sí báŋri ven bey, la vèr yòʼ a tàʼ, e fo ven a dzə̀ sáʼka Nyùy wo juŋ cáʼcáʼ. Vèr nèn fò sá vitú vér e vèn, bìʼ fo vèr kòŋèn ven é ŋàŋ.

1 Joon 2:9

Kí nén a dzə jii, a wìr suuy ji wun ghán e Nyùy mvə̀m ran, kfə̀n ban fə́r və, bo wù kù dzəə́ ghán e ndzə ye sənér.

2 Korin 4:12

Á mo vèr biimen kér a dzə̀ kpú ji vèn fíʼ a ker dzəʼə̀m yee là may.