1 Joon 3:15 - ŊWÀʼ NYÙY

¹⁵ A wìr ban fə́r və, bo sì yúyrí mo wù yúyri bèy, a vèn kì sá ji wìr wo kfə́ kí dzəə̀n ji wun ku yùyrí wír yòʼ dzə̀ wù kfə̀n a dzə e mvə̀m dzə̀ʼə̀m yee là may.

1 Joon 3:15 Referans Kwoze

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Lim Aŋgàa Ntum 23:14

Áwune nèn dù, e yèn vitú ve atàá cù wùn à vé wòŋe, e sùúy jii, «Vèr lìʼ ne feyì ji bó yòʼ dzə̀ vèr yì kifá, kìn dzə̀ ke noón kí, a bó á yúyrí á Por.

Jeem 1:15

Shií və̀n távkirì, nèn fəə̀ kinyo ke bi kí. Kí ram, kí nèn bvə̀ysín a dzə̀ é kpu ye dzəə̀n lòn woo là may.

Lim Aŋgàa Ntum 23:12

Yì rán kibvəə́shí, wír veé Juda ámóʼó táŋ ntaŋ, e yiì kilìʼ jii, bó yòʼ dzə̀ áwune yì kifá, kìn dzə̀ ke noón kí, a bó á yúyrí á Por.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Maak 6:19

Herodia ku nèn a ker ŋkfəə́mé wùn Joon, a tàʼ ji á yúyrí, e bó a buŋ dzə́ə,

Matio 5:28

Yii bèy, a m duŋrì kém e vèn jii, a wìr lèéy wiiy wìr, e siìmé, bo ŋgaàŋ kù lì ne a wiíy woo shooy bèy fo wùn kwàʼtì.

Kèʼlo 27:41

E bǎm vinyò vìn, Esav nèn a bàn Jakov bìʼ kisəəvì kfə́ ke tàr wov foon shó. Wù wáa sev fo wùn bvə̀m ji tàr wov yíi kpu, á diy kpú, maysì, é wun ku yùyrí a Jakov.

1 Pita 1:23

a kiíy jii, jí se Nyùy se sí tíy fo ghán sidzə̀m, fó dzəʼə̀m ye fíyi, si yiì ne, á dzəə́ ven afíy. A bó yòʼ dzə̀ ji wón wìr wo dzə̀ wù kpù, vèn sì wón Nyùy wo wù gòʼòn kàŋ mòʼón.

Remrí 19:11

«Yii bèy, a dzə̀ wìr wàa bàn wír, e dù, e làáy, a teʼ, e yiì koò, e lèmér e dzəə ye wù kpú, é wù léʼ, e lìr e ŋkàlaʼ yìmòʼ fo sin si.

1 Joon 2:9

Kí nén a dzə jii, a wìr suuy ji wun ghán e Nyùy mvə̀m ran, kfə̀n ban fə́r və, bo wù kù dzəə́ ghán e ndzə ye sənér.

1 Joon 2:11

Wìr wo wù ban fə́r və ghán kfə́ a dzə̀ é ndzə ye sənér, ghaa virə́ʼ gháan, a bó yòʼ dzə̀ wù kìíy fo wù du.