1 Joon 3:14 - ŊWÀʼ NYÙY

¹⁴ Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

1 Joon 3:14 Referans Kwoze

1 Joon 5:2

Mo kí dzəə̀n bey, vèsən nèn a kiíy jii, a vèsən koŋ Nyùy, yú sáʼ rə́, bo vèsən koŋ saa wón və́.

Joon 13:35

Vèn lóo kòŋnìn bèy, é wír adzə̀me nèn yèn rú ji vèn dzə̀ wír vém.»

1 Tesalonika 4:9

Fo kinyò kee kùm kikoŋnìn ke fə̀r wùn fə̀r vee aŋgàa biimé, bó vèn yòʼ dzəə́ kér shií wo vèr wáa saŋ fo vèn, bìʼ fo vèn‑eè yeʼeyin ne fo wun woo Nyùy mo dzə̀ vèn wàa kòŋnìn.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

Matio 25:40

Á dzə́r bèy, é wun woo Fon nèn bìnèr jii, ‹Vèn‑eè yii vinyo vee shoon a dzə̀ áàfə́r vémé. Mo vèn‑eè yii aàfə́r vém víne, a ŋgaàŋ fə̀m dzə̀ ghéʼ é le, bo vèn‑eè yii a dzə̀ e mò.›

Hibru 13:1

Vèn ku nèn a yiì moo wír wun woo Nyùy, é wìr wáa kòŋ wùmòʼ mo wìr yii koŋ fə́r və.

Joon 15:12

Yéem yee nsər ye m fó e vèn nén a dzə jii, wìr koŋ wùmòʼ réŋréŋ mo m koŋ ven.

1 Joon 4:12

Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.

1 Pita 3:8

M nen màysì, a tir wir dzə̀m lèn jii, vèn wáa yòy a kiyoy kén kimòʼón, é wìr wáa sham fə́r və, a way e shiliv. Vèn wáa ker shilív she juŋ shi, é wìr wáa lì kitú kfə́ shishàr.

Kolosia 1:4

bìʼ fo vèr yén ji vèn wày shilív e Jesus Kristu wùn kitávín, kfə̀n yú sa mo vèn koŋ wír ve dzəə̀n vé Nyùy adzə̀m.

Efesor 1:15

M nén a sheʼrí wun woo Nyùy mo m yú ji vèn kù wáy shilív e Tàr wòsən Jesus Kristu wùn kitávín, koŋ wír Nyùy adzə̀m.

1 Joon 5:13

Mo m sáŋ vinyo vìn vidzə̀m bèn, m sáŋ a dzə̀ fo vèn ve á wayin ne shilív e Wàn Nyùy wùn, é vèn fíʼ kiíy ji vèn sí kér dzəʼə̀m yee là may.

Joon 15:17

Ke m tiir e věn wùn kí kù dzə̀ jii, vèn wáa kòŋnìn.

1 Joon 2:3

Kímóʼ kí wáa dzə jii, a dzə̀ vèsən kù a lèm nsər se Nyùy, e bóo kiíy rú ji vèsən kì á wun.

2 Pita 1:7

Wìr ku yèʼéy sa mo dzə̀ wù wàa kòŋ fə́r və, e kfə̀n a way wir dzə̀m e shiliv.

Efesor 2:5

Mo vèsən fə̀m‑eè kpuun fo wùn mbìv, bìʼ fo vé‑eè méŋ wun, wù ku yòʼ tàtí vèsən à Jesus Kristu, e fə̀ə́r fo kpu. A bó yòʼ‑oò dzə̀ vèsən lùŋ. Wù‑uù bùʼ vèsən búʼun.

2 Korin 5:1

A bó yòʼ dzə̀ vèr wàa dor fo Nyùy lìm, bìʼ fo vèr kiìn jii, a fə̀m dzə̀ ji yúyrí, á yúyrí wún vən, bo á sàʼ a dzə̀ á táv wo vèr bee sho e ndzə fèn, é vèr wáa ker a dzə̀ lav e yuv. Lèm Nyùy yee shooy, a bó yòʼ dzə̀ moo ye bàʼrìn wír. Yì wíy a tiy fo ghán sidzə̀m, a bó yòʼ dzə̀ yì sàʼkìr.

Nsùyrì Nyùy 16:3

Kee kùm wír ve á yúnin wò e wòŋ fèn, áwune dzə̀ kfə́m sé wìr, a m yú vijuŋ bìʼ áwune.

Efesor 2:1

Yì‑iì dzə̀ fó mbìy, a vèn kpú ne fo Nyùy mbìv, bìʼ fo vèn‑eè dzə́, méŋ Nyùy, yii a dzə̀ vinyo ve bi ví.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

Ŋwàʼ Luk 15:32

Yii bèy, a dzə̀ wòsò kù a sheʼrí ké fər wò kìn. Vé‑eè kí ji wù kpù ne, wù wíy, a wù dzə̀ e tin. Wù‑uù lày ne, wòsò kfən yèn lèn.› »

Ŋwàʼ Luk 15:24

Mò‑oò kí ji wan və̀n kpù ne, wù kfə́n lèn, a wù dzə̀ e tin. Wù‑uù lày ne, bo m kfən yèn.› Wù suúy bey, á nèn kèʼ vinyo, a yikír, a dzən kidzə́n.

Ŋgàn 21:16

A wìr ŋwáy yéʼéy ye yí fó vifií, bo wù kù wíy jòʼsì a dzə̀ wùn à kpúu.

Ŋwàʼ Luk 7:5

Wù kòŋ vèsən vee wír veé Juda feyì, a yì‑iì bàʼrì wun ŋgày yer bùnrì.»