1 Joon 3:12 - ŊWÀʼ NYÙY

¹² A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

1 Joon 3:12 Referans Kwoze

Hibru 11:4

A kù dzə̀ sá mo kinyo ke Abel wùn Keen ki‑iì dzəə̀n. Abel‑iì cù Nyùy e dzəə yee réŋ, e shaà Keen, bìʼ fo wù‑uù cu kfə́, wáy shilív a dzə̀ e Nyùy wùn. Nyùy nèn biìmé wun, e lì ji wír woo là jay. A wù‑uù lo dìn rú bey, bìʼ fo wù‑uù səən rə́ yee cu. Abel kpú, yii bèy, a kinyo kee mo wù‑uù wayin shilív e Nyùy wùn kí kù dzəə́ yéʼey vèsən, e shem lán.

Ŋgàn 29:27

Wìr wo wù yú Nyùy yòʼ yii tíy e wìr wo wù méŋ Nyùy kinyò, yii bèy, a wìr wo wù méŋ Nyùy nyaysì ké wìr wo wù yú Nyùy, nyáysin.

Kèʼlo 4:25

Adam nèn kfə̀n shìíy wùn wiiy və. Wù bóŋ bvəm, e dzə̀ə́ wán lumèn. Wiíy shú yír ji Set. A wù‑uù shu bèy, suuy jii, «Nyùy fò ne mo wán, wù lí kilíŋ ke Abel wo Keen‑eè yuyrin.»

Ŋwàʼ Jud 1:11

Lòné dzə̀ aáwuné vitu. Áwune yii vinyo a dzə̀ vé Keen, kfə̀n maysì, wáyri wó e jay wo Balaam‑eè yiìn, bìʼ fo á wáy vifií vév a dzə̀ é mbàm. A Nyùy kù wíy laàr áwune adzə̀m mo wù‑uù laàrìn Kora wo wù‑uù loòn, a tsəy kóy wùn wun.

Ŋwàʼ Luk 11:51

Wù wíy kèʼ dzə́tí a dzə̀ fo dzə́n Abeli, e dù meé e yé Sekariya wo vé‑eè yuyrin é shùu lav cùu, e bǎm kiy wo á cu Nyùy sho, e bó a nəə́ e lav cù. A m suuy e vèn féyì jii, Nyùy kù wíy a dzətí dzə́n sé wìr vee shooy a dzə̀ e ŋgwàʼ yee lèn.

Matio 23:35

Vèn yii bèy, é Nyùy nèn dzə̀r mensə́ me wìr və́ ve vé‑eè yuyrin é nsay fèn adzə̀m a dzə̀ e vèn. A wù wíy kèʼ dzə́r a dzə̀ fo me Abel wo vé‑eè yuyrin là njò, e dù, e meé e me Sekariya woo wan Barakia wo vé‑eè yuyrin é shùu lav cù, e bǎm kiy wo á cu Nyùy sho, e bó a nəə́ e lav cù.

Ŋgàn 29:10

Anjuyrìwìri yòʼ yii koŋ wír woo là nsem, yii bèy, a wír ve á yú Nyùyi kù kiŋsìn dzəʼə̀m ŋgaàŋ.

1 Pita 4:4

Wáa dzə lèn wo bó vèn yòʼ dzəə́ táti ŋgoo wìr ve bó á yòʼ kiìn Nyùy vìn, a vèn áwune ghán, buʼtì vinyo vee shooy, á wáa ker gháʼ, a ghay kinyo ke kí kooyin, e nèn a bàn ven bánen, a kuùrì ven.

Hibru 12:24

Vèn áwune wìy ne, e yèn Jesus wo wù‑uù tiimen e Nyùy wùn à wírí nsàn, bo wù gwar *mensaŋ me fíy mè wùn à wíri. Vèn nén a tiy a dzə̀ e wun woo Jesus kitu ke mensə me mè‑eè tinen ven tínén fó lòn, e làa yòʼ way ven é lòn wáyín mo me Abel mè‑eè wayin Keen.

Nsùyrì Nyùy 38:20

Áwune siir kinyo ke juŋ ke m yii, e ke bi kí. Á kù ban mo, bìʼ fo m jumrì kinyo a dzə̀ ke ru kí.

Nsùyrì Nyùy 37:12

Wír ve á méŋ Nyùyi ron wuú wìr ve á yúnin wun. Áwune ŋéyti sóŋ kibiíbí, kiʼ wír ve á yúnin Nyùy sho.

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.

Lim Aŋgàa Ntum 7:52

Ŋgaà ntum Nyùy wùmòʼ dzə̀ shó wo atàr véné yòʼ‑oò ló a ròn wúu rə́ á? Áwune kù‑uù yúyri aŋgàa ntum Nyùy yúyrín, a vé‑eè fiʼtì ji Ŋgaà Lìm Nyùy woo rú waà wíy wìy. A dzə̀ wùwun woo shooy mo wù‑uù wìyìn ne, vèn sháʼnín, e yùyrí.

Joon 10:32

Wù dzə́r aáwune jii, «Vèn‑eè ló a yen, a m yii vinyo ve juŋ vi vinín, a ví lo a dzə̀ fo Tàr wor. Fo vinyò fèn, vèn taʼ ji vèn yúyrí mo a dzə̀ fo kiné kí lèn?»

Matio 27:23

Wù kfən dzə̀r jii, «Bìʼ ka? Wù jày ka?» Wír vìyi ku màysì, a waamé waamén jii, «Á tá taán é kintam.»

Matio 13:38

Súmé dzə̀ ndzə rə̀n, a ŋgoòy ye juŋ rə̀y dzə̀ wír ve á yú sáʼ Nyùy. Ŋgoòy kikwìíy wáa dzə wír ve á yú kév a dzə̀ fo Satan woo ŋgaà vinyò ve bi ví,

Matio 13:19

Ŋgoòy ye yì tumkin é dzəə dzə̀ wír wo wù yú kinyo kee kùm sáʼ Nyùy, e làa yòʼ a kiíy. Satan nèn wìy, e fə̀ə́r kinyo kee shooy fo ŋgaàŋ shiliv.

Ŋgaà Yen 17:6

M yén, a wiíy və̀y baá mo koò meluʼ, a koó mensə́ me wìr Nyùy ve wù‑uù rə́si yúyri, a mè shaa e si wo, bìʼ fo á kù‑uù tíy kév a dzə̀ wùn à Jesus. M ku nèn a leéy wiíy və̀y bèy, a jaáy.

1 Tesalonika 2:14

Kinyo ki nén a koóy ven, afə̀r vem, réŋréŋ mo kí‑iì kooy wír veé Juda ve vé‑eè wayin shilív e Jesus Kristu wùn, e tàtí, a dzə ji wír Nyùy. Wír vee věn wòŋe nén a fo sa ven ŋgeʼ mo wír veé Judàa‑aà fó e vee shooyi.

2 Samuel 13:22

Absalom kú a bàn kfə́ Amnon bánen, a səmnín wun, bìʼ fo Amnon‑eè ghatin jemèr rə yee Tamar.

Ŋgàn 27:4

Wìr woo ŋgaà dòʼshwiíy tínsin wíri tinsín là mendzən, yii bèy, a ké ŋgaà kighèʼ ki fòy kfə́ fóyin ji wòʼ.

Matio 5:37

Vèn lóo suúy kinyo ke á suuy kidzə̀m, kí kù a dzə ji eè, kìn ji àáy. A wìr suuy kinyo e shaà kin, bo kee shooy ki lò a dzə̀ fo Satan woo ŋgaà vinyò ve bi ví.

Joon 8:40

M fiʼtì kinyo e vèn a dzə̀ ké ru kí, a m yù a dzə̀ fo Nyùy, a vèn kù taʼ ji á yúyrí mo yúyrín, a bó yòʼ dzə̀ mo Abraham‑eè yii.

Joon 8:41

Vèn yii kinyo a dzə̀ ké wóon woo tàr.» Áwune nèn sàyín jii, «Vèr yòʼ dzə̀ atáfójiy, vèr kì tàr wor e mòʼón, a dzə̀ Nyùy.»