1 Joon 3:11 - ŊWÀʼ NYÙY

¹¹ Vèn kuúmé kinyo ke vèn‑eè sí yú, e kèʼ mo vé‑eè kèʼèn, a fìʼtì kinyo ke Nyùy e vèn kí. Kí‑iì dzə̀ ji vèsən wáa kòŋnìn.

1 Joon 3:11 Referans Kwoze

Joon 15:12

Yéem yee nsər ye m fó e vèn nén a dzə jii, wìr koŋ wùmòʼ réŋréŋ mo m koŋ ven.

2 Joon 1:5

Kii wò Yìy à Wíri, m nén a lon ji vèn à wóné ku nèn a lèm a nsər ye yì dzəə̀n ji vèsən wáa kòŋnìn. A bó yòʼ dzə̀ nsər ye fíy yìmòʼ, kù dzə̀ yìwun ye vèsən‑eè sí yú, e kèʼ mo vèsən‑eè yuun kinyo ke Nyùy.

1 Joon 4:7

Ŋkàr sem, vèsən kú a kòŋnìn, bìʼ fo yii Nyùy, bo wíri wáa kòŋnìn. Wìr lóo yiì bèy, é wù nèn a dzə rú wan Nyùy, e kfə̀n a kiíy sa Nyùy.

1 Joon 4:21

Nsər ye Jesus‑eè foon e vèsən dzə̀ jii, wìr wo wù koŋ Nyùy kú a kòŋ saa fə́r və.

1 Pita 4:8

A kinyo ke kí shaàn vidzə̀m ki dzə̀ jii, wìr wáa kòŋ a wír shilív shidzə̀m, bìʼ fo kikoŋnìn ki yii sə́ti ajay anín.

1 Pita 3:8

M nen màysì, a tir wir dzə̀m lèn jii, vèn wáa yòy a kiyoy kén kimòʼón, é wìr wáa sham fə́r və, a way e shiliv. Vèn wáa ker shilív she juŋ shi, é wìr wáa lì kitú kfə́ shishàr.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

1 Joon 1:5

Vèr‑iì yù kinyo ke m fer e vèn kin a dzə̀ fo wun woo Wan Nyùy. A kí dzə̀ jii, bó Nyùy yòʼ yii ghán e ndzə ye sənér, yii vinyo ve bi ví. Wù dzə̀ kfə́ ji rán.

1 Tesalonika 4:9

Fo kinyò kee kùm kikoŋnìn ke fə̀r wùn fə̀r vee aŋgàa biimé, bó vèn yòʼ dzəə́ kér shií wo vèr wáa saŋ fo vèn, bìʼ fo vèn‑eè yeʼeyin ne fo wun woo Nyùy mo dzə̀ vèn wàa kòŋnìn.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

1 Timoti 1:5

Kú a shèm vinyo vee shooy vi shémen, é wíri fíʼ a kòŋnìn. A dzə̀ wíri kù a ker melív me juŋ mè fo afə́r véví, a yiì a dzə̀ vinyo ve melív mev mè bínsi, a yu a dzə̀ fo Nyùy, e bó a kòŋnìn.

Galatia 6:2

Wìr kú a sə fə́r və kibeʼèy ke kí gháʼ wun. Vèn lóo yiì bèy, bo vèn sí lem nsər ye yì lo a dzə̀ fo Kristu.

Joon 13:4

wù nèn lò fo kitu ke vifa ve yi, e shòʼ kikúm kfə́, e lì ndzə̀y se á yii sə́ʼsi wún shó, e sìŋ,

1 Joon 4:11

Ŋkàr sem, mo Nyùy koŋ vèsən é ŋàŋ ben, vèsən ku nèn a kòŋnìn sa.