1 Joon 3:10 - ŊWÀʼ NYÙY

¹⁰ Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

1 Joon 3:10 Referans Kwoze

1 Joon 4:8

Yii bèy, wìr wo bó wù yòʼ koŋ fə́r və yòʼ kì Nyùy gheéy, bìʼ fo liì Nyùy dzəə̀n ji wù koŋ á wíri.

3 Joon 1:11

Ŋkàr yèm, lá à yòʼ bìʼnìn liì wo bi. Kú a bìʼnìn a dzə̀ wo juŋ, a kiíy jii, wìr wo wù kér liì wo juŋ dzə̀ á wo dzəə̀n wan Nyùy. A bó wìr wo wù kér liì wo bi yòʼ fə̀m kì Nyùy gheéy.

1 Joon 4:21

Nsər ye Jesus‑eè foon e vèsən dzə̀ jii, wìr wo wù koŋ Nyùy kú a kòŋ saa fə́r və.

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Matio 13:38

Súmé dzə̀ ndzə rə̀n, a ŋgoòy ye juŋ rə̀y dzə̀ wír ve á yú sáʼ Nyùy. Ŋgoòy kikwìíy wáa dzə wír ve á yú kév a dzə̀ fo Satan woo ŋgaà vinyò ve bi ví,

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

Ŋwàʼ Luk 6:35

Ke kí dzəə̀n kí dzə̀ jii, vèn wáa kòŋ aŋgaà vén vibàn, a yiì kijuŋ aáwune, e kfə̀n a foòr kifá, e làa yòʼ a shìy ji á wíy siìr. Vèn lóo yiì bèy, é wìy laàmé Nyùy ven kijuujùŋ, é vèn kfə́n a dzə wón wun woo Nyùy woo Taà Vitu, bìʼ fo vèn yii a dzə̀ mo wù yii sa. Wù yii vinyo ve juŋ vi e wír ve bií, a bó á yòʼ fə̀m beerì wun.

1 Joon 4:6

Mo vèsən dzəə̀n késən wón Nyùy, wìr dzə̀m wo wù kiìn Nyùy nén a yuurí sa vinyo vesən, a bó wìr wo yòʼ dzəə̀n wan Nyùy yòʼ yuúri. Á nén a kiíy wír wo wù kér Kiyoy ke Nyùy ke kí yii suuy a dzə̀ kinyo ke ru kí, e kfə̀n a kiíy wír wo wù jumrì kfə́ a dzə̀ kimboʼtì.

Efesor 5:1

Vèn wáa kuumé ji vèn dzə̀ wón Nyùy, a wù koŋ ven é ŋàŋ. Vèn ku nèn a yiì mo dzə̀ wóné wàa yiì, a bìʼnìn liì a dzə̀ wo Tàr wov.

1 Joon 5:2

Mo kí dzəə̀n bey, vèsən nèn a kiíy jii, a vèsən koŋ Nyùy, yú sáʼ rə́, bo vèsən koŋ saa wón və́.

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

Lim Aŋgàa Ntum 13:10

e sùúy sho jii, «À dzə̀ wan Satan. À ban vinyo ve juŋ vi vidzə̀m, bóʼti wíri, yii vinyo ve bi ví. Bó yòʼ dzə̀ à yàr fó a bìnèr kinyo ke Nyùy ke ru kí ji kimboʼtì à?

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

2 Samuel 13:22

Absalom kú a bàn kfə́ Amnon bánen, a səmnín wun, bìʼ fo Amnon‑eè ghatin jemèr rə yee Tamar.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Joon 11:52

A bó kí yòʼ‑oò dzə̀ ji Jesus kpú a dzə̀ fo wír veé wòŋ foo fèyi cáʼcáʼ. Wù‑uù wíy kpu ji wù fiʼ bàʼtí wír ve dzəə̀n vé Nyùy fo kitu ke nsay adzə̀m, aá wáa dzə kintatì kimòʼón.

Ŋwàʼ woó Rom 13:8

Lá wìr yòʼ a ker káa yímóʼó wùn wìr, e shaà yé kikòŋnìn. A dzə̀ mo vèn kú a kòŋnìn bèy, bìʼ fo wìr wo wù koŋ fə́r və sí yii a dzə̀ mo nsər Nyùy taʼà.

Kolosia 3:14

Vèn lóo yiì vinyo vìn vidzə̀m, vèn kù a tiír a dzə̀ kikoŋnìn fo mbìy, bìʼ fo vinyo vìn vidzə̀m vi tatin rú a dzə̀ é kitu ke kikòŋnìn.

1 Timoti 1:5

Kú a shèm vinyo vee shooy vi shémen, é wíri fíʼ a kòŋnìn. A dzə̀ wíri kù a ker melív me juŋ mè fo afə́r véví, a yiì a dzə̀ vinyo ve melív mev mè bínsi, a yu a dzə̀ fo Nyùy, e bó a kòŋnìn.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.