1 Joon 3:1 - ŊWÀʼ NYÙY

¹ Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

1 Joon 3:1 Referans Kwoze

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

2 Korin 6:18

é m wáa dzə Tàr won, é vèn wáa dzə wón vém vee vilum wùn à vee vikìyí. Suuy mo woo Nyùy Tàr woo Ŋgaà Vitaàví Vidzə̀m.»

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Ŋgaà Yen 21:7

a sì vitsə́ʼ mo m fó e wìr dzə̀m wo wù só vinyo veé ndzə ye bi. M wíy a dzə Nyùy ŋgaàŋ, é ŋgaàŋ wáa dzə wán wom.

Ŋwàʼ woó Rom 5:8

Mo Nyùy‑iì tumen Jesus Kristu, wù kpú a dzə̀ fo vèsən vee aŋgàa vinyò ve bi ví, kí nén a dìn mo wù koŋ vèsən é ŋàŋ.

Galatia 3:29

Mo vèn siìn wír Kristu wo dzəə̀n rám Abraham yee rú, bo vèn sì sá rám yee shooy, a mbùʼmé wo Nyùy‑iì kàʼàn Abraham sho sì wóon.

Ŋwàʼ woó Rom 8:32

Wun woo Nyùy kù wíy màysì, a yiì vinyo vìn e vèsən. Mo wù‑uù foon Wán və, wù kpú fo vèsən, e làa yòʼ a bavtí, bo vèsən kì ji wù yòʼ wíy kìm kifá kímóʼ kí fo vèsən gheéy.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Kolosia 3:3

Vèn wáa kuumé ji vèn‑eè kpù ne fo ndzə fèn, a dzəʼə̀m yéné dzə̀ lèn a dzə̀ e Jesus Kristu kiwo mo Nyùy lèmèn shó, a bó á yòʼ sí yéné.

2 Samuel 7:19

Éè Nyùy Tàr woo Taà Ndzə, à kfə̀n dzə̀sì ne lèn aŋkàʼmé vee kùm kfə́ə ŋgaà lìm wò veé ghan se sí wíy a wìy. Éè Nyùy Tàr woo Taà Ndzə, à dìn ne ndzə kibvəə̀shí.

Jeremia 3:19

«Wír veé Isray, mò‑oò yén jii, m yíi lèm a ven jeéy e wón vém adzə̀mé mvəm, e fo ven nsay ye juŋ, vitsə́ʼ, a ví bòŋ feyì, e shaà ve ví dzəə̀n é vitum vímóʼ ví. M kfə́n a ki ji vèn yíi a yòŋ a mo ji Tàr won, a ghan e mǒ mbòv, e làa yòʼ bìn ndzə̀m e mò.

Nsùyrì Nyùy 31:19

À nə́ʼsin wír ve á ghvə́m wò e vijuŋ vi, nə́ʼsin áwune e vijuŋ ve ghaʼtín ví, fó vijuŋ e wír ve á lir e wò wùné adzə̀m, a wìr dzə̀m yéné, səəmè.

Hosea 1:10

«Yii bèy, wír veé Israyi dzəə́ wìy kùʼ, a dzə moo síy seé rìbà ndzə̀v, a bó á yòʼ wíy yu fó taŋ. A kí dzə̀ jii, e kirə̀ʼ fo vé‑eè yoŋ áwune ji ‹Vèn yòʼ dzə̀ə́ wír vém›, dzə̀ fo á wíy a yòŋ áwune ji ‹Wón Nyùy wo wù gòʼòn kàŋ mòʼón.›

Remrí 14:1

Mooser kú a suúy e wír veé Israyi jii, «Vèn dzə̀ wón Nyùy Tàr woo Nyùy won. Wìr kpú, lá vèn yòʼ shùnrí wún wón, kìn ji á keŋri kitú kén fó vishi mo wír ámóʼó yii.

Ŋwàʼ Luk 20:36

Áwune wíy a dzə réŋréŋ moo nshèelav se Nyùy, a bó yòʼ dzə̀ á kfə̀n a kpukír. Mo Nyùy fəərin áwune fó kpu, á sì wón və́ ŋkuuŋkùŋ.

Joon 11:52

A bó kí yòʼ‑oò dzə̀ ji Jesus kpú a dzə̀ fo wír veé wòŋ foo fèyi cáʼcáʼ. Wù‑uù wíy kpu ji wù fiʼ bàʼtí wír ve dzəə̀n vé Nyùy fo kitu ke nsay adzə̀m, aá wáa dzə kintatì kimòʼón.

Joon 15:21

Kù dzə̀ mo wír veé ndzə fèn vìne kù wíy a lovtí e vèn ve á tíy e mǒ kinyò bèy, bìʼ fo bó á yòʼ kiìn wír wo wù‑uù tumen mo é ndzə fèn.

Ŋwàʼ woó Rom 8:19

Vifá ve Nyùy bomen vidzə̀m vi sí shiy, njeʼ feyì jii, á yén á mo Nyùy wíy yiì e wón vəə́ e ghan foo fèy.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

1 Joon 3:10

Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

1 Joon 4:17

Kinyo ke kí din ji koŋ ye Nyùy koŋ vèsəné shèmsín e kinyò ke wù taʼ ki dzə̀ jii, vèsən yòʼ dzəə́ fan a kishiíy ke wù wíy tinén nsaʼ wìr dzə̀m. A bó yòʼ fə̀m dzə̀ vèsən wìy a fàn, bìʼ fo vèsən sí ghán e nsay fèn mo Jesus‑eè gháné.