1 Joon 2:6 - ŊWÀʼ NYÙY

⁶ a wìr suuy ji wun tíy kfə́ wùn Nyùy, wù kù a ker a liì a dzə̀ wo Jesus‑eè kérí.

1 Joon 2:6 Referans Kwoze

1 Pita 2:21

A dzə̀ mo Nyùy‑iì liìn ven ji kí wáa koóy ven réŋréŋ mo kí‑iì kooy Kristu. Wù‑uù yén ŋgeʼ a dzə̀ bìʼ ven ji vèn li mfìʼ fo fo, a yiì a mo wù‑uù yii.

Joon 13:15

Kinyo ke m yiìn kin ki nén a dzə mfìʼ ye vèn wáa yiì sa mo m yiìn.

1 Korin 11:1

Vèn kú a bìʼnìn mo réŋréŋ mo m biʼnìn Jesus Kristu.

1 Joon 3:6

Kí nén a dzə jii, wìr wo wù tíy kfə́ a dzə̀ wùn Jesus yòʼ dzə̀ á wù kfə̀n a yiì vinyo ve bi ví. A bó wìr wo wù yii kfə́ a dzə̀ vinyo ve bi ví yòʼ kì wír wo dzəə̀n Jesus, a bó wù yòʼ‑oo yií ne yèn wun.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

1 Joon 2:4

A wìr suuy ji wun kì Nyùy, a bó wù yòʼ lem nsər sə́, bo wù bóʼti, a bó wù yòʼ koŋ kinyo ke dzəə̀n ke ru kí gheéy.

1 Joon 2:28

Wòn vem, vèn ku nèn a suusín vèn à Jesus Kristu bèy, wíy lóo dzə e ghan se wù wiyì, é la vèsən yòʼ a woomé, a tàʼ, e laáy, aá fan a dzə̀ fó yen wun.

Nsùyrì Nyùy 85:13

Wù shaa fèé, á kù yèn kinyo kfə́ ke wù yii yii là jay, a kí kù yíi shem e wun mbìy, a kiv dzə́ə ye wù wáa shaà sho.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

1 Joon 4:17

Kinyo ke kí din ji koŋ ye Nyùy koŋ vèsəné shèmsín e kinyò ke wù taʼ ki dzə̀ jii, vèsən yòʼ dzəə́ fan a kishiíy ke wù wíy tinén nsaʼ wìr dzə̀m. A bó yòʼ fə̀m dzə̀ vèsən wìy a fàn, bìʼ fo vèsən sí ghán e nsay fèn mo Jesus‑eè gháné.