1 Joon 2:5 - ŊWÀʼ NYÙY

⁵ Wìr wo wù koŋ Nyùy shilív shidzə̀m dzə̀ wír wo wù yú kinyo kfə́, lemè. Kinyo ke dzə̀ kí dìn bo wìr kiíy ji wun tíy rú wùn Nyùy ki dzə̀ jii,

1 Joon 2:5 Referans Kwoze

Joon 14:23

Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

Joon 14:21

Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»

Ŋwàʼ Luk 11:28

Jesus bìnèr jii, «Wír ve á kér kishéʼrì ke kuʼùn kií dzə̀ ve á yú kinyo ke Nyùy, yii mo kí dzəə̀n.»

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

Nsùyrì Nyùy 119:2

Bòŋ ké wìr ve á yúnin vinyo ve Nyùy foon, diy shilív shidzə̀m ji á yii á mo ví dzəə̀n.

Ŋgaà Yen 14:12

Kí nén a dzə jii, wír ve dzəə̀n vé Nyùyi kú a tiy kitávín, e dù, e jòʼsì, a lèm nsər se Nyùy, e kù a way shilív a dzə̀ e Jesus wùn.»

1 Joon 5:2

Mo kí dzəə̀n bey, vèsən nèn a kiíy jii, a vèsən koŋ Nyùy, yú sáʼ rə́, bo vèsən koŋ saa wón və́.

Joon 15:5

Dzə̀ mo kitiír, a vèn dzə̀ kén ji tám si. Wìr wo wù tíy e mǒ wùn, a m tíy vèr ŋgaàŋ, dzə̀ moo tám wo wú koom kijuŋ. A bó yòʼ dzə̀ wìr yiì kinyo ke ru kí gheéy, a bó ŋgaàŋ kù tíy e mǒ wùn.

Esiker 36:27

M wíy fo kiyoy kém e vèn, e yiì, é vèn wáa yu sáʼ yém, a tiír kiwuú mo yí dzəə̀n, e bó a yiì kinyo ke m tínen kidzə̀m.

1 Joon 4:18

Kí nén a dzə jii, wìr wo Nyùy koŋ wun yòʼ dzə̀ á wù kfə̀n a fàn Nyùy, bìʼ fo, a wìr kì rú ji Nyùy koŋ wun, la wù yòʼ dzə́ə a fàn ji wù wíy way wun e ŋgeʼ. Yii bèy, wìr wo wù fan Nyùy yòʼ sí kiiy rú mo Nyùy koŋ wun.

Nsùyrì Nyùy 119:146

M tóŋ e wò, ku lùŋèr mo, é m yiì a yunín vinyo ve à foon.

2 Korin 5:17

Ke kí dzəə̀n kí dzə̀ jii, wìr táti wùn Jesus Kristu, bo ŋgaàŋ sì wír wo fíy. Dzəʼə̀m ye mvəə́ shaà ne, a wù sí kér lèn a dzə̀ ye fíyi.

Ŋgaà Yen 12:17

Wù yén bey, e màysì, e shwìíy kilòŋ fo wiíy və̀y, e nèn fəə̀ ji wun du, e kèʼ rə́r, a màʼ kfə́ə wiíy woo shooy ye yí berin, a dzə̀ áwune ve á lem nsər se Nyùy, tíy a dzə̀ é kinyò ke Jesus.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

Ŋwàʼ woó Rom 8:1

Kí nén a dzə jii, wìr wo wù tatin wùn Jesus Kristu bòy ne a fo lǒn vinyò ve bi ví.

Jeem 2:22

Vèn yén ri mo wù‑uù wayin shilív e Nyùy wùn, e kfə̀n a yiì mo wù suuyin. A shilív she wù‑uù wáy e Nyùy wùn shí‑iì mèé é kinyò cáʼ bìʼ kinyo ke wù‑uù yiìn.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Joon 6:56

Wìr wo wù yí wún wóm, kfə̀n nó mensə́ mem, dzə̀ wo wù táti e mǒ wùn, a m táti sa vèr ŋgaàŋ.

Ŋgaà Tàrvìnyò 8:5

Wìr wo wù yúnin sáʼ yeé ntoʼ, yòʼ dzə̀ wù kfə̀n nə̀ə́ e ŋgeʼ. Wìr wo wù kér vifií kù kì ghán sée yiì kinyo, e kìíy dzə́ə yee réŋ yée yiì sho.»

Nsùyrì Nyùy 106:3

Bòŋ ké wìr ve á yii kinyo là kiloʼ, jumrì a dzə̀ liì wo juŋ ghán sidzə̀m.

Ŋgàn 8:32

Á bèy, wòn vem, vèn fó vituʼùr ví, e yuùrí. Bòŋ ké wìr ve á ghán e mǒ mbòv.

Nsùyrì Nyùy 119:4

Nyùy Tàr, à fò ne ver ntò sé se yeʼéy, ji á wáa ŋeèvì, a yunín sidzə̀m.

Ŋgàn 28:7

Wàn wo wù yúnin nsər dzə̀ woo fií, a wo wù shemen ŋgoo vé kishwaa shoor tàr wov shoórín.

Nsùyrì Nyùy 105:45

Wù‑uù yiì bey ji á bóo fíʼ a yunín a sáʼ rə́, a yiì mo nsər sə́ sí dzəə̀n. Búríi wáa dzə fo Nyùy Tàr.

1 Joon 4:17

Kinyo ke kí din ji koŋ ye Nyùy koŋ vèsəné shèmsín e kinyò ke wù taʼ ki dzə̀ jii, vèsən yòʼ dzəə́ fan a kishiíy ke wù wíy tinén nsaʼ wìr dzə̀m. A bó yòʼ fə̀m dzə̀ vèsən wìy a fàn, bìʼ fo vèsən sí ghán e nsay fèn mo Jesus‑eè gháné.

2 Joon 1:6

Kinyo ke dzə̀ kí wàa dìn ji vèsən koŋ Nyùy ki dzə̀ jii, vèsən wáa lèm a nsər sə́. A nsər ye wù‑uù foon e vèsən fó mbìy, e kèʼ mo vèsən‑eè yuun kinyo kfə́ dzə̀ jii, vèsən wáa kòŋnìn.