1 Joon 2:29 - ŊWÀʼ NYÙY

²⁹ Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

1 Joon 2:29 Referans Kwoze

1 Joon 3:7

Wòn vem, vèn wáa yen fo wìr bóʼtí ven. Vèn wáa kiíy jii, wìr wo wù yii vinyo və́ là jay dzə̀ wo wù dzəə̀n là jay, réŋréŋ mo Jesus dzəə̀n.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

1 Joon 4:7

Ŋkàr sem, vèsən kú a kòŋnìn, bìʼ fo yii Nyùy, bo wíri wáa kòŋnìn. Wìr lóo yiì bèy, é wù nèn a dzə rú wan Nyùy, e kfə̀n a kiíy sa Nyùy.

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

Jeem 1:18

Kù‑uù sìysì wun, bo vèsən wáa dzə wón və́. Wù‑uù tsə̀nsí vèsən jí rə ye dzəə̀n kinyo ke ru kí ji á fiʼ kìíy wun, a dzə ji kifá ke mbìy ki ke wù tayin, e siìr ji kfə́ fó vifa ve wù‑uù bomen vidzə̀m.

1 Joon 5:4

bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

Lim Aŋgàa Ntum 10:35

A wìr ghvə́m Nyùy, yii réŋ, a ŋgaàŋ fə̀m dzə̀ wír woó kitum kiné kí, bo wù ghèén fo Nyùy.

2 Pita 1:4

Á mo Nyùy‑iì ghanen, é bo vèsən nəə́ e wùn mvə̀m vinyò ve wù‑uù kàʼàn wíri shó fo ŋgùʼ, a dzə̀ aŋkàʼmé ve ghaʼtíné ve dzə̀ á sə̀ vèsən féyì. Vèsən nén a dzə lèn, aá bóy ne fo vinyò ve mensə́ me dom wíri, aá buʼtì e ndzə fèn. A vèsən sí yú a dzə̀ fo Nyùy, kér liì a dzə̀ və́ə.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Lim Aŋgàa Ntum 22:14

Wù suúy e mò jii, ‹Nyùy atǎr ram yesən shòʼ ne wò ji à kiíy kinyo ke wun woo Nyùy sìysìn ji wun wíy yiì. Wù nen yiì, à yén Ŋgaà və Lìm woo rú e sí yée, e kfə̀n yù, a wù súŋnin fo wùn shuù.

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

3 Joon 1:11

Ŋkàr yèm, lá à yòʼ bìʼnìn liì wo bi. Kú a bìʼnìn a dzə̀ wo juŋ, a kiíy jii, wìr wo wù kér liì wo juŋ dzə̀ á wo dzəə̀n wan Nyùy. A bó wìr wo wù kér liì wo bi yòʼ fə̀m kì Nyùy gheéy.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

1 Joon 3:5

Vèn kì ji Jesus‑eè wìy é nsay fèn a ji wun laar vinyo ve bi ví ve wíri yii. A bó wun woo Jesus yòʼ yii yii vinyo ve bi ví gheéy.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

1 Pita 1:23

a kiíy jii, jí se Nyùy se sí tíy fo ghán sidzə̀m, fó dzəʼə̀m ye fíyi, si yiì ne, á dzəə́ ven afíy. A bó yòʼ dzə̀ ji wón wìr wo dzə̀ wù kpù, vèn sì wón Nyùy wo wù gòʼòn kàŋ mòʼón.

Hibru 7:2

Wù səə̀vì bèy, Abraham nèn jàv vifá ve wù kì kuuyin fó shùu rər viy kirə́ʼ e ghvə̀m, e fò kee kimòʼón ki shó, a yír sé taà cù və̀n si din vinyo vibaà. Ké mbìy ki dzə̀ jii, wù dzə̀ fon yiì ye réŋé mo nsàv yìr rə́ yee Melkisedek‑iì dzəə̀n. Vee vibaà jii, wù kfə̀n dzə̀ sáa fon nyaáŋ, bìʼ fo wù dzəə̀n Fon woó Salem, a nsàv Salem dzə̀ ji nyaáŋ.

Jeremia 13:23

A dzə̀ wìr woó Etiopia kùvsín nshòm rə á? A dzə̀ baá kùvsín vishom və́ á? Bo yòʼ dzə̀ sá ven ve á merìsìn ne a dzə̀ yíi kisaŋe, vèn kfə̀n yiì kinyo kee réŋ kí.

Lim Aŋgàa Ntum 3:14

Jesus‑eè dzə̀ wír woo là jay, yii kinyo a dzə̀ ke Nyùy taʼà, yii bèy, vèn ku mèŋ wun méŋén, a lon ji Payler fəə́r a dzə̀ wír wo sən, wír, a wù‑uù rə́si yúyri wíri.

Joon 7:18

Wìr wo wù yii kinyo ji yii wun, ŋgaàŋ taʼ a dzə̀ ji wíri wáa burí wun. Wìr wo wù kù yii taʼ kfə́ ji á wáa burí a dzə̀ wír wo wù tumen wun, nén a suúy a dzə̀ vinyo ve ru ví, a bó yòʼ dzə̀ wù lòʼ kinyo.