1 Joon 2:27 - ŊWÀʼ NYÙY

²⁷ M sáŋ bèn, a m kì ji Kiyoy ke Ranén kí ke Jesus‑eè foon e vèn kí kù dzə̀ə́ e věn meliv, yéʼey ven, a vèn kiiy vinyo vidzə̀m, la shií yòʼ a dzə wo kfə́n a yeʼéy wír ven. A Kiyoy ke Ranén kí yéʼey ven a dzə̀ kinyo ke ru kí, a bó yòʼ dzə̀ kí bòʼtí ven. Bìʼ bey, m nén a tir ven ji vèn kú a yu a dzə̀ á fo fo, a suusín vèn à Jesus Kristu.

1 Joon 2:27 Referans Kwoze

Joon 14:26

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

1 Korin 2:13

Vèsən nén a yu a dzə̀ fo Kiyoy ke Nyùy ki, e bó a kiíy mó a fèr vinyo vìn e wíri. A bó vèsən yòʼ fer a dzə̀ e vifií ve dzəə̀n vé wìr vi. A dzə̀ vèsən wàa naàrì vinyo ve ví lo fo Kiyòy ke Nyùy vìn a dzə̀ e wír ve Kiyoy kee shooy ki siìn aáwuné meliví.

Joon 16:13

Wun woo Kiyoy ke Ranén kí wíy wìy, é wù yii, é vèn kiíy vinyo ve dzəə̀n ve ru ví vidzə̀m, bìʼ fo kù yii din wun kinyo ke dzəə̀n ke ru kí. A bó wù yòʼ wíy a suúy kinyo ji suuy wun. Wù kù wíy a tiisí a dzə̀ kinyo ke wù yú, a fèr ven vinyo ve ví dzəə́ wìy a koóy.

1 Tesalonika 2:13

Kinyo kímóʼ kí ke vèr rə́si beerì Nyùy fo fo ki dzə̀ jii, vèr‑iì fìʼtì kinyo kfə́ e vèn, vèn ku nèn biìmé ji dzə̀ rú á ntum Nyùy, a bó yòʼ dzə̀ ye wìr. Mo vèn biimen, yì nèn a lùm e věn meliv kitávín.

2 Joon 1:2

Aá koŋ bèy, bìʼ fo vèsən áwune sí tíy e kinyò fo, wír adzə̀m, a dzə̀ mo kí wíy a lùm e vèsə́n meliv ghán sidzə̀m.

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

1 Joon 2:28

Wòn vem, vèn ku nèn a suusín vèn à Jesus Kristu bèy, wíy lóo dzə e ghan se wù wiyì, é la vèsən yòʼ a woomé, a tàʼ, e laáy, aá fan a dzə̀ fó yen wun.

1 Pita 1:23

a kiíy jii, jí se Nyùy se sí tíy fo ghán sidzə̀m, fó dzəʼə̀m ye fíyi, si yiì ne, á dzəə́ ven afíy. A bó yòʼ dzə̀ ji wón wìr wo dzə̀ wù kpù, vèn sì wón Nyùy wo wù gòʼòn kàŋ mòʼón.

Kolosia 2:6

Mo vèn biimen ne ji Tàr won sì Jesus Kristu, vèn ku nèn a yiì vinyo a dzə̀ vé wìr ve dzəə̀n və́.

Joon 14:17

a dzə̀ Kiyoy ke Nyùy ke kí din kinyo ke dzəə̀n ke ru kí. A bó wír ve á kiìn vinyo a dzə̀ veé ndzə fène yòʼ dzə̀ á wàa ker Kiyoy kee shooy, bìʼ fo bó á yòʼ yén vinyo ve wù yii, nèn méŋ wun méŋén. Vèn dzə̀ kén, a vèn kì wun, bìʼ fo wù siìn e věn mvəm, a wù wíy a dzə a dzə̀ e věn meliv.

Efesor 4:21

Vé‑eè lo yèʼéy ven féyì. Vèn‑eè yù sáʼka və, e tàtí vèn áwune, á nèn yèʼéy ven kinyo kfə́ kidzə̀m, a dzə̀ kee shó ke dzəə̀n ke ru kí.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

1 Timoti 2:7

Jesus Kristu nèn lì mo ji ŋgaà ntum və ji m wáa fìʼtì a dzə̀ kinyo kee shoon. Wù‑uù lo lì mo rú, a bó m yòʼ bóʼti. A wù‑uù lì jii, m wáa yeʼéy wír ve bó yòʼ dzəə̀n veé Isray kinyo ke dzəə̀n ke ru kí, aáwune wáy shilív e wun woo Kristu wùn.

Ŋgàn 28:5

Wír ve bií yòʼ yii kiiy kinyo kee tínén é nsànloŋ, yii bèy, a wír ve á ghvə́m Nyùy Tàrí kì kee shooy feyì kidzə̀m.

Matio 13:11

Wù bìnèr jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí‑iì dzəə̀n é kilìtì, a bó vísə vee wíri yòʼ kì.

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Joon 14:16

A m wíy a lon ji Tàr wor ku fò ven wùmòʼ woo Ŋgaà Sə wo vèn áwune wáa dzə ghán sidzə̀m,

1 Korin 2:12

A Kiyoy ke Nyùy wayin e vèsə́n meliv kí yòʼ lò a dzə̀ fó ndzə fèn. Wù wày a dzə̀ kfə́ kee Kiyoy ji kí wáa yiì, é vèsən wáa kiíy ambùʼmé ve wù bùʼùn vèsən shó adzə̀m.

2 Korin 1:21

A dzə̀ wun woo Nyùy wo wù lumèr melív mèsən, a vèsən tíy kitávín vèsən à Jesus Kristu. Wù‑uù shàv vèsən jeéy,

1 Tesalonika 4:9

Fo kinyò kee kùm kikoŋnìn ke fə̀r wùn fə̀r vee aŋgàa biimé, bó vèn yòʼ dzəə́ kér shií wo vèr wáa saŋ fo vèn, bìʼ fo vèn‑eè yeʼeyin ne fo wun woo Nyùy mo dzə̀ vèn wàa kòŋnìn.

Cù 7:35

Fo cù ye á yii ji yé Nyùy Tàr ye və́yí bin fo fo, á mbìv ye vé‑eè shoʼon ji ye Aaron wùn à wóné, e kèʼ fo ghan se vé‑eè yoʼon áwune ji atàá cù Nyùy Tàr.

Kintaŋ 7:43

a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.