1 Joon 2:24 - ŊWÀʼ NYÙY

²⁴ M nén a suúy e vèn jii, vèn kú a tiy a dzə̀ é kinyò ke vèn‑eè tòmbìy yù kí. Vèn lóo tiy sho bèy, é vèn à Wàn Nyùy nèn a dzə kintatì, é vèn wáa dzə sa vèn à Nyùy.

1 Joon 2:24 Referans Kwoze

Joon 14:23

Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

1 Joon 4:13

Vèsən kì ji vèsən tíy vèsən à Nyùy, a Nyùy dzə̀ vèsən áwune, bìʼ Kiyoy kfə́ ke Ranén ke wù‑uù foon e vèsən.

1 Joon 4:16

Á vinyo ve ví‑iì yiìn, é bo vèr kiíy rú ji Nyùy koŋ ver, e wày shilív e wun wùn. Kidzə̀m ki wáa dzə jii, liì Nyùy dzə̀ á ji wù koŋ wíri. A wìr wo wù koŋ Nyùy, kfə̀n koŋ fə́r və, tíy kfə́ wùn Nyùy, a Nyùy tíy sa wùn ŋgaàŋ.

Ŋgaà Yen 3:3

Vèn kú a kuumé a dzə̀ kinyo ke vé‑eè yéʼey ven shó fo mbìy, a vèn wáy shilív shó. Vèn biner ri shilív shén shí lèn, e ghàr a dzə̀ kee shooy. A vèn tèn fó yìmèn, bo m yíi sàsìn, e bvəy vitsə́ʼ moo shóŋ, é vèsən yú. A bó vèn yòʼ yíi kiíy ghán se m bvə́yí.

1 Joon 2:7

Ŋkàr sem, nsər ye m sáŋ fo vèn lèn rə̀n yòʼ dzə̀ e fíy. Kù dzə̀ kinyo ke vèn‑eè sí yú fo ŋgùʼ, e kèʼ mo vé‑eè kèʼèn, a fìʼtì kinyo ke Nyùy e vèn.

1 Joon 1:3

Kí nén a dzə jii, kinyo kidzə̀m ke vèr‑iì yenen, e kfə̀n yù, a dzə̀ vèr fèr sá, é vèn yú. Mo vèn yuun, é vèn nèn tàtí sa, é vèsən wáa yuurí kinyo kee shó kimòʼón. A vèr tàtí a dzə̀ vèr à Tàr wòsən Nyùy, à Wan və wo dzəə̀n Jesus Kristu.

Joon 15:7

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

Ŋgaà Yen 3:11

Kù bèr shishàr, é m wiy. Vèn ku ghàr kinyo ke vèn tíy sho kìn kitávín, fo wìr bóʼtí ven, é vèn rán vinə́ŋsí vén.

Kolosia 3:16

Vèn kú a kuumé kinyo a dzə̀ ké Jesus Kristu ghán sidzə̀m, é kí wáa lìm e věn vifii, é wìr wáa yeʼéy fə́r və, a tir e vifií ve ví lo a dzə̀ fo Nyùy vi. Vèn kú a sheʼrí Nyùy fo věn meliv ghán sidzə̀m, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho.

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

1 Joon 1:7

Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.

Hibru 3:14

Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.

Filipi 4:15

A vèn kì sá kijuŋ ji kù mày ven vee wír veé Filipi ve vé‑eè sə́ mo é ghan sé mbìy se vé‑eè dzəə́ keʼ sáʼka woo kùm Jesus Kristu kéʼen, a m lo fo věn wòŋ Masedonia, ghán, fiʼtì sáʼka woo shooy. A bó vèr à kintatì kímóʼ kí yòʼ‑oò lo nəə̀nín bèy gheéy, kù jòʼsì ven.

3 Joon 1:3

Mò‑oò shéʼri feyì, bìʼ fo afə́r vesən ámóʼó‑oò wìyìn, a fèr ji à tíy e kinyò ke dzəə̀n ké ru kí á shilív shimòʼón, réŋréŋ mo m kiìn ji à tíyí.

2 Joon 1:2

Aá koŋ bèy, bìʼ fo vèsən áwune sí tíy e kinyò fo, wír adzə̀m, a dzə̀ mo kí wíy a lùm e vèsə́n meliv ghán sidzə̀m.

Hibru 2:1

Mo Wàn Nyùy shaàn vifá veé yuv vidzə̀m, vèsən ku nèn màysì, e wày vifií é kinyò ke vèsən‑eè yuun fo wun, fó bìn e dzəə ye sən.

Joon 8:25

Á nèn dzə̀r shó jii, «Dzə̀ wò la woo shoon?» Jesus bìnèr jii, «M dzə̀ ŋgaàŋ wo mò‑oò sí suuy e vèn, e kèʼ fo kèʼ.

Ŋwàʼ Luk 1:2

réŋréŋ mo vé‑eè yú fo wír ve vé‑eè yenen vinyo vee shooy e sí yéví mo ví‑iì kèʼèn, a koóy, e dù, e jòʼsì, e bóo siíy, a tiisí ntum kinyò kee shooy.

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Ŋwàʼ Luk 9:44

«Vèn fó vituʼùr ví é kinyo ke m suuy kìn kijuŋ. Á wíy way ŋgaà wo yírí dzəə̀n Wanwìr və̀n e wírí wo, aá yii shó mo á koŋè.»

Joon 6:56

Wìr wo wù yí wún wóm, kfə̀n nó mensə́ mem, dzə̀ wo wù táti e mǒ wùn, a m táti sa vèr ŋgaàŋ.

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

1 Joon 4:15

Kí nén a dzə jii, a wìr fiʼtì ji Jesus dzə̀ Wan Nyùy, bo ŋgaàŋ tíy kfə́ wùn Nyùy, a Nyùy tíy sa wùn ŋgaàŋ.

2 Joon 1:9

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.