1 Joon 2:23 - ŊWÀʼ NYÙY

²³ A wìr káy Wan Nyùy, bo ŋgaàŋ káy sa Nyùy. Wìr wáa yu Wan Nyùy, bo wù yú sa Nyùy.

1 Joon 2:23 Referans Kwoze

1 Joon 4:15

Kí nén a dzə jii, a wìr fiʼtì ji Jesus dzə̀ Wan Nyùy, bo ŋgaàŋ tíy kfə́ wùn Nyùy, a Nyùy tíy sa wùn ŋgaàŋ.

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Joon 10:30

a vèr Tàr wor dzə̀ ji kitú kimòʼón.»

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

1 Joon 2:22

Mo vèn kiiyin ne bèy, bo ŋgaà kimboʼtì dzə̀ la lèn? Bó yòʼ dzə̀ wír wo wù kinèn ji bó Jesus yòʼ dzə̀ *Mfə̀ə́r wo Nyùy‑iì tumen a? A wìr woo shooy dzə̀ Ŋgaà Vibàn Kristu. Wù káy Wan Nyùy, kfə̀n káy sa Nyùy woo Tàr wov.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

1 Joon 4:2

A dzə̀ vèn wàa səə̀m wír wo wù kér rú Kiyoy ke Nyùy a dzə̀ fó kinyò ke wù suuy kùm Jesus. A wìr fiʼtì ji Jesus Kristu‑uù wìy é nsay fèn, e lì mbom wìr, bo ŋgaàŋ kér rú Kiyoy ke Nyùy.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.