1 Joon 2:21 - ŊWÀʼ NYÙY

²¹ A bó m yòʼ sáŋ ŋwàʼ və̀n fo vèn ben ji vèn dzəə́ méŋ a vinyo ve ru ví. M sáŋ bìʼ fo vèn kiiyin ne. A vèn kì sá kijuŋ ji wìr wo wù tíy kfə́ a dzə̀ e Nyùy kinyò ke ru kí yòʼ dzə̀ á wù wàa boʼtí kimboʼtì.

1 Joon 2:21 Referans Kwoze

2 Pita 1:12

M kì ji vèn sí tíy e kinyò ke ru kí féyì, a vèn kì ne vinyo vìn vidzə̀m. Yii bèy, a kém kí dzə̀ ji m kú a ratí ghán sidzə̀m, é vèn wáa kuumé.

Ŋwàʼ Jud 1:5

M nen kfə̀n a tàʼ, e kuumé vinyo vímóʼ ví, a kù dzə̀ ve vèn kiiyin ne kijuŋ. A ví dzə̀ jii, mo Nyùy fə̀m‑eè fəərin wír veé Isray fo wòŋ Ejiv ji á boy fó vikwàn, e fíʼ lùŋ adzə̀m, ámóʼó‑oò lo sìíy, e lòo meŋ wun, wù laàr vee shooy.

Ŋgàn 1:5

A dzə̀ fiì yuùrí sá ntir sìn, sí wàa yeʼéy wun, wìr wo wù kiiy jeéyjeéy fó vinyò wàa ker ntir ye juŋ fo fo,

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.

1 Joon 3:19

Vèsən lóo kòŋnìn bèy, é vèsən nèn kìíy là méŋnín ji vèsən tíy rú a dzə̀ e Nyùy kinyò ke ru kí, é kí kfə́n a yiì sa, vèsən lóo koʼtí e Nyùy si, é la melív mèsən mè yòʼ a yàʼ.