1 Joon 2:19 - ŊWÀʼ NYÙY

¹⁹ A wír vìne kù fəə́kir a dzə̀ fo vèsə́n mvəm. A bó yòʼ‑oò dzə̀ wír vee vèsə́n mvəm. A yì‑iì dzə̀ vee vèsə́n ŋgoo rú, bo bó á yoʼ kfə̀n fəə̀kír. Mo á fəəkin, kí nen dìn kiránén ji bó á yòʼ‑oò lo tàtí a vèsən.

1 Joon 2:19 Referans Kwoze

Lim Aŋgàa Ntum 20:30

A wír ámóʼó kù wíy fəə sa a dzə̀ fo věn mvəm, a boʼtí aŋgàa biimé, a sə̀ŋrì ámóʼó, aá wáa kfən aáwuné mbìv.

1 Korin 11:19

bìʼ fo a dzə̀ jeéyjeéy kù a dzə e věn mvəm, é bo wír ve Nyùy bínsíi fíʼ a yensín mo á yénsin bèn.

Ŋwàʼ Jud 1:19

Dzə̀ wír vee shoon ve á bvəər vintatì vén, bìʼ fo bó á yòʼ yú fo Kiyoy ke Nyùy ki. Á yú a dzə̀ fo mensə́ mev mè.

Ŋwàʼ Luk 8:13

Ŋgoòy ye yì tumkin é woʼ dzə̀ wír ve á yú kinyo ke Nyùy, á kù nèn biìmé e kishéʼrì ki, e làa yòʼ way shilív shó. Kinyo ke Nyùy ki nén a dzə fo áwune moo kifá kee là gháŋ. Ŋgeʼ keʼ lóo koóy bìʼ kinyo kee shooy, áwune nèn yèʼtí e bàm.

Matio 24:24

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á bóʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

Lim Aŋgàa Ntum 15:24

Vèr‑iì lo yù ji wír ámóʼó lò fo věr mvəm, e wìy, a taà vinyo, a jivír ven shó, a bvəə́r vifíi vén, a bó yòʼ‑oò tùm ver wír vee shooy.

Maak 13:22

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á fíʼ boʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

Remrí 13:13

wír tàkìŋàʼ ámóʼó lò ne, e fəə̀, a bìnèr vifií vé wíri aáwuné ŋkàlaʼ, a levtí ji á du, a ghvəm a anyùy ve bó vèn yòʼ‑oò yiìn ne, a ghvəm,

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

Hibru 10:39

Mo Nyùy fə̀m suuy bèy, bó vèsən yòʼ dzə̀ wír ve á tsəʼtì wún é bàm, e wìy nəə́ e kpu yee ŋkuuŋkùŋ, e lày. Vèsən dzə̀ késən, aá wày a dzə̀ shilív e Nyùy wùn, a kiíy ji wù wíy lùŋèr a vèsən.

2 Timoti 2:10

M nen sə̀ ŋgeʼ sidzə̀m, é wír ve Nyùy‑iì shoʼon ji vəə́ fiʼ tàtí wùn à Jesus Kristu, e lùŋ, e nə̀ə́ e vijùŋ vee là may.

Ŋwàʼ woó Rom 9:6

Mo kùʼùn wìr veé Isray fə̀m tén fó way shilív e Kristu və̀n wùn, bo bó yòʼ dzə̀ ji kinyo ke Nyùy‑iì kàʼàn ji áwune wíy a dzə wón və́, kí shaà fó ghaŋ. Ke kí dzəə̀n kí dzə̀ jii, wù‑uù kàʼ a dzə̀ á wír ve dzəə̀n wón Isray ve ruú. A bó wír ve dzəə̀n rám Isray adzə̀me yòʼ fə̀m dzə̀ wón wun woo Isray ve ruú gheéy.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Nsùyrì Nyùy 37:28

Nyùy Tàr yii koŋ kinyo kee là kiloʼ. Wù yòʼ wíy màʼày wír ve á tíy e wun kinyò. Wù kù wíy a kìŋsìn áwune kíŋsin, e dù, e jòʼsì. Ké wìr ve á méŋ wun, á wíy laàr laàrìn fó wòŋ.

Ŋwàʼ Jud 1:1

Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.

2 Timoti 3:9

Yii bèy, a bó yòʼ dzə̀ á kù wìy a boʼtí wíri bey, a dù duùn fó mbìy. Kishiíy kí wíy gheén, é wìr dzə̀m ku yèn kimboʼtì kév réŋréŋ mo vé‑eè yenen ké Janer wùn Jamber.

Joon 15:2

Wù yén tám wo bó wú yòʼ koomè, wù faà woo shooy. Lóo dzə wo wú koomè, wù nèn nàŋsín, e sə̀r ji wú fíʼ a koóm kijuŋ.

Nsùyrì Nyùy 41:9

Fə̀m ŋkar yem tìm kù shòʼ ne sa e mǒ bàm, ŋkar yem ye mò‑oò wayin shilív é wùn wó feyì, a vèr wun‑eè yíkir kighín kimòʼón.

2 Joon 1:7

A m sáŋ bèn, bìʼ fo wír ámóʼó wìyìn ne anín, a ghan virə́ʼ vidzə̀m, a boʼtí wíri bóʼtín, a kìnèn ji bó Jesus yòʼ‑oò lo wìy e nsay fèn, e lì rú á mbom wìr. A wír vee shooyi dzə̀ vé fòn kimboʼtì wo dzəə̀n Ŋgaà Vibàn Kristu.