1 Joon 2:18 - ŊWÀʼ NYÙY

¹⁸ Wòn vem, ghán se ndzə rə̀n wíy mày si sì fó mentsə̀m. A vé‑eè ló a suúy e vèn ji ndzə wíy lòo mày, é Ŋgaà Vibàn Kristu wàá wiy, aá wìy ne lèn anín. Mo á wìyìn ne, vèsən nèn a kiíy rú ji ndzə rə̀n waà sí mayì.

1 Joon 2:18 Referans Kwoze

1 Joon 4:3

A bó wìr wo wù kinèn kinyo kee shooy yòʼ kér Kiyoy ke Nyùy gheéy. Vinyo ve wù yii vi dzə̀ vé Ŋgaà Vibàn Kristu wo vé‑eè suuy e vèn ji wù wíy wìy, a wù sì lèn e ndzə fèn.

2 Joon 1:7

A m sáŋ bèn, bìʼ fo wír ámóʼó wìyìn ne anín, a ghan virə́ʼ vidzə̀m, a boʼtí wíri bóʼtín, a kìnèn ji bó Jesus yòʼ‑oò lo wìy e nsay fèn, e lì rú á mbom wìr. A wír vee shooyi dzə̀ vé fòn kimboʼtì wo dzəə̀n Ŋgaà Vibàn Kristu.

1 Joon 2:22

Mo vèn kiiyin ne bèy, bo ŋgaà kimboʼtì dzə̀ la lèn? Bó yòʼ dzə̀ wír wo wù kinèn ji bó Jesus yòʼ dzə̀ *Mfə̀ə́r wo Nyùy‑iì tumen a? A wìr woo shooy dzə̀ Ŋgaà Vibàn Kristu. Wù káy Wan Nyùy, kfə̀n káy sa Nyùy woo Tàr wov.

Matio 24:24

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á bóʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

Matio 24:5

Wíri wíy wìy anín, e lì mo, e teʼ e si, a suúy jii, áwune dzə̀ *Mfə̀ə́r woo shó, e boʼtí wír anín, aá jáy dzə́ə.

1 Joon 4:1

Ŋkàr sem, wíri wìy ne anín, a ghan virə́ʼ vidzə̀m, a boʼtí ji áwune fiʼtì kinyo a dzə̀ á ke tiísi Kiyoy ke Nyùy. Á lóo suúy bèy, lá vèn yòʼ kù nèn a biimé biimén. Vèn tòmbìy tàr vinyo vee shooy vi vidzə̀m, e bóo kiíy ji ví sà lò rú a dzə̀ fo Nyùy a?

Maak 13:6

Wíri wíy a fəə anín, a teʼ mo é si, a suúy ji áwune dzə̀ *Mfə̀ə́r woo shó, e boʼtí wír anín, aá jáy dzə́ə.

2 Pita 2:1

Mo vé‑eè tiísi a dzə̀ ntum Nyùy e wíri, yii bèy, wír ámóʼó‑oò ló a dzə sa ve vé‑eè lo a dzə̀ ntum kimboʼtì. A kù dzə̀ réŋréŋ sá mo aŋgàa yeʼéy ámóʼó wíy nànèn e věn mvəm, a boʼtí ven. Áwune wíy lì kimboʼtì, a woór e mvə̀m kinyò ke Nyùy, a tuŋ wuú Taàtá wòsən Jesus wo wù‑uù kpuun ji áwune fiʼ lùŋ. Aá wíy yiì bèy, é Nyùy ku nèn tsə̀m áwune e lòné.

Matio 24:11

Wír ámóʼó wíy fəə anín, a boʼtí wíri ji áwune dzə̀ *aŋgàa ntum Nyùy, e yiì, é wíri jáy dzə́ə anín.

Ŋwàʼ Jud 1:18

Vé‑eè ló a toʼtí e vèn jii, wíy lòo dzə e ghan sé bàm sí, é wír ámóʼó fəə́, a kèŋ ven kéŋen. A dzə̀ wír ve á méŋ Nyùy, yii a dzə̀ vinyo ve mensə́ mev mè tíy sho vidzə̀m.

2 Pita 3:3

Kinyo ke kuʼùn ke m taʼ ji vèn kiíy kí dzə̀ jii, ndzə wíy kèʼ may, é wír ámóʼó fəə́, a sheʼ kinyo ke Nyùy shéʼén, a yiì a dzə̀ vinyo ve mensə́ mev mè koŋ vidzə̀m.

Hibru 1:2

Wáa dzə lèn wo ndzə sí wìy a mày, wù nen tùm a dzə̀ Wán və, wù wáa tiisí kinyo kfə́ e vèsən. Dzə̀ Wán və və̀n wo wù‑uù foon vitaáví shó, wù bóm ndzə. Wù kfən lèm ji wù wìy yòv ndzə yee shooy e dzə̀m, a saʼ.

1 Pita 1:20

A Nyùy‑iì yiì ne shòʼ wun, é bo ndzə wìy a kèʼ ji wù ghàn tìn wíri fó lòn. Wù nen tùm a dzə̀ lèn wo ndzə sí du, e dù, e jòʼsì və̀n, é vèn fíʼ kiíy wun.

1 Pita 1:5

Kù wíy a dzə vijuŋ vén, ven ve á wáy shilív e Kristu wùn, a vitaáví vé Nyùy vi shiy ven, e meé e ghan se wù wíy fəə́r dzəʼə̀m yee là may rə̀n e ghan sé bàm sí.

Joon 21:5

Wù nèn jàŋ áwune jii, «Ŋkàr sem, vèn ku koò sə́ à?» Á bìnèr jii, «Vèr yoʼ koò kifá.»

Ŋwàʼ woó Rom 13:11

A dzə̀ vèn kù a yiì vinyo vìn vidzə̀m, bìʼ fo vèn kiìn mo ghán sí dzəə̀n lèn. Ghán sí bàŋrìn ne, a Tàr wòsən Jesus Kristu sí wìy a kfən. A dzə̀ vèn yìmèn, bìʼ fo ghán see shooy si siìn fó mentsə̀m lèn, e shaà ghán se vèsən‑eè tòmbìy tàtí vèsən áwune.

Ŋwàʼ woó Rom 13:12

Ndzə sí ráné, a shùy tó. Vèsən maʼti vinyo ve á yii yii a dzə̀ vitsə́ʼ, e bàʼtí wún wósən, a dzə, a yiì vinyo ve á yii yii a dzə̀ e shùy moo wír wo wù báʼti vifá ve rər ji wun fəə́ e shùu rər.

1 Pita 4:7

Vèn kì sá jii, ghán se ndzə wíy mày si mèʼ ne a fo mentsə̀m. Kí nén a dzə jii, vèn wáa tiy lèn, a kiíy, a yu kinyo kimòʼón ji bunrì.