1 Joon 2:17 - ŊWÀʼ NYÙY

¹⁷ A ndzə rə̀n wíy mày, é vifá ve wíri siíme vìn vi may sá. Yii bèy, wìr wo wù yii kfə́ a dzə̀ kinyo ke Nyùy koŋè wíy shaàrì, a dzə ghán sidzə̀m.

1 Joon 2:17 Referans Kwoze

Matio 24:35

Yúv wùn à nsay wíy mày, a jí sém sí ku wíy a tiy fo.

Ŋwàʼ woó Rom 12:2

Vèn wáa yen fo ndzə bóʼtí ven, é vèn wáa yiì vinyo ve wír veé ndzə fène yii. Vèn kú a yu a dzə̀ fo Nyùy, é wù sheŋri melív men, é vèn wáa kwàʼtì a dzə̀ vinyo və́. Vèn lóo yiì bèy, lóo yiì vinyo ve vèn yii vidzə̀m, é vèn nèn a kiíy mo Nyùy taʼ ji vèn wáa yiì. A dzə̀ ve ví dzəə̀n vijuŋ, e kfə̀n a dzə ve ru ví, a bòŋ wun.

1 Korin 7:31

Wír ve á kér ntàʼtìn e ndzə fèn adzə̀me ku nèn a yiì vinyo vév moo wír ve bó á yòʼ wáy vifií é vinyò veé ndzə fèn. Vèn kú a yiì bèy, bìʼ fo ndzə rə̀n dzəə̀n lèn bèn, a yì sí dunìnè.

1 Pita 4:2

Vèn ku nèn a beʼrí vishiíy ve vèn béʼri e nsay fèn, a way vifií ji vèn wáa yiì a dzə̀ kinyo ke Nyùy koŋè, e làa yòʼ dzə́ə a yiì a dzə̀ mo mensə́ mè lim e věn wùn.

Hibru 10:36

Kí nen ghèén ji vèn li vinyo vidzə̀m ji weè, a yu a dzə̀ fo Nyùy ji vèn fíʼ a yiì a dzə̀ kinyo ke wù koŋè, é vèn nèn wìy nə̀ə́ e vijùŋ ve wù kàʼàn ven shó.

Maak 3:35

Wìr wo wù yii kinyo ke Nyùy taʼ ji wù wáa yiì, dzə̀ wo dzəə̀n yè wor, e kfə̀n a dzə fə́r wom, a dzə jemèr yem.»

1 Pita 1:5

Kù wíy a dzə vijuŋ vén, ven ve á wáy shilív e Kristu wùn, a vitaáví vé Nyùy vi shiy ven, e meé e ghan se wù wíy fəə́r dzəʼə̀m yee là may rə̀n e ghan sé bàm sí.

1 Tesalonika 4:3

Nyùy koŋ ji vèn wáa yiì moo wír və́ ŋkuuŋkùŋ, e làa yòʼ a jàŋ a kinjàŋ.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Nsùyrì Nyùy 143:10

À dzə̀ Nyùy wo m suyrì. Yéʼéy mo kinyo ke à koŋ ji m wáa yiì. Ku yiì, é Kiyoy ké ke kí kù yii dzə́ kijuŋ ki wáa dànèr mo, é la kinyo ki yòʼ kòóy mo é dzəə.

Matio 7:21

«Wír ve á yoŋrì mo ji Tàr, Tàr, yòʼ dzə̀ vee shooy adzə̀m ve m wíy lì ji wír vém é ghan se m sí sáʼ ji Fon. Kù wíy a dzə wír wo wù yii kinyo ke Tàr wor wo wù dzəə̀n é yuv koŋ ji wù wáa yiì.

Jeem 4:14

Vèn lóo suúy bèy, a vèn kì kinyo ke kí bvəə́shi, e koóy a? Vèn dzə̀, a dzəʼə̀m yéné dzə̀ moo mbàʼŋkfəə́mé ye á yén lèn, shishàr, yì nèn lày.

Joon 6:58

Vee shoon vee vifá ve yi vi dzə̀ ve ví loòn rú fó yuv, a bó yòʼ dzə̀ moo ve atǎr ram yéné‑eè yiin, e kù kpùkír vìy. Wìr wo wù yí vin vee vifá ve yi wíy lùŋ, a dzə ghán sidzə̀m.»

Matio 21:31

Fo wón vee abaà víne, vèn yén kén ji wo wù‑uù loòn ntum tàr wov dzə̀ vəné?» Á bìnèr jii, «Dzə̀ wo wù‑uù tenen, e kfə̀n sìíy, e dù.» Jesus nèn sùúy jii, «M suuy e vèn rú jii, wír ve wíri yii nyáŋsi ji á sov mbàm se *bàràʼ wùn aàsàkìi kòóy ne dzə́ə, a nəə́ e vijùŋ ve dzəə̀n vé saʼ Nyùy, a shaà ven vin.

1 Tesalonika 5:18

a beèrì wun fo vinyò vidzə̀m, a fə̀m dzə̀ ka. Á vinyo ve Nyùy koŋ ji wír ve á jumrì Jesus Kristu adzə̀me wáa yiì.

Kolosia 4:12

Epafar wo dzəə̀n wír woo věn kintatì, shaʼtì sa ven. Wù lim sa kitávín fo Jesus Kristu. A wù yii kuúme ven ghán sidzə̀m, bunrì ji Nyùy ku yiì, é vèn wáa tiy kitávín vèn à Nyùy, e màysì a dzə ji wír və́, a kiíy kinyo ke wù taʼ ji vèn wáa yiì, a tiy a dzə̀ shó.

Ŋgàn 10:25

Kinsəm ki kù baʼ a dzə̀ wír wo wù méŋ Nyùy, a wo wù yúnin wun, tíy kfə́ kitávín ji ŋkǐŋ.

Kolosia 1:9

Kèʼ fo kishiíy ke vèr‑iì yuun mo vèn wayin shilív e Jesus Kristu wùn, vèr ku nèn a bùnrì fo vèn ghán sidzə̀m. A vèr lón ji Nyùy ku yiì, é vèn kiíy vinyo ve ví dzəə̀n e wùn shiliv, a kiíy ghán sidzə̀m mo wù koŋ ji vèn wáa yiì, é vèn nèn a kiíy rú vinyo.

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Nsùyrì Nyùy 90:9

Dòʼshwiiy wò yii, a dzəʼə̀m yérí tsə́merì, a viyá vér ví may cér moo shwém.

Nsùyrì Nyùy 39:6

Wíri ghán e yuv, a dzəʼə̀m yéví dzə̀ moo kindzə̀ə́ndzəm bèy. Á gar gàrìn, aá kù gar kisáŋ. Wìr lo, wù bàʼtí bùʼ, a bó wù yòʼ kì wír wo wù wíy yi vitsə́ʼ və́.

Nsùyrì Nyùy 102:26

Yúv wùn à nsay wíy mày, aà kù wíy a dzə. Yúv wùn à nsay wíy dzə̀n, e shèʼkìr moo ndzə̀y, áà maʼay mo wìr màʼày ndzə̀y se sí dzə̀nèn ne.