1 Joon 2:16 - ŊWÀʼ NYÙY

¹⁶ A vinyo veé ndzə vìn vi dzə̀ jii, wíri lo, á wàa yiì vinyo a dzə̀ ve mensə́ mev mè taʼà, yén vifá, á wàa siimé, e kfə̀n a yiì vinyo vímóʼ ví vinín ji á fíʼ a koʼór wún. A bó vinyo vee shoon vi yòʼ lo fo Nyùy gheéy, dzə̀ veé ndzə fèn.

1 Joon 2:16 Referans Kwoze

Ŋwàʼ woó Rom 13:14

Vèn wáa yu a dzə̀ fo Tàr wòsən Jesus Kristu. Lá vèn yòʼ a yu a dzə̀ mo mensə́ mè báyri ven, fo mè ŋáʼár melív men, é vèn wáa yiì mo mè taʼà.

Galatia 5:17

Kinyo ke mensə́ mè koŋ ki yòʼ dzə̀ ke Kiyoy ke Ranén kí tíy sho. Ke Kiyoy ke Ranén kí tíy sho ki nén a dzə ke bó mensə́ mè yòʼ koŋè. Mo bó yòʼ dzə̀ vinyo vìn vi shèmsín, bo bó yòʼ dzə̀ vèn wàa yiì vinyo ve vèn koŋ a yiì.

Kèʼlo 3:6

Wiíy leéy kicí kiy, e yèn, a kí bóŋ féyì fó kfər, e kfə̀n yèn, a kí kiʼ kijuujùŋ, a kòŋ feyì fóo kfər, a ker vifií. Wù nèn kòy, e kfə̀r, e kfə̀n fò lúm və, wù kfə́r sá.

Ŋgàn 27:20

Bvə́me yòʼ yii kúr woŋ aŋkfə, a bó nsay yòʼ yii rúné, a bó yòʼ dzə̀ wir msòŋ keèrí vifá, ví ghèén wun.

Efesor 2:3

A kù dzə̀ mo vèsən adzə̀m‑eè dzəə̀n. Vèsən‑eè yú a dzə̀ mo mensə́ mè lim e vèsə́n wùn, a mè ŋáʼar melív mèsən, a vèsən kwaʼtì vinyo ve bi ví, yii mo ví gheenen vèsən. A vèsən‑eè yii bèy, li a dzə̀ lǒn Nyùy mo wír adzə̀me‑eè li.

Jeem 3:15

Kfə́ə vifii vee bey vi yòʼ lò fo yuv gheéy, dzə̀ veé nsay fèn. A bó yòʼ dzə̀ vé Nyùy, dzə̀ vé Satan.

1 Pita 2:11

Ŋkàr sem, vèn wáa kuumé ji vèn dzə̀ viŋgwìy, a vèn bee beèn é ndzə fèn. M nén a lon jii, lá vèn yòʼ a yu fo věn mensə me mè tíy a dzə̀ é vinyò veé ndzə fèn, funèn melív men me vèn tiirin e Nyùy wùn.

2 Pita 2:10

bo taaka ve á yú a dzə̀ fo wún wóví, yii joonè wo mensə́ mev mè taʼà, káy sáʼ e dzə̀m mo aŋgàa yeʼéy ve á bóʼti wíri víne yii. Aŋgàa kimboʼtì vìne guynìn e ŋàŋ, yén a dzə̀ vitú vév, ŋeʼrì gheéy, á wàa kay sa vifá ve ví ghán e ndzə fèn, a ví kér vitaáví.

Joshua 7:21

vé‑eè lóo tòn ŋkàlaʼ, m tó é ndzə̀y yeé Babilon yìmòʼ, e kfə̀n yèn *kisha ke mbàm ke fəvír kí *ashekel ghii baà, à kóŋ kishà ke mbàm ke baar kí, shekel mtàn, e nèn a ker shií shó feyì, e nèn wòvír. Á yíi yen a m dzəə́mé e mǒ kibàn, à kisha ke mbàm ke fəvír kí shó, a kí dzə̀ fó sar.»

Titur 2:12

Kí nen tìr vèsən jii, á maʼti á liì wo bó wù yoʼ ghèén Nyùy, e làa yòʼ a siimé vinyo veé ndzə fèn. Vèsən wáa dzə e ndzə fèn, a tiír kiwuú, a fìʼ, a yiì vinyo a dzə̀ vee réŋ, a yu a dzə̀ fo Nyùy,

Nsùyrì Nyùy 78:18

Áwune‑eè mum Nyùy e kúmé, táv ji wù fó á vifá ve yi ve vé‑eè diyì.

2 Pita 2:18

Aáwune kù wíy nəə́ fo bèy, bìʼ fo á ghaŋtì shuu, din vifií, a kù dzə̀ vé vinyò ve kisaŋ vi. Aá yéʼey bèy, nèn lévti wír ve á kù dzəə́ fəə́ fəə́n fo wír ve bó á yòʼ kiìn kinyo ke dzəə̀n ke ru kií mvəm, siir fo, bóʼti áwune ji dzə̀ á wàa yiì a vinyo ve mensə́ mev mè kér shií shó vidzə̀m.

1 Pita 1:14

Vèn kú a yu a dzə̀ fo wun woo Nyùy, e làa yòʼ dzə́ə a yu a dzə̀ mo mensə́ mè lim e věn wùn, a yiì mo vèn‑eè rə́si yii, a bó á yóʼ ne kìíy Nyùy.

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

Matio 5:28

Yii bèy, a m duŋrì kém e vèn jii, a wìr lèéy wiiy wìr, e siìmé, bo ŋgaàŋ kù lì ne a wiíy woo shooy bèy fo wùn kwàʼtì.

Nsùyrì Nyùy 73:6

Á lì ne kiŋkoʼòrwùn, e wày é wùn moo vifá veé kilòŋ. Áwune lì ne melaà e wùn ji ndzə̀y sév.

Ŋwàʼ Jov 31:1

«Mò‑oò yì ne kilìʼ, e sə̀ntì, dzə̀ m kfə̀n ghàn é le, e bó a leéy wánlè ŋgòn e sí yímóʼó.

Ŋwàʼ Luk 4:5

Satan nèn lì, e kòʼ shó e kirə̀ʼ kímóʼ kí é yuv, e dìn woŋ woó kitu ke nsay sho e dzə̀m, Jesus ku nèn yèn ji ghaàr.

Galatia 5:24

Vèn wáa kiíy jii, wír ve dzəə̀n vé Jesus Kristùu kì kév á ji á kpù ne fo vinyò ve mensə́ mev mè kér shií shó ji áwune wáa yiì réŋréŋ mo Kristu‑uù kpuun é kintam.

Kintaŋ 11:4

Atókíshwáŋ ve vé‑eè dzəə̀n e wír veé Israyí mvəmé nèn lò kèʼ, a ker shií é nyàm yée yi. Wír veé Israyi ló sá, e nèn a dìy, a suúy jii, «Bèn‑éè fó la ver nyám, é bo vèr yí?

Matio 4:8

Satan kfən lì Jesus fo fo, e kòʼ shó lèn e kitu ke gwan wo da wùmòʼ, e dìn vitúm veé kitu ke nsay sho vidzə̀m, e kfə̀n dìn bùʼ wo wù dzəə̀n shó.

Nsùyrì Nyùy 78:30

Mo á yíkirì, aá kù dzəə́ kér vifá ve yi e wo, a bó bvə́me yóʼ ne kùr,

Kintaŋ 11:34

Bìʼ bey, á nèn yòŋ yír kirə̀ʼ kin ji Kibrot‑Hattaava, a dzə̀ ji «Say se aŋgàa shií», bìʼ fo vé‑eè dzəə̀mèn wíri fó, ve vé‑eè kér shií é nyàm.

Ŋgàn 6:25

Lá à yòʼ siìmé vijuŋ və́, kìn sí ye wù bvəə́, lévti wíri shó.

1 Korin 10:6

Kinyo ke kí‑iì kooyin áwune vee fó ŋgùʼ kin ki nén a dzə ntir fo vèsən vee lène ji lá vèsən yòʼ a yaŋrí a ji á wáa yiì vinyo ve dzəə̀n ve bi ví moo vee shooy vee wír.

Kèʼlo 6:2

Wón Nyùy ámóʼó yén, a wón wíri vee vikìyí bóŋkír é ŋàŋ, yén ve á toon sí yév, á kù nèn a lì liìn ji vikìy vév.

Daniel 4:30

Fòn nèn lò, e njàʼàm jii, «Yímóy, ku yèn búʼú, ŋkàlaʼ ye kuʼùn yee Babilon ye m bàʼrìn ji ntoʼ yem kishìíy. M bàʼrì a dzə̀ e vitaáví vém ve ghaʼán ví, a yì din vikuʼùy vém féyì feyì, din viwìr vém vee ji fon.»

Jeem 4:16

Vèn lo kén, á nèn a dzə̀v a dzə̀ nsaŋ, a sevtí mo vèn bvəə́shi, e yiì. Vèn wáa kiíy jii, fó a sevtí bèy dzə̀ á kinyo ke kisaŋ ki.