1 Joon 2:14 - ŊWÀʼ NYÙY

¹⁴ M nen sàŋ, bìʼ fo ven vee wón vémé kiiyin ne Tàr wòsən wo dzəə̀n Nyùy, ven ve siìn atàrí kiíy wun woo Nyùy wo wù‑uù siìn, bo ndzə wìy a kèʼ, a ven vee wàʼbìn dzə̀ rú antav. Vèn tíy kén a dzə̀ e Nyùy kinyò, e kfə̀n sò Satan woo ŋgaà vinyò ve bi ví.

1 Joon 2:14 Referans Kwoze

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

1 Joon 2:13

A m sàŋ fo vèn ve siìn atàrí, bìʼ fo vèn kiiyin ne Nyùy wo wù‑uù siìn fó kèʼ, e sàŋ fo vèn vee wàʼbìn, bìʼ fo vèn soon ne Satan woo ŋgaà vinyò ve bi ví.

Kolosia 3:16

Vèn kú a kuumé kinyo a dzə̀ ké Jesus Kristu ghán sidzə̀m, é kí wáa lìm e věn vifii, é wìr wáa yeʼéy fə́r və, a tir e vifií ve ví lo a dzə̀ fo Nyùy vi. Vèn kú a sheʼrí Nyùy fo věn meliv ghán sidzə̀m, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho.

Joon 15:7

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

Efesor 6:10

Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.

Joon 8:31

Jesus nèn a suŋnín lèn a dzə̀ e wír ve vé‑eè sí wáy shilív e wùn wó vìyi, a suúy jii, «A vèn lò, a tiy a dzə̀ e mǒ kinyò, bo vèn dzə̀ rú wír vém,

Joon 5:38

Vinyo və́ ví yòʼ tíy e věn meliv, bìʼ fo vèn yòʼ wáy shilív e ŋgaà wo wù tumén wùn.

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»

3 Joon 1:3

Mò‑oò shéʼri feyì, bìʼ fo afə́r vesən ámóʼó‑oò wìyìn, a fèr ji à tíy e kinyò ke dzəə̀n ké ru kí á shilív shimòʼón, réŋréŋ mo m kiìn ji à tíyí.

2 Joon 1:2

Aá koŋ bèy, bìʼ fo vèsən áwune sí tíy e kinyò fo, wír adzə̀m, a dzə̀ mo kí wíy a lùm e vèsə́n meliv ghán sidzə̀m.

Hibru 8:10

Yii bèy, ghán sé mensàŋ me mvə mè si wíy shaà, é mensaŋ me m gwar vèr à wír veé Isray mè wáa dzə jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

Kolosia 1:11

Vèr kfə́n a lon jii, Nyùy wo vitaáví vidzə̀m vi dzəə̀n və́ kú a tavír ven, é vèn wáa shaà e mvə̀m ŋgeʼ sidzə̀m, a lì vinyo vidzə̀m ji weè, a sheʼrí,

2 Timoti 2:1

Wan wom Timoti, kú a yeʼtí a dzə̀ é vitaaví ve Jesus Kristu fó e vèsən ví, a tiy kitávín.

Filipi 4:13

Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Ŋgaà Yen 2:3

M kì sá mo vèn rə́si biíme ŋgeʼ si bìʼ kinyo kém, kù dzə́ ji nyaáŋ, e làa yòʼ shwèy.

1 Joon 1:10

Kí nen kfə̀n a dzə sa jii, wír wo wù kinèn ji bó wun yòʼ‑oo jáy ne kinyo sí yoŋ Nyùy a ji ŋgaà kimboʼtì, a bó wù yòʼ yú kinyo ke Nyùy suuyì.

Joon 8:37

M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.

1 Joon 1:1

Kinyo ke m sáŋ fo vèn kin ki dzə̀ ké wìr wo wù‑uù siìn, é bo ndzə wìy a kèʼ, a kér wun ntum ye yì fó dzəʼə̀m yee là may. Vèr à wír ámóʼó‑oò lo yèn wun e sí yérí, vèr áwune wáa ghanén, vèr wáa kùm wun, e kfə̀n a yen vinyo ve wù‑uù yii.