1 Joon 2:13 - ŊWÀʼ NYÙY

¹³ A m sàŋ fo vèn ve siìn atàrí, bìʼ fo vèn kiiyin ne Nyùy wo wù‑uù siìn fó kèʼ, e sàŋ fo vèn vee wàʼbìn, bìʼ fo vèn soon ne Satan woo ŋgaà vinyò ve bi ví.

1 Joon 2:13 Referans Kwoze

Joon 14:7

A vèn kì kì rú mo m dzəə̀n, bo vèn kìíy ne a dzə̀ Tàr wor. Yii bèy, kèʼ fo lèn, vèn yíi kiíy Tàr wor, a vèn‑eè sí yén wun e sí yéné.»

1 Joon 2:14

M nen sàŋ, bìʼ fo ven vee wón vémé kiiyin ne Tàr wòsən wo dzəə̀n Nyùy, ven ve siìn atàrí kiíy wun woo Nyùy wo wù‑uù siìn, bo ndzə wìy a kèʼ, a ven vee wàʼbìn dzə̀ rú antav. Vèn tíy kén a dzə̀ e Nyùy kinyò, e kfə̀n sò Satan woo ŋgaà vinyò ve bi ví.

1 Joon 4:4

Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

1 Joon 1:1

Kinyo ke m sáŋ fo vèn kin ki dzə̀ ké wìr wo wù‑uù siìn, é bo ndzə wìy a kèʼ, a kér wun ntum ye yì fó dzəʼə̀m yee là may. Vèr à wír ámóʼó‑oò lo yèn wun e sí yérí, vèr áwune wáa ghanén, vèr wáa kùm wun, e kfə̀n a yen vinyo ve wù‑uù yii.

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

1 Joon 2:12

Wòn vem, m sáŋ vinyo vìn fo vèn adzə̀m, bìʼ fo vèn dzəə̀n wír, a Nyùy làysìn ne vinyo vén ve bi ví bìʼ kinyo ke Jesus‑eè yiìn.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

Titur 2:6

A kù dzə̀ sá mo dzə̀ à wàa tir wónlě vilum ji á wáa kwàʼtì a vinyo, e bó a yiì.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Joon 14:9

Jesus yòŋ jii, «Filiv, m rə́si dzə́ vèsən, e kèʼ fo ŋgùʼ, a bó à yòʼ kì mo m dzəə̀n a? Wìr wo wù yenen mo, yèn a dzə̀ Tàr wor. A dzə̀ à kfə̀n a suúy ji m din Tàr wor dínen e vèn é le?

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Matio 13:38

Súmé dzə̀ ndzə rə̀n, a ŋgoòy ye juŋ rə̀y dzə̀ wír ve á yú sáʼ Nyùy. Ŋgoòy kikwìíy wáa dzə wír ve á yú kév a dzə̀ fo Satan woo ŋgaà vinyò ve bi ví,

Matio 13:19

Ŋgoòy ye yì tumkin é dzəə dzə̀ wír wo wù yú kinyo kee kùm sáʼ Nyùy, e làa yòʼ a kiíy. Satan nèn wìy, e fə̀ə́r kinyo kee shooy fo ŋgaàŋ shiliv.

Ŋgàn 20:29

Vijuŋ ve wàʼbìn vi dzə̀ vitaáví vév, a viwìr ve ŋgày sé wìr vi dzə̀ fúv.

Nsùyrì Nyùy 91:14

Nyùy suuy jii, «M wíy bòyìr wír wo wù tíy e mǒ wùn, koŋ mo, a kìŋsìn wír wo wù bínsi mo ji Nyùy.

Nsùyrì Nyùy 90:2

À kù‑uù sì Nyùy, é bo agwane wáa dzə. À kù‑uù sì Nyùy, e bóo wìy a bom kitú ke nsay wùn à wóŋe. Aà kù wíy a dzə Nyùy, e dù, e jòʼsì.

1 Timoti 5:1

À lóo suúy kinyo e wìr woo ŋgàywìr, lá à yòʼ a saʼ wun sáʼán. Kú a naàrì kinyo ki shó náarin moo tàr won. Ku lì awàʼ vée moo afə́r vé,

Joon 17:21

A m lón jii, à ku yiì, aáwune tátí adzə̀m, a dzə ji kitú kimòʼón réŋréŋ mo wò woo Tàr dzəə̀n wòsò, a wòsò dzə̀ ji kitú kimòʼón. Ku yiì, aáwune wáa dzə sa e wòsò mvəm, é wír veé ndzə fène fíʼ biimé ji ntum ye mò‑oò loòn dzə̀ rú á ye.

Sekariya 9:17

Ábáy, kfə́ə vijùŋ vee ben vi wíy a dzə veé le? Wónlě nsùme wíy a bòʼrì bòʼrìn, a dzə̀ viyíkìr, é meluʼ me ŋkèrvin mè yii, é wónlě ŋgòne wáa fòʼ fòʼòn.

Joel 2:28

Nyùy Tàr kfə́n a suúy jii: «Wíy lòo dzə fo bàm, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí. Ŋgày sé wìr sén sí wíy a yen vinyo e njèm, é wón vén vee wónlě nsùme wáa yen vinyo e njà vinjeenjèm.

Nsùyrì Nyùy 148:12

wónlě ŋgòn wùn à wónlě nsùme, ŋgày sé wìr wùn à wón ve terií, vèn wáa burí wun.

Matio 5:37

Vèn lóo suúy kinyo ke á suuy kidzə̀m, kí kù a dzə ji eè, kìn ji àáy. A wìr suuy kinyo e shaà kin, bo kee shooy ki lò a dzə̀ fo Satan woo ŋgaà vinyò ve bi ví.

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.