1 Joon 2:12 - ŊWÀʼ NYÙY

¹² Wòn vem, m sáŋ vinyo vìn fo vèn adzə̀m, bìʼ fo vèn dzəə̀n wír, a Nyùy làysìn ne vinyo vén ve bi ví bìʼ kinyo ke Jesus‑eè yiìn.

1 Joon 2:12 Referans Kwoze

Lim Aŋgàa Ntum 10:43

A dzə̀ Jesus və̀n wo aŋgàa ntum Nyùyi‑iì fiʼtì ji a wìr wày shilív é wùn wó, bo Nyùy kù wíy làysìn ajay ŋgaàŋ bìʼ wun.»

Lim Aŋgàa Ntum 13:38

«Afə̀r vem, vèn ku nèn a kiíy kijuŋ jii, sáʼka wo vèn yú lèn ji Nyùy wíy làysìn ajay wíri, wù kù wíy làysìn a dzə̀ bìʼ Jesus və̀n.

Efesor 1:7

A kí dzə̀ jii, mo Jesus Kristu‑uù cùtìn mensə́ mvə fo vèsən, Nyùy làysìn ne vinyo vesən ve bi ví, vèsən vee wír Kristùu bóy á fo ŋgeʼ, e lùŋ. Á mo Nyùy kòŋèn vèsən é ŋàŋ, e bùʼ e lúm mbùʼmé və̀ne ben,

Lim Aŋgàa Ntum 4:12

A wíri kù luŋ a dzə̀ fo Jesus və̀n cáʼcáʼ, bìʼ fo wìr wùmòʼ yòʼ kfə̀n dzəə̀n shó e ndzə fèn wo Nyùy‑iì lèmèn ji vèsən wíy lùŋ fo fo.»

Nsùyrì Nyùy 106:8

Yii bèy, wù ku lùŋèr áwune mo wù‑uù kàʼàn, e lùŋèr ji wíri fiʼ yèn vitaáví və́ ve ghaʼán ví.

Kolosia 1:14

A yiì wun, bo Nyùy laysin ajay vesən, é vèsən boy fó ŋgeʼ.

Nsùyrì Nyùy 25:11

Éè Nyùy Tàr, bìʼ yír yé, ku làysìn ajay vémé, vinyo ve bi ve m yiìn ví kùʼ e ŋàŋ.

1 Joon 1:7

Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.

1 Joon 1:4

M nén a saŋ vinyo vìn fo vèn lèn ji vèn tátí sá bèy, é vèsən wáa sheʼrí a ghán sidzə̀m.

Ŋwàʼ Luk 24:47

Kí kfə́n a dzə jii, á kér fó wìy kèʼ fo Jerusalem, a fìʼtì vitúm vidzə̀m e mǒ yir ji wíri biner melív mev, é Nyùy laysin vinyo vév ve bi ví.

Ŋwàʼ Luk 5:20

Jesus yén mo wír vìyi wayin shilív e wun wùn, e sùúy e ndzə́m və̀y jii, «Ŋkar yèm, á làysìn ne vinyo vé ve bi ví.»

1 Joon 2:21

A bó m yòʼ sáŋ ŋwàʼ və̀n fo vèn ben ji vèn dzəə́ méŋ a vinyo ve ru ví. M sáŋ bìʼ fo vèn kiiyin ne. A vèn kì sá kijuŋ ji wìr wo wù tíy kfə́ a dzə̀ e Nyùy kinyò ke ru kí yòʼ dzə̀ á wù wàa boʼtí kimboʼtì.

Jeremia 14:7

Éè Nyùy Tàr, fə̀m mo vinyo vér ve bi ví koon ne ver, ku sə̀ ver bìʼ yír yé. Vèr bìn ne ndzə̀m e wò akàŋ aneénín. Vèr jày ne e wò.

1 Joon 2:7

Ŋkàr sem, nsər ye m sáŋ fo vèn lèn rə̀n yòʼ dzə̀ e fíy. Kù dzə̀ kinyo ke vèn‑eè sí yú fo ŋgùʼ, e kèʼ mo vé‑eè kèʼèn, a fìʼtì kinyo ke Nyùy e vèn.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

1 Joon 1:9

Yii bèy, a wìr tuúne vinyo ve wù jayin, Nyùy kù nèn làysìn, e sù njò rə, wù wàa dzə là jay, bìʼ fo dzəə̀n kinyo ke wù‑uù kàʼàn, a wù kù yii yii vinyo və́ réŋ.

Efesor 4:32

Wìr kú a sham wír, a way ŋgaàŋ e shiliv. Wìr jáy kinyo, vèn kù làysìn réŋréŋ mo vèn à Jesus Kristu tatin, Nyùy láysín vén vee ajay.

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.