1 Joon 2:11 - ŊWÀʼ NYÙY

¹¹ Wìr wo wù ban fə́r və ghán kfə́ a dzə̀ é ndzə ye sənér, ghaa virə́ʼ gháan, a bó yòʼ dzə̀ wù kìíy fo wù du.

1 Joon 2:11 Referans Kwoze

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

Ŋgaà Yen 3:17

Wìr lo, wù wàa sevtí jii, m kùʼ ne, a ker bùʼ e ŋàŋ, a bó m yòʼ dzəə́ búŋ kifá kímóʼ kí gheéy. Vèn suuy bèy, e làa yòʼ a kiíy ji vèn dzə̀ aghéʼncey ve dzə̀ á wàa rər mendzən rə́rín fó fo. Vèn ghíy ghiyín, ghán kinshóʼ, a vèn dzə̀ amfìr e Nyùy kinyò.

1 Joon 1:6

Kí nén a dzə jii, a wìr suuy ji wùn Nyùy dzə̀ kintatì, kfə̀n ghán e ndzə ye sənér, bo ŋgaàŋ bóʼti. Wù yòʼ dzəə́ yii kinyo ke Nyùy yén ji ke ru kí.

1 Joon 2:9

Kí nén a dzə jii, a wìr suuy ji wun ghán e Nyùy mvə̀m ran, kfə̀n ban fə́r və, bo wù kù dzəə́ ghán e ndzə ye sənér.

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

Joon 12:40

«Nyùy sə̀tí ne sí yév, e yiì, melív mev mè lúr, fo sí yéví wáa yen vinyo, é melív mev mè səəm ke kí dzəə̀n, aá kfə́n fo Nyùy, é wù fer áwune.»

2 Korin 3:14

A vé‑eè leey rán Nyùy bèy, e làa yòʼ fə̀m a kiíy mo Nyùy dzəə̀n, bìʼ fo kifá ki‑iì sùmèn vifií vév. A kù dzə̀ mo áwune dzəə̀n, e shem lèn. Á lóo yòŋ kinyo fo Ŋwàʼ Nyùy woó mensàŋ me mvə mè, kifá kìy ki kù a sùm sí yév. Kù mày ji wìr tátí wùn Kristu, é bo sí rəə́ mvəʼəm.

Ŋgàn 4:19

Dzəʼə̀m wìr ve á méŋ Nyùyi dzə̀ moo ndzə vitsə̀ʼ ye yì sə́n ji cùm. Á lo, á gbù, e làa yòʼ kiíy kifá ke kí màʼàn áwune.

Cù 19:17

«Lá wìr yòʼ a ker fə́r və é shiliv. Wìr ku sìysì kinyo ke wùn fər və kérí síysin fó jay kinyo bìʼ ŋgaàŋ.

2 Samuel 13:22

Absalom kú a bàn kfə́ Amnon bánen, a səmnín wun, bìʼ fo Amnon‑eè ghatin jemèr rə yee Tamar.

Ŋgaà Tàrvìnyò 2:14

Fiì yii kiiy fo wù du, a kiyúŋ kí ghán, fəy fə̀yìn é mvə̀m ndzə ye sənér. Yii bèy, a kinjòʼsì kév kidzə̀m ki kù dzə̀ kpú.

2 Pita 1:9

Vèn wáa kiíy jii, a wìr bùŋ vinyo vìn, bo ŋgaàŋ fìr fo Nyùy mbìv, a yen kinyo a dzə̀ keé shùu kiwo, e nèn a làysìn ji dzə̀ á vinyo ve bi ví ve wù‑uù tíy sho fo mbìy, a Nyùy‑iì sù ne vee shooy fo wun wùn.

1 Joon 2:10

Wìr wo wù koŋ fə́r və dzə̀ wír wo wù ghán rú e Nyùy mvə̀m ran. Mo wù ghán bèy, bó yòʼ dzə̀ wù kfə̀n jày dzə́ə gheéy.

1 Joon 3:15

A wìr ban fə́r və, bo sì yúyrí mo wù yúyri bèy, a vèn kì sá ji wìr wo kfə́ kí dzəə̀n ji wun ku yùyrí wír yòʼ dzə̀ wù kfə̀n a dzə e mvə̀m dzə̀ʼə̀m yee là may.

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.