1 Joon 2:10 - ŊWÀʼ NYÙY

¹⁰ Wìr wo wù koŋ fə́r və dzə̀ wír wo wù ghán rú e Nyùy mvə̀m ran. Mo wù ghán bèy, bó yòʼ dzə̀ wù kfə̀n jày dzə́ə gheéy.

1 Joon 2:10 Referans Kwoze

1 Joon 3:14

Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

Ŋwàʼ woó Rom 14:13

Mo vinyo vìn vi dzəə̀n ben, vèsən ku bèr fo wìr wáa dìn jay wùmòʼ woo wír. Ke vèsən kú a yiì ki dzə̀ jii, vèsən lóo yiì kinyo ke kiìn vèsən, á wàa yen a fo kí yii, é fər wòsən wùmòʼ jáy kinyo ke shilív sə́ shí téné.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

2 Pita 1:10

Afə̀r vem, kí nén a dzə jii, vèn ku mùm feyì ji á wáa yiì a vinyo vìn vidzə̀m, bìʼ fo dzəə̀n vinyo ve Nyùy‑iì shoʼon ven, e lì ji wír və́ ji vèn wáa yiì. A vèn lò, a yiì vinyo vee shoon, la vèn yòʼ dzəə jày dzə́ə gheéy,

Joon 8:31

Jesus nèn a suŋnín lèn a dzə̀ e wír ve vé‑eè sí wáy shilív e wùn wó vìyi, a suúy jii, «A vèn lò, a tiy a dzə̀ e mǒ kinyò, bo vèn dzə̀ rú wír vém,

Matio 18:7

Éè mò, mendzən me wìr veé ndzə fèn mè rə́r mo féyì. Vinyo ve ví lévti áwune, aá jáy dzə́ə ví dzə̀ vinín. Kù dzə̀ mo kí yii dzə́. Yii bèy, a ŋgeʼ dzə̀ ye wìr wo wù lévti wír, wù jày dzə́ə.

Matio 13:21

Wù nén a dzə moo kifá kee là gháŋ, e làa yòʼ a tiytíy. Ŋgeʼ wùn à vibàn ví keʼ bìʼ kinyo ke Nyùy kee shooy, wù nèn bìn ndzə̀m.

Filipi 1:10

Vèn lóo səə̀m, é vèn nèn a fəə́r a dzə̀ ve juujùŋ vi, é wíy lóo dzə e kishiíy ke Jesus Kristu kfə́n e bàm, é vèn wáa tiy e wùn si là nsem, a wàrkìr.

Nsùyrì Nyùy 119:165

Wìr dzə̀m wo wù koŋ Nsər yè kér nyaáŋ ŋkuuŋkùŋ, a bó kifá ki yòʼ dzə̀ shó, ke dzə̀ kí yiì, áwune bàyrìn.

Joon 11:9

Jesus bìnèr jii, «Ndzə yòʼ yii rán, e kèʼ fo shúy ntuùfú, yì jì shúy ntuùfú a? Wìr lóo ghan e shùy, la wù yòʼ bàyrìn e kifa, bìʼ fo ndzə ráné.

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

1 Joon 2:11

Wìr wo wù ban fə́r və ghán kfə́ a dzə̀ é ndzə ye sənér, ghaa virə́ʼ gháan, a bó yòʼ dzə̀ wù kìíy fo wù du.