1 Joon 2:1 - ŊWÀʼ NYÙY

¹ Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

1 Joon 2:1 Referans Kwoze

1 Timoti 2:5

A dzə̀ wù lùŋèr wír adzə̀m, bìʼ fo kù jòʼsìn wun ji Nyùy wùn mòʼón. Tàr Dzəə̀ wáa dzə sa e mòʼón wo wù tíy e Nyùy wùn à wírí nsàn, a dzə̀ Jesus Kristu wo wù‑uù liìn mbom wìr, a dzə réŋréŋ sá ji wír.

Ŋwàʼ woó Rom 8:34

Wìr dzə̀ shó wo dzə̀ wù wày vèsən é ŋgeʼ ji nsaʼ koò vèsən á? Jesus Kristu‑uù kpù ne fo vèsə́n ajay, e kfə̀n fəə̀ fó kpu, a wù dzə́ lèn e Nyùy ghaŋ, tóm vinyo vesən.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

1 Joon 4:4

Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

1 Joon 3:18

Wòn vem, lá vèsən yòʼ a suúy a dzə̀ fó shuù ji vèsən koŋ afə́r vesən. Vèsən wáa kòŋ áwune rúrú, a sə áwune.

1 Joon 3:7

Wòn vem, vèn wáa yen fo wìr bóʼtí ven. Vèn wáa kiíy jii, wìr wo wù yii vinyo və́ là jay dzə̀ wo wù dzəə̀n là jay, réŋréŋ mo Jesus dzəə̀n.

Joon 8:11

Wù bìnèr jii, «Taàtá, wìr yoʼ sùúy.» Jesus nèn sùúy jii, «A bó yòʼ dzə̀ sá, m sùúy. Ku yòʼ a dù. À du, lá à yòʼ dzə́ə a bùʼtì vinyo.»]

Hibru 9:24

A bó Kristu yòʼ‑oò dù, a yiì və́ə woo ntàŋrí é kirə̀ʼ ke naŋsin wír ji ké Nyùy ke kù dzəə̀n vimfìʼìr ve kirə̀ʼ ké Nyùy ke ru kí. Wù yii və́ə a dzə̀ é yuv, fo wù dzə́ lèn e Nyùy si, lón fo vèsən.

1 Joon 3:5

Vèn kì ji Jesus‑eè wìy é nsay fèn a ji wun laar vinyo ve bi ví ve wíri yii. A bó wun woo Jesus yòʼ yii yii vinyo ve bi ví gheéy.

Efesor 2:18

Vèsən adzə̀m nén a dzə lèn, a dzə̀ á wàa beè Kiyoy ke Ranén kí, a koʼtí e Nyùy woo Tàr wòsə́n si. Aá kù bee a dzə̀ Kiyoy kee shó kimòʼón.

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Esiker 3:21

Kí nén a dzə jii, aà kàntì wír woo réŋ ji lá wù yòʼ yiì kinyo ke bi kí, wù yú, e làa yòʼ yiì, bo wù‑úù wáa dzə sho e tin, bìʼ fo wù biimen ne ntir. À yii bèy, bo à sə̀ ne kitú ké fo njò, e bàvtí dzəʼə̀m yé.»

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

Efesor 4:26

Kilòŋ kí shwiiy wír, wù wàa yen fo kinyo ke bi kí nəə́ shó. Lá wù yòʼ màʼtì, é ndzə jí shó, a bó wù máyír,

Galatia 4:19

Wòn vem, vèn yii kinyo kìn bèn, a kí dzə́ mo m kfə̀n wíy a rəsí, a lum ven lúmén mo wiíy lùm wán, e meé e ghan se vèn wíy a ker liì wo dzəə̀n wo Kristu.

Joon 10:15

réŋréŋ mo m kiìn Tàr wor, a wù kì sá mo. M nen biìmé kpú, e fò kitú kém fo njiì wom və̀n.

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

1 Pita 2:22

Wù yòʼ‑oò lo yiì yiì kinyo ke bi kímóʼ kí gheéy, a bó wù yòʼ‑oò lo yiì sùúy kinyo ke kisaŋ ki fo wùn shuù.

1 Korin 15:34

Vèn maʼti kiyúŋsì ki, e lèʼ fó bǎm vinyò ve bi ví. M yén ji wír vén ámóʼó yòʼ kì á Nyùy gheéy. A m suuy bèn, é vèn fíʼ a woomé.

Joon 5:14

Jesus yiì sìíy, e lòo dù e *lav cù, e kfə̀n yèn wír və̀y fo, e sùúy sho jii, «Yén mo à bonen ne. Á yen rì fó kfə̀n a yiì vinyo ve bi ví, fo ŋgeʼ ye yì wíy koóy wò wìy fòy, e shaà ye mbìy.»

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Nsùyrì Nyùy 4:4

Kilòŋ kí shwiiy wír, wù wàa yen fo kinyo ke bi kí nəə́ shó. Vèn wáa yòŋ jí sìn, a kwàʼtì sho, a səʼə́m e ghan se á néŋ e kikun.

1 Joon 5:21

Wòn vem, kí nén a dzə jii, vèn wáa yen a fó a jùmrì anyùy kisaŋe.

Jeem 3:9

A kù kfə̀n dzə̀ kiliímé kee shoon ke vèsən lo, á wàa burí Nyùy woo Tàr wòsən shó. Ku kfə̀n a dzə kíwun ke vèsən kuurì afə́r vesən shó, a Nyùy‑iì bòm, á wáa shwinín a dzə̀ wun.

Ŋwàʼ woó Rom 6:15

Mo wù liìn ne vèsən líin ji wír ve á gheenen fo wun, bo dzə̀ lèn, vèsən wàa yiì vinyo ve bi ví ji bó á yòʼ dzəə́ fan nsər à? Bó yòʼ dzə̀ vèsən wàa yiì bèy.

Joon 13:33

Jesus nèn kfə̀n yòŋ jii, «Wónen, bó m yòʼ dzəə́ yìi dzə̀ʼtì vèsən shinín. Vèn wíy siíy, a tàʼ mo, e làa yòʼ yen. A kù dzə̀ kíwun ke mò‑oò suuy e vé wòŋe ji bó yòʼ dzə̀ á wìy fo m du.

1 Timoti 3:14

Timoti, m yén ji m kù yíi wìy, e yen wò lèn lèn. Yii bèy, m nén a saŋ ŋwàʼ və̀n fo wò bèn jii,

Joon 21:5

Wù nèn jàŋ áwune jii, «Ŋkàr sem, vèn ku koò sə́ à?» Á bìnèr jii, «Vèr yoʼ koò kifá.»

Joon 14:16

A m wíy a lon ji Tàr wor ku fò ven wùmòʼ woo Ŋgaà Sə wo vèn áwune wáa dzə ghán sidzə̀m,

Lim Aŋgàa Ntum 7:52

Ŋgaà ntum Nyùy wùmòʼ dzə̀ shó wo atàr véné yòʼ‑oò ló a ròn wúu rə́ á? Áwune kù‑uù yúyri aŋgàa ntum Nyùy yúyrín, a vé‑eè fiʼtì ji Ŋgaà Lìm Nyùy woo rú waà wíy wìy. A dzə̀ wùwun woo shooy mo wù‑uù wìyìn ne, vèn sháʼnín, e yùyrí.

Ŋwàʼ woó Rom 5:10

Kí kfə́n a dzə jii, vèsən‑eè dzə́, yii vinyo ve bi ví, ban Nyùy bánen. Mo wù‑uù yiìn, Wan və kpú, e màn vinyo vee shooy, vèsən wáa dzə ŋkar sə́ lèn, bo dzə̀ vèsən wàa kiíy sa jii, mo Wan və fəən ne fo kpu, a wù kù yíi a dzə sho, bo wù kù wíy yiì sa, é vèsən luŋ, a dzə a vèsən à Nyùy.

1 Joon 5:17

Ajay ve wíri yii adzə̀me dzə̀ kinyo ke bi kí fo Nyùy, a bó yòʼ dzə̀ vinyo vidzə̀m ve dzə̀ ví yiì, wìr kpù.

3 Joon 1:4

Kinyo ke dzə̀ m shèʼrí é ŋàŋén kí yòʼ dzə̀, e shaà ke m yú ji ven vee wón vémé kù tíy e kinyò ke dzəə̀n ké ru kí.