1 Joon 1:7 - ŊWÀʼ NYÙY

⁷ Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.

1 Joon 1:7 Referans Kwoze

Efesor 5:8

Vèn yòʼ dzəə́ ghán e ndzə ye sənér moo vee shooy vee wír. Vèn sì kén wír Nyùy, a vèn sí kér rán. Vèn ku nèn a ghan moo wír ve á sí yén rán.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

Ŋwàʼ woó Rom 13:12

Ndzə sí ráné, a shùy tó. Vèsən maʼti vinyo ve á yii yii a dzə̀ vitsə́ʼ, e bàʼtí wún wósən, a dzə, a yiì vinyo ve á yii yii a dzə̀ e shùy moo wír wo wù báʼti vifá ve rər ji wun fəə́ e shùu rər.

Efesor 1:7

A kí dzə̀ jii, mo Jesus Kristu‑uù cùtìn mensə́ mvə fo vèsən, Nyùy làysìn ne vinyo vesən ve bi ví, vèsən vee wír Kristùu bóy á fo ŋgeʼ, e lùŋ. Á mo Nyùy kòŋèn vèsən é ŋàŋ, e bùʼ e lúm mbùʼmé və̀ne ben,

Hibru 9:14

Mo mensə́ me nyàm mè‑eè kér vitaáví fó naŋsín ŋgaà kifàn, bo me Jesus Kristu mè‑eè yiì kinyo, e shaà kee shooy feyì. Mo wù‑uù foon kitú kfə́, e kpù, a bó wù yòʼ kér njò yìmòʼ ye dzəə̀n ji rə́ə, Kiyoy ke Nyùy ke kí gòʼòn kàŋ mòʼón ki nèn yiì, woo shooy woo ntàŋrí náŋsín melív mèsən lèn, vèsən bóy fó vinyò ve vé‑eè yii, a bó yòʼ dzə̀ ví sə̀ wír wù ghèén fo Nyùy. Vèsən nén a dzə lèn vèsən à Nyùy, a lìm fo fo.

Ŋgaà Yen 7:14

M bìnèr jii, «Tàr, bó m yòʼ kì. Kù kì wò.» Wù nèn a naàrì jii, «Wír vee shoone dzə̀ á ve vé‑eè dzəə̀n é ghan sé ŋgeʼ ye tavín, e bóo bòy fo fo. Aá sù ne vikúm vév e mensə́ me Wàn Njiì mè, ví wáa ran, a fər.

1 Joon 1:5

Vèr‑iì yù kinyo ke m fer e vèn kin a dzə̀ fo wun woo Wan Nyùy. A kí dzə̀ jii, bó Nyùy yòʼ yii ghán e ndzə ye sənér, yii vinyo ve bi ví. Wù dzə̀ kfə́ ji rán.

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.

1 Pita 1:19

Wù‑uù tìn a dzə̀ e mensə́ me Kristu mè, a dzə̀ kifá kigháʼán, bìʼ fo Kristu dzəə̀n kfə́, a bó wù yòʼ kér jay wùmòʼ gheéy. Wù nén a dzə moo wan njiì woo là shilóm, wo á seé, e taŋrí wíri shó.

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

1 Joon 5:6

Jesus Kristu və̀n‑eè lo wìy, a dzə e nsay fèn, e dù, á wáy wun e ndzəv. Wù kfən dù, á yúyrí wun, mensə́ mvə mè cùrkìr. Mo wù wìyìn bey, e làa yòʼ dù a dzə̀ é ndzəv cáʼcáʼ. Wù‑uù dù sá, á yúyrí wun, mensə́ mvə mè cùrkìr. A Kiyoy ke Ranén kí bínsi sa ji kinyo kee shooy ki‑iì lo kòóy a bèy, a kí yii suuy kfə́ a dzə̀ kinyo ke ru kí.

1 Joon 1:3

Kí nén a dzə jii, kinyo kidzə̀m ke vèr‑iì yenen, e kfə̀n yù, a dzə̀ vèr fèr sá, é vèn yú. Mo vèn yuun, é vèn nèn tàtí sa, é vèsən wáa yuurí kinyo kee shó kimòʼón. A vèr tàtí a dzə̀ vèr à Tàr wòsən Nyùy, à Wan və wo dzəə̀n Jesus Kristu.

Nsùyrì Nyùy 89:15

Nyùy Tàr, bòŋ ké wìr ve á shéʼri wò, ndzə́ʼ wò ji Fon. Áwune ghán, warkìr e mvə̀m ran ye à fó aáwune.

Nsùyrì Nyùy 56:13

À fə̀ə́r ne mo fo kpúu wo. À sə̀ ne mo fo m bayrin, e gbù, e yiì, m wáa ghan e wò si, a yen rán ye à fó e wíri.

Sekariya 13:1

«Ghán sin si wíy gheén, é ntòŋ ndzə̀v yìmòʼ mvəʼəm, a fəə ji ye wìr vee rám Davir wùn à wír ve á dzə́ e Jerusaleme, aá wáa sù njò yev fó, a ran fo áwuné vinyò ve bi ví, à fo áwuné joònè e dzə̀m.»

Aysaya 2:5

Ven vee rám Jakov, vèn wáa wìy, é vèsən wáa jùmrì rán ye ntir se Nyùy Tàr sí fó.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Nsùyrì Nyùy 97:11

Wír vəə́ wáa sheʼrí wun mo á shéʼri ndzə ye yì ráné. Wír ve melív mev mè dzəə̀n tìítiyi wáa yu vijuŋ adzə̀m.

1 Joon 5:8

a ví dzə̀ jii, Kiyoy ke Ranén kí, ndzə́v ye vé‑eè wayin wun sho, e lì mensə́ mvə me mè‑eè cùrkìn. A vifá vee vitaár vìn vi shèmsín, a dìn a dzə̀ kinyo kimòʼón.

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

3 Joon 1:4

Kinyo ke dzə̀ m shèʼrí é ŋàŋén kí yòʼ dzə̀, e shaà ke m yú ji ven vee wón vémé kù tíy e kinyò ke dzəə̀n ké ru kí.

Nsùyrì Nyùy 104:2

rán yée súm sá wò bèy. Wò‑oò bòm yúv, e nàsì moo kibàn ke tamén kí,

2 Joon 1:4

Mò‑oò yèn mo wón vé ámóʼó jumrì kinyo ke dzəə̀n ke ru kí, a sheʼrí feyì. Aá jumrì réŋréŋ mo Nyùy suuy ji vèsən wáa yiì.

Amos 3:3

A dzə̀ wíri tàrnín, a gbù kiwuú kimòʼón, a bó áwune suúsín, e tàr shuu a?

Nsùyrì Nyùy 51:2

Sù lóm sém sí kijuŋ fo mǒ wùn. Yìi, é m rán fo mǒ kinyò ke bi kí.

Aysaya 6:7

Kí sə́ʼə́y, e kùm shuu wóm e káy və̀y və́yi, e yòŋ e mò jii, «Yuúrí kijuŋ. Mo káy və̀y wo wú loòn fó kiy cù və̀ne kùmèn ntù shuù yè, bo Nyùy Tàr sù ne njò yè, a wù kù màn ne vinyo vé ve bi ví.»

Aysaya 33:24

Wìr woó Juda e mòʼón yòʼ kfə̀n wíy a kàn ndzə jii, «M və̀ne, a m dzə̀ é nsòv,» bìʼ fo á wíy tsə̀ʼ ŋgeʼlàʼ fo wìr dzə̀m wo wù dzə́ fo kitu.

Matio 6:12

a làysìn ajay vér mo vèr laysìn vé wìr ve á jáy e vèr.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Joon 5:4

bìʼ fo nshìylav Nyùy kù‑uù lo, yì wìy, a wùr ndzə́v yee shooy. Wù lóo wùr, wìr wo wù tòmbìy nə̀ə́ sho nèn bònén, a wù fə̀m kì joy a dzə̀ ka.]