1 Joon 1:6 - ŊWÀʼ NYÙY

⁶ Kí nén a dzə jii, a wìr suuy ji wùn Nyùy dzə̀ kintatì, kfə̀n ghán e ndzə ye sənér, bo ŋgaàŋ bóʼti. Wù yòʼ dzəə́ yii kinyo ke Nyùy yén ji ke ru kí.

1 Joon 1:6 Referans Kwoze

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.

1 Joon 2:4

A wìr suuy ji wun kì Nyùy, a bó wù yòʼ lem nsər sə́, bo wù bóʼti, a bó wù yòʼ koŋ kinyo ke dzəə̀n ke ru kí gheéy.

1 Joon 1:10

Kí nen kfə̀n a dzə sa jii, wír wo wù kinèn ji bó wun yòʼ‑oo jáy ne kinyo sí yoŋ Nyùy a ji ŋgaà kimboʼtì, a bó wù yòʼ yú kinyo ke Nyùy suuyì.

Ŋgàn 2:13

áà boy fo wír ve á bìnèn ne ndzə̀m é yiì yee réŋé, wír ve á ghán a dzə̀ é ndzə vitsə̀ʼ.

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

Jeem 2:14

Afə̀r vem, a wìr lò, a suúy ji wun wày shilív e Nyùy wùn, a bó wù yòʼ yii mo Nyùy suuyì, kee shooy ki sə̀ wun e gha? A dzə̀ ŋgaàŋ lùŋ bìʼ fo wù wayin shilív e Nyùy wun é dzəə fóo fèy a?

Joon 12:46

M wìy e ndzə fèn ji m fíʼ a dzə rán, é la wìr wo wù wáy shilív e mǒ wùn yòʼ dzə́ə a ghan fo mesənér.

1 Joon 1:3

Kí nén a dzə jii, kinyo kidzə̀m ke vèr‑iì yenen, e kfə̀n yù, a dzə̀ vèr fèr sá, é vèn yú. Mo vèn yuun, é vèn nèn tàtí sa, é vèsən wáa yuurí kinyo kee shó kimòʼón. A vèr tàtí a dzə̀ vèr à Tàr wòsən Nyùy, à Wan və wo dzəə̀n Jesus Kristu.

Joon 11:10

Kù yii bayrìn wír wo wù ghán a dzə̀ vitsə́ʼ, bìʼ fo bó wù yòʼ yén rán.»

Jeem 2:18

A tàm wìr wùmòʼ wàa dzə jii, kfə́ kí dzə̀ á ji wun wáy shilív e Nyùy wùn, ké wùmòʼ woo wír a ji wù yii lim se Nyùy. M nén a ghay kém jii, wù din mo á mo wù wáy shilív e Nyùy wùn, a bó wù yòʼ yii mo Nyùy suuyì. A m yíi dìn sa sho mo m wáy kém shilív e Nyùy wùn a dzə̀ fó vinyò ve m yii mo Nyùy suuyì.

Nsùyrì Nyùy 82:5

«Bó vèn yòʼ kì vinyo, vèn jiŋ jìŋèn. Vèn ghán a dzə̀ é mvə̀m vinyò ve bi ví, kinyo kee ji á tínén é nsànloŋ ki nen lày fo wòŋ.

1 Joon 1:8

Kí kfə́n a dzə jii, a wìr lò, a kìnèn ji bó wun yòʼ kér jay, bo ŋgaàŋ bóʼti a dzə̀ kitú kfə́. Wù yòʼ tíy e kinyò ke dzəə̀n ke ru kí gheéy.

Jeem 2:16

wìr fo vèn yén bey, e shàʼtì shàʼtìn jii, Nyùy səəvi wò, áà koóy ndzə̀y wùn à vifá ve yi vi. A wù shàʼtì bèy, e làa yòʼ fo kifá ke ŋgaàŋ kì búŋ kìy, kí sə̀ ŋgaàŋ e gha?

Matio 7:22

Wíy lòo dzə e kishiíy kee shó, é wíri wáa yòŋrì mo anín ji ‹Tàr, Tàr›, a suúy jii, ‹Vèr‑iì ló a fìʼtì sáʼka wò wo juŋ e wíri, a yòŋ yír yé, e bó a kàntì *anyùy, aá wáa màʼtì wíri, e kfə̀n a yiì vinyo ve ghaʼtín vímóʼ ví vinín.›

1 Timoti 4:2

A kù wíy lì wír ve melív mev mè lùrìn ne kinyo kee shooy, a wooné sho ji ké Nyùy, a boʼtí wíri.

Nsùyrì Nyùy 94:20

Bó yòʼ dzə̀ à suùsín kiwó vèn aàtǎr saʼa, atǎr saʼ, ve á sə́ kòyàr, li nsər, nəʼsì wíri shó nə́ʼsin.

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.