1 Joon 1:5 - ŊWÀʼ NYÙY

⁵ Vèr‑iì yù kinyo ke m fer e vèn kin a dzə̀ fo wun woo Wan Nyùy. A kí dzə̀ jii, bó Nyùy yòʼ yii ghán e ndzə ye sənér, yii vinyo ve bi ví. Wù dzə̀ kfə́ ji rán.

1 Joon 1:5 Referans Kwoze

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

Aysaya 60:19

Vèn yòʼ kfə̀n wíy a shìy a dzə̀ shúy, kìn ŋwee ji wú wáa ban, a fo ven rán. Kù wíy a dzə Nyùy Tàr woo Nyùy won rán ye yí gòʼòn kàŋ mòʼón. Kù dzə̀ wun wo wù wíy gòʼ ji viwìr vén.

Nsùyrì Nyùy 27:1

Nyùy Tàr dzə̀ kikaʼày kém, a luŋèr wun mo. A dzə̀ m wàa fàn la? Nyùy Tàr dzə̀ kóy wóm wo tavíné. A dzə̀ m kfə̀n a fàn ka?

Joon 1:9

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Joon 1:4

Dzə̀ wun wo wù‑uù foon dzəʼə̀m yee dzəʼə̀m e wíri, á nèn a ker sa rán ye dzə̀ á kìíy Nyùy.

Joon 9:5

Mo m dzə̀ə́ e ndzə fèn, m dzə̀ rán ye yí kaʼày wír veé ndzə.»

Ŋgaà Yen 22:5

Nyùy Tàr, wun woo Nyùy wíy kàʼày áwune, é la ndzə yìmòʼ yòʼ kfə̀n a dzə ji yee vitsə́ʼ, é bo á wáa tàʼ kikaʼày, kìn ji á wáa shìy ji shùy tó. Áwune wíy a dzə fo lèn ji rám vifòne, a saʼ vifon vév ghán sidzə̀m, viyá viyá là may.

Ŋgaà Yen 21:23

Wír vee fóo yòʼ dzəə́ kér shií é ŋwee, kìn shúy, bìʼ fo rán ye yí lo a dzə̀ fo Nyùy wùné bán fo ghán sidzə̀m. Wàn Njiì Nyùy kfə́n a dzə kikaʼày ke kí kaʼày fó.

Nsùyrì Nyùy 36:9

Dzəʼə̀m wìr dzə̀me kù lo a dzə̀ fo wò. Rán yée yii, a vèr yén sa rán e věr dzə̀ʼə̀m.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Nsùyrì Nyùy 84:11

Nyùy Tàr, wun woo Nyùy dzə̀ shuy wìr və́, a kfə̀n dzə̀ wun kikiŋ kév. Wù din koŋ rə́ aáwune, kóʼor ghay wóv. Bó yòʼ dzə̀ wù kìm kifá ke juŋ ki fo wír vəə́, wír və́, ve á ghán e wun mbòv, là kiloʼ.

1 Joon 3:11

Vèn kuúmé kinyo ke vèn‑eè sí yú, e kèʼ mo vé‑eè kèʼèn, a fìʼtì kinyo ke Nyùy e vèn kí. Kí‑iì dzə̀ ji vèsən wáa kòŋnìn.

1 Korin 11:23

Mò‑oò lo yèʼéy ven mo dzə̀ vèn wàa yiì, a mò‑oò yù kinyo kee shooy a dzə̀ fo Tàr wòsən Jesus. A kí dzə̀ jii, yì‑iì dzə̀ vitsə́ʼ ve vé‑eè yíi kar menàŋ, aá koó Tàr wòsən Jesus, wù nèn lì ntuʼ kiban,

Nsùyrì Nyùy 139:12

bo ndzə ye sənér yòʼ sə́n fo wò. Vitsə́ʼ ví kù rán moo ndzə ye ranén, bìʼ fo vitsə́ʼ ví dzəə̀n moo rán bèy fo wò.

Aysaya 2:5

Ven vee rám Jakov, vèn wáa wìy, é vèsən wáa jùmrì rán ye ntir se Nyùy Tàr sí fó.

Daniel 2:22

Wù lo, wù fə̀ə́r vinyo ve ví shoon, à vilìtì ve vinyò vi é ŋgèŋgèr. A kì soò ka feé fó mesənér, bo wù kù kì. Ráne kù lo a dzə̀ fo wun.

Joon 1:19

A Joon‑eè lo fìʼtì wír wo dzəə̀n Jesus Kristu və̀n. Yì‑iì dzə̀ é ghan símóʼ sí, atǎr wòŋ veé Judàa túm atàá cù ámóʼó fó Jerusalem wùn à wír veé ram Levìi ji á du, e yèn Joon, e dzə̀r shó a jii, sà dzə̀ wun la á?