1 Joon 1:2 - ŊWÀʼ NYÙY

² Á mo Nyùy‑iì yiìn, é bo wíri yén dzəʼə̀m yee là may. Mo vèr yenen wun wo wù fó dzəʼə̀m yee shoon, e nèn a fìʼtì e wíri. Ku nèn a dzə kíwun ke m fer e vèn lèn. A ŋgaà dzə̀ʼə̀m woo shooy‑iì dzə́ a dzə̀ wùn Nyùy woo Tàr wòsən. Ghán sí wìy ghèén, Nyùy dìn wun e vèr.

1 Joon 1:2 Referans Kwoze

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Joon 1:4

Dzə̀ wun wo wù‑uù foon dzəʼə̀m yee dzəʼə̀m e wíri, á nèn a ker sa rán ye dzə̀ á kìíy Nyùy.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

1 Joon 5:11

A kisəəm ke Nyùy‑iì dìnèn e Wan və́ kitu kìn ki dzə̀ dzəʼə̀m yee là may ye wù‑uù foon e vèsən, a yí lo a dzə̀ fo Wan və.

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.

Titur 1:2

Aá kfə́n a shìy dzəʼə̀m yee là may ye Nyùy‑iì kàʼàn áwune shó fo ŋgùʼ. Nyùy, wo bó wù yòʼ yii bóʼti kimboʼtì.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

1 Joon 3:5

Vèn kì ji Jesus‑eè wìy é nsay fèn a ji wun laar vinyo ve bi ví ve wíri yii. A bó wun woo Jesus yòʼ yii yii vinyo ve bi ví gheéy.

2 Timoti 1:10

Mo Ŋgaà Lùŋèr wòsən woo Jesus Kristu wìyìn ne, vèsən nén a ker mbùʼmé woo shooy lèn. Wù‑uù wìy, e laàr fan yee bìʼ kpú. Wù‑uù fò vèsən sáʼka Nyùy wo juŋ, wù dìn dzə̀ʼə̀m yee là may, vèsən kiíy. A dzə̀ dzəʼə̀m yee shooy ye bó wìr yòʼ dzəə́ wìy kpu.

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Joon 15:27

a vèn wíy a fìʼtì sa, bìʼ fo kù dzəə̀n ven vin ve vèsən‑eè siìn, e kèʼ fo kèʼ.

Lim Aŋgàa Ntum 3:15

Vèn yiì bèy, e nèn yùyrí wun wo wù yii, bo wíri wáa ŋèʼ, a dzə atin. Yii bèy, Nyùy fəə́r wun fo kpu, vèr yén e sí yérí, e nèn a fìʼtì.

1 Pita 5:1

M nén a tir wír ve dzəə̀n atǎr kintatì e věn mvəm. A m tír moo wír wo dzəə̀n sá taà kintatì wùmòʼ, kfə̀n suuy moo wír wo wù‑uù yenen e sí rəə́ mo Kristu yén ŋgeʼ bìʼ vèsən, kfə̀n suuy moo wír wo vèn áwune wíy nəə́ e vijùŋ ve Kristu wíy wìy sho.

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Lim Aŋgàa Ntum 10:41

A bó yòʼ‑oò yèn wir dzə̀m. Kù‑uù yèn ver ve Nyùy‑iì shoʼon fó mbìy ji á wáa fìʼtì kinyo ke Jesus. Vèr à Jesus‑eè ló a yinín, a nonín, a Nyùy fəə́r ne wun fo kpu,

Lim Aŋgàa Ntum 5:32

Vèr ku nèn a fìʼtì vinyo vee shooy. A fiʼtì vèr à Kiyoy ke Ranén kí ke Nyùy fó e wír ve á yú wune adzə̀m.»

Lim Aŋgàa Ntum 2:32

Ŋgaàŋ dzə̀ Jesus, a Nyùy‑iì lo fə̀ə́r wun fo kpu, ver vee aŋgàa ŋgoo vəə́ yén wír adzə̀m.

Joon 21:14

Jesus dìn kitú kfə́ e wón və́ lìme é ghan sin, akàŋe nèn mèé ataár mo wù dìnèn kitú kfə́ aáwune mo wù‑uù fəən fó kpu.

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Joon 16:28

Mo mò‑oò loòn fo Tàr wor, e bóo wìy e ndzə fèn, m kfə̀n sí lo fo ndzə fèn, e kfən fo Tàr wór wùn.»

Joon 8:38

M fiʼtì vinyo a dzə̀ ve mò‑oò yenen e Tàr wór laʼ, a vèn yii kén vinyo a dzə̀ ve vén vee atàrí‑iì dànèn ven shó.»

Joon 7:29

Kù kì mo ŋgaàŋ, bìʼ fo m loòn fo ŋgaàŋ wùn, a tùm ŋgaàŋ mo.»

Joon 3:13

Wìr wùmòʼ yòʼ‑oò yiì ne kòʼ e Nyùy wòŋ woó yuv, kù mày ŋgaà wo wù loòn fó fo, wo yírí dzəə̀n *Wanwìr.

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

1 Joon 1:1

Kinyo ke m sáŋ fo vèn kin ki dzə̀ ké wìr wo wù‑uù siìn, é bo ndzə wìy a kèʼ, a kér wun ntum ye yì fó dzəʼə̀m yee là may. Vèr à wír ámóʼó‑oò lo yèn wun e sí yérí, vèr áwune wáa ghanén, vèr wáa kùm wun, e kfə̀n a yen vinyo ve wù‑uù yii.

Joon 10:28

a m fó dzəʼə̀m yee là may aáwune. A bó yòʼ dzə̀ áwune dzəə nə̀ə́ e lòn, a bó yòʼ dzə̀ wìr faàsì áwune fo mǒ kiwo gheéy.

Joon 19:35

Vinyo vìn vi nén a dzə ve fèrìn wír wo wù‑uù yenen mo ví kooyì. Wù suuy a dzə̀ kinyo ke ru kí, kiiy rú ji dzə̀ á kinyo ke ru kí, e nèn a fèr ji vèn fiʼ wày sá shilív e Jesus wùn.

1 Joon 2:25

Vèn wáa kuumé ji yì‑iì kàʼ Wan Nyùy və̀n ji wun wíy fo vèsən dzəʼə̀m yee là may.

1 Joon 4:2

A dzə̀ vèn wàa səə̀m wír wo wù kér rú Kiyoy ke Nyùy a dzə̀ fó kinyò ke wù suuy kùm Jesus. A wìr fiʼtì ji Jesus Kristu‑uù wìy é nsay fèn, e lì mbom wìr, bo ŋgaàŋ kér rú Kiyoy ke Nyùy.

1 Joon 4:14

A ver vee aŋgàa ntume‑eè lo yèn sá Wán və wo wù‑uù tumen é nsay fèn ji wù wiy, e tìn wíri fó lòn.

1 Joon 5:13

Mo m sáŋ vinyo vìn vidzə̀m bèn, m sáŋ a dzə̀ fo vèn ve á wayin ne shilív e Wàn Nyùy wùn, é vèn fíʼ kiíy ji vèn sí kér dzəʼə̀m yee là may.