1 Joon 1:1 - ŊWÀʼ NYÙY

¹ Kinyo ke m sáŋ fo vèn kin ki dzə̀ ké wìr wo wù‑uù siìn, é bo ndzə wìy a kèʼ, a kér wun ntum ye yì fó dzəʼə̀m yee là may. Vèr à wír ámóʼó‑oò lo yèn wun e sí yérí, vèr áwune wáa ghanén, vèr wáa kùm wun, e kfə̀n a yen vinyo ve wù‑uù yii.

1 Joon 1:1 Referans Kwoze

Joon 20:27

Wù nèn sùúy e Tomar jii, «Wìy ri, e mùmrì wó yémé e kiwó ki, e kfə̀n lèéy mo yí dzəə̀n. Tsə́nsí kiwó ké ki, e mùmrì sa búu wóm nsaŋe, e bèr kiŋkìnèn, e biìmé ji dzə̀ rú á mo.»

Lim Aŋgàa Ntum 4:20

A dzə̀ vèr kù a suúy kinyo ke vèr‑iì yenen, e kfə̀n yù.»

1 Joon 4:14

A ver vee aŋgàa ntume‑eè lo yèn sá Wán və wo wù‑uù tumen é nsay fèn ji wù wiy, e tìn wíri fó lòn.

Joon 5:26

A kí dzə̀ bey, bìʼ fo Nyùy Tàr wo kù yii wun, bo wíri wáa lùŋ, foon ne sa vitaáví vee shooy e Wan və.

Ŋwàʼ Luk 24:39

Vèn leéy wó yémé wùn à wuú yémé, é vèn nèn kìíy ji dzə̀ á mo féyì. Vèn mumri wún wómé, e yù mo wú koó. Bó kimalèŋ ki yòʼ yii kér jáv wùn à vighvə́r ví mo vèn yén, a m kérí.»

Joon 8:58

Jesus bìnèr jii, «Vèn wáa kiíy rúrú jii, bo á wáa dzəə́ Abraham, a m sì.»

Ŋgaà Yen 1:8

Nyùy Tàr, wun woo Nyùy suuy jii, «M dzə̀ *Alfa, e kfə̀n a dzə *Omega, a dzə̀ ji Keʼ wùn à Kinjòʼsì kí.» Suuy wun woo Nyùy woo Ŋgaà Vitaàví Vidzə̀m, wo wù‑uù siìn, a wù dzə̀ lèn, a wù kù wíy a dzə.

Joon 19:35

Vinyo vìn vi nén a dzə ve fèrìn wír wo wù‑uù yenen mo ví kooyì. Wù suuy a dzə̀ kinyo ke ru kí, kiiy rú ji dzə̀ á kinyo ke ru kí, e nèn a fèr ji vèn fiʼ wày sá shilív e Jesus wùn.

Lim Aŋgàa Ntum 1:3

Wù‑uù lo yiì, áwune kiíy là méŋnín ji wun dzə̀ rú á sho e tin, bìʼ fo wù‑uù fəən fó kpu, e dzə̀ʼtì e nsay kishiíy mkweè, a dìn kitú kfə́ aáwune akàŋ anín, a fèr kinyo kee kùm sáʼ Nyùy.

Ŋgaà Yen 19:13

Wù‑uù màʼ kikúm, a kí kiʼ mensə́ mensə́, aá kfə̀n yoŋ yír rə́ yímóʼó ji Jínyùy.

Ŋgaà Yen 2:8

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Simeena. A wú dzə̀ jii: «Kinyo kìn ki suuy mo wo m dzəə̀n Keʼ, e kfə̀n a dzə Kinjòʼsì. A dzə̀ mo wo mò‑oò kpuun, e kfə̀n fəə̀, a dzə e tin.

Ŋwàʼ Luk 1:2

réŋréŋ mo vé‑eè yú fo wír ve vé‑eè yenen vinyo vee shooy e sí yéví mo ví‑iì kèʼèn, a koóy, e dù, e jòʼsì, e bóo siíy, a tiisí ntum kinyò kee shooy.

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Ŋgaà Yen 1:11

suuy jii, «Sáŋ vinyo ve à yén e wò si vìn vi é ŋwàʼ, e tsə̀nsí e vintatì vee saàmbà ve ví dzəə̀n é ntèʼ see, Efesor, Simeena, Pegamum, Tiyatira, Sardis, Filadeefia, wùn à Ladisia.»

Aysaya 41:4

Wìr wo wù yiìn ne vinyo vìn dzə̀ la? Yì‑iì tooy la ŋgwàʼ si, e kèʼ fo kèʼ? Dzə̀ mo woo Nyùy Tàr, a m kù‑uù sì, é bo ndzə wìy a kèʼ, a m kù wíy a dzə, e dù, e meé mo yì wíy mày. Dzə̀ mo və̀n wo m yiìn vinyo vìn.»

1 Joon 5:7

Vifá vi nén a dzə vitaár ve ví din ji Jesus‑eè ló a dzə e nsay fèn,

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.