Zefaniya 3:8 - Luganuzi Luswanu Kuli Wanhu Wose 2002

⁸ Ane nghutya, “Wunindilaje.” Vyo yakutya Muwaha Mulungu, “Wulilindile lizuwa lyono nokwinuka ho niwasitace makungugo. Nane nakondya kutemya vyono, nigakonghole i makungugo, hamonga no wutemi wose, ho wasume kuviwona i vilungo vye likuwo lyangu. Ne yinze yose yotakamizwa no moto we likuwo lyangu.

Zefaniya 3:8 Referans Kwoze

Yoweli 3:2

Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Zefaniya 1:18

Na mwi'zuwa lyono Muwaha Mulungu kololajila likuwo lyakwe, fweza ne zahabu zawo zose, hamba si zolowaponya yaye, hambi i yinze yose, nha yolowa yakondya kutakamizwa no moto we likuwo lyakwe. Hambi nha kolowadumya wanhu wose wono wekaye mono'nze, ko mudumyo wo wogofye wuwaha.

Mika 7:7

Ninga 'ne, nomulanjilila Muwaha Mulungu, nomulindila Mulungu, mono komhonya 'ne. Nayo Mulungu wangu kohulika 'ne.

Zabuli 27:14

Wumwitumbile Muwaha Mulungu! Wuwe ne vilungo, ne nhumbula ye citung'ati! Heya, wumwitumbile Muwaha Mulungu!

2 Petelo 3:10

Lizuwa lyo Muwaha lyolokuza nha muhizi. Mwizuwa lilyo, wulanga wolokwajilila ne cihumbi ciwaha, ne vinhu vyayo vyo kulawa katali vyolokongomezwa no moto, nayo yinze yolokwajilila, hamonga ne vinhu vyose vyono vili mumo.

Wugubule 16:14

Ayi yo myuhe ye masetani, yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Matayo 25:32

Ne makungugo gose golokwikongholela hali mwene, nayo kolowatemanula wanhu, nha vyono u mudimi kazitemanulaga zingholo lwayo, ne zimhene lwayo.

Habakuki 2:3

Wuzandikaje, hambi cipango nha cikali cono zizo zowela. Ninga cipango cikuza mbela, na zono nghukulajila zokuza. Ne cipango cico cokwijela nha cikucela ku wuze, ninga agwe weze wulindiye du, naco cokuza, hamba si cotinya yaye.

Hoseya 12:6

Holeka anye nyo lulelo lwa Yakobo, mwitumbilenyi Mulungu wenyu, kanyhi mumuwuyile mwene. Mweze ne cihuliko, kanyhi mweze muli ling'ani, akuno mumulindiye Mulungu ko wukangalizi, nhondo zose.

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Lwimbo Luswanu muno 8:6

Wumbice nha mutozo mu nhumbula yako, nha citanjilo mu muwoko wako. Hambi wendo nha wina vilungo kotya lifwa, no wivu nawo, wukali kotya citenjelo. No wukolele wayo, winha wukolele wo moto, wunyanyaga nho moto mukali.

Zimbazi 20:22

Wulece kumulipiciza yunji, so wubi wono yakutendeye. Ninga agwe, wumwitumbile du Muwaha Mulungu, nayo yo kokulipila.

Zabuli 123:2

Nha vyono wetumami wamwitumbilaga muwaha wawo, na vyono kanyhi u mwitumami we cicekulu, kamwitumbilaga mucekulu munya kaya. Ale, nase nhavivyo vyo cikwitumbiye gwegwe, 'gwe go Muwaha Mulungu, go Mulungu wetu, sunga wukuciwonela lusungu.

Zabuli 62:5

Ane nimulindiye Mulungu du, no witumbilo wangu wuli muli mwene.

Zabuli 62:1

Ane nimulindiye Mulungu du, hambi i mhonelo yangu, nha yilawaga kuli mwene.

Zabuli 37:34

Wumwitumbilaje Muwaha Mulungu, kanyhi wukamise no wutonji wakwe, nayo kokupela yisi, nagwe kowawona i wabi vyono wakongomezwa.

Zabuli 37:7

Ale, wutule hali Muwaha Mulungu, wumulindilaje ko wukangalizi, hamba wulece kwigaza na awalya wono wakumota muli vyawo, hamba kuli walya wono wakwitujila vinhu mu zinzila zimbi.

Zabuli 12:5

Ninga u Muwaha Mulungu yakutya nhavi, “Ku soko vyono wasocele wakwiwonelwa, ne waciwa wakung'ung'ulika, alu neza kuza, nane nowapela wuwo mulamu wono wakuwulanjilila.”

Wugubule 16:1

Hanyuma kanyhi nghahulika lizi yiwaha likulawa mu Nyumba yo Mulungu, lizi lilyo likuwalonjela wawalya wamalayika mupunghati, likutya, “Ale, mubite mukagamwaje mu yinze, gago mabakuli mupunghati ge likuwo lyo Mulungu.”

Zabuli 79:5

Gwe go Muwaha Mulungu, alu kosimba cibitilila? Alu likuwo lyako lyokwaka nha moto sunga nili?

Zabuli 79:6

Wuwajidile likuwo lyako i wanhu wono si wakumanyile, sunga no wutemi wose, wono siwukulyogopa litagwa lyako.

Isaya 14:26

Na gaga go mahweso gono nghuyihweseza yinze, ngoloye no muwoko wangu ho niwaling'anize makungugo gose.”

Yelemiya 10:25

Langa wite likuwo lyako kuli we makungugo wono si wakumanyile, hamba kukuhemba gwegwe, na muli wanhu wono si wakwendile 'gwe. Hambi nha wawawulaganga i wanhu wako, kanyhi wakondya kucongomezeza lukulu, wakondya kuyinoza ne yisi yetu yeza matongo du.

Hagayi 2:22

kanyhi nowuwusa no wutemi wose, no kuvidumya vilungo vyayo. Noyibidusa mituka yawo yo wulugu, hamonga na wono wakuyijendya. Zifwalasi nazo zofwa, hamonga na wono wakuzijendela, wokwiwulaga weneco wose.

Isaya 34:2

Hambi Muwaha Mulungu nha yawakoleywe likuwo makungugo gose, hamonga ne wasilikale wawo wo wulugu. Nayo yakondya kuwawalila wongomezwe.

Isaya 63:6

Na mwi'kuwo lyangu nghagakanyanjiza makungugo gose nghagongomeza. Nghayimwaga hasi i sakami yo wumi wawo.”