Zefaniya 3:7 - Luganuzi Luswanu Kuli Wanhu Wose 2002

⁷ Ne makaya gawo geza gali bwete, na mu zinzila zayo, mweza musina cinji, hasina hamba yunji mono yasigaye. Nane nghehwesa vyono, wanhu wangu wowa wena cogopo kuli'ne no kubocela mejizo gangu, no kuleka kusemwa, mejizo gono nawejiza. Ninga wakacenya musunho, no kwituma zimbi mu mikalile yawo.”

Zefaniya 3:7 Referans Kwoze

Hoseya 9:9

Weyihodanga muno ku soko yo wubi wono wetuma lono wali wali ku Gibeya. Ninga Mulungu kowukumbucila wubi wawo, nayo kowalipiciza ku soko yo wubi wawo.

Yelemiya 36:3

Na lunji i wanhu wa Yuda, kolo wakuhulika ze magazo mawaha gono nghusaka niwatendele, lunji wopituka wagalece metumo gawo mabi. Nane niwanenele masutya gawo hamonga no wubi wawo.”

Zefaniya 3:2

Lye 'kaya lyono si likumuhulika Muwaha Mulungu, hamba kubocela ze mejizo gakwe. Likali namwitumbila Muwaha Mulungu, hamba kulomba wutazi kuli Muwaha Mulungu.

Yelemiya 25:5

Wene wawizi wakamulonjelenyi wakatya, ‘Ale, mupituce muzilece zinzila ze mikalile yenyu mibi, na mu wubi wenyu wono mwitumaga, ho musume kubita kwinjila no kwikala mu yisi, yono u Muwaha Mulungu yamupelenyi nyenye hamonga ne walezi wenyu, ho yiwe wuhazi wenyu we cibitilila.

Yelemiya 7:7

Na hono mbeka muyipitule mikalile yenyu, nane nomulecenyi mwikale hanhu baha, mu yisi yono nawapela i walezi wenyu, wuwe wo wuhazi wawo.

2 Petelo 3:9

Hambi Muwaha nha sikacelaga kuzifisiliza zizilya zono yehuwiza, nha vyono wanhu wanji wehwesaga vyono kocela. Umwene yena ngola ku soko yenyu, hambi nha siyendile hamba hadodo muyenyu yunji yajilile, langa yakuwasaka wose wafice ku wunene.

Yelemiya 38:17

Hodu, nane nghawa kumulonjela zono yalonjile u Muwaha Mulungu, u Mudaha vyose, u Mulungu wa Isilayeli, nghamutya, “Hono witegule go mweneco kuli wetumami wo mutemi wa Babiloni, koponya wumi wako, sunga ne likaya lili hamba si lyoticimizwa no moto yaye. Agwe hamonga na we mhuga yako wose mopona.

Yelemiya 8:6

Ane nghuwa hulicize du, ninga hamba si mulongaga ze mbeka yaye. Kanyhi muli nyenye, hasina hamba monga mono yakulajila vyono yakunena ku soko yo wubi wakwe ng'o. Hamba hasina mono yewuza mweneco yatye, ‘Mwene wubi wangu cicici?’ Ninga wanhu wose, munhu yatyatizye na nzila yakwe du, wehwanile nhe zifwalasi zono zikumanyhila ku wulugu.

Isaya 63:8

Hambi Muwaha Mulungu nha yatya, “Awa nha wanhu wangu, hamba si wonghonga yaye.” Holeka ku soko yiyo, yakawaponya,

Isaya 5:4

Wulenyi, ho yili nghani yinji yono yisigaye, yono si nayinoza mu mugunda wangu we mizabibu? Alu nhawule si wulelile zabibu ziswanu, zono nali nanjiliye, langa wukulela zabibu nghali, zono si nali nanjiliye?”

2 Zinghomo 33:11

Holeka nayo Muwaha Mulungu, yakawa kuwaleka wasilikale wa Ashuli wayihome Yuda. Wakamuteka Manase, wakamuwicila vidobogo vya cuma mu zimhula zakwe, wakamuwopa ne manyolo, wakamutegula ku Babiloni.

Wukumbucize wo Wulajilize 4:16

Holeka mwiyihenje nyo weneco, kanyhi mulecele lukulu kwituma wubi so winozeza nyo weneco cihwani co cose ciseswe, ca mu futa ye cihwani co munhu mulume, hamba we cicekulu,

Mwamulizo 6:12

Heya, u Mulungu yakayilanga yinze, nayo yakayiwona vyono yawa yihodanjice, hambi i wanhu wose nha weza wali mu mikalile mibi.

1 Timoteyo 1:5

Ale u wulunji we lilajilizo lili, nha wukukong'onheza uwendo wono wukulawa mu nhumbula nzelu, no mutima muswanu, na mu wihuwilo we mbeka.

Jobu 36:10

Kawanozaga wamuhulicize mwene, wapituce no kuleka wubi wawo.

Zabuli 32:8

Mulungu yakutya, “Nokulajila nzila yono kokola, na kanyhi, nokwijiza no kukutonga.

Zimbazi 19:20

Na hono wuwe wuli mupelu kuwuhuliciza wulanjize we wayago, lizuwa linji nagwe kotuga mahala.

Yelemiya 6:8

Nye nyo wanhu wa Yelusalemi, alu mwali mulece ta i magayo gaga, gawe suguzi kuli nye ye, na hono si nhavivyo, hodu nane nomulecenyi, nilinoze likaya lyenyu, liwe nyika, hawe hanhu hono u munhu wo wose si kosuma kwikala mumo yaye.”

Yelemiya 17:23

Ninga i walezi wawo, hamba si wahulika 'ne yaye, hamba kuzitajila mu zinhumbula zawo ng'o. Langa wene wakacila kuwa wasina cihuliko du kuli'ne, hamba si wasaka kugabocela ne mafundo gangu yaye.