Zefaniya 3:5 - Luganuzi Luswanu Kuli Wanhu Wose 2002

⁵ Ninga Muwaha Mulungu, yali mwi'kaya, yakwituma ze ling'ani, si yakwituma zimbi ng'o. Nayo kawaletelaga wanhu wakwe ze ling'ani, nhondo zose. Ninga i wanhu wono wasina ling'ani, vyo wajendeleye du ku wituma zimbi, hamba kuwona cevu yaye.

Zefaniya 3:5 Referans Kwoze

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

I Cililo 3:23

Vikalaga vyo vipya du nhondo zose, nha vyono yinha hakali mitondo lono lizuwa likusosomoka, wihuwilwa wakwe wo wuwaha muno muno.

Zabuli 145:17

Muwaha Mulungu, yo yali ling'ani mu zinzila zakwe zose, kanyhi mwene muswanu muli milimo yakwe yose.

Zefaniya 3:15

Muwaha Mulungu kakondya kuwudumya u wuling'anizwe wako, kanyhi kakondya kuwawusa ne walugu wako wose. U Muwaha Mulungu, u Mutemi wa Isilayeli, yali hamonga nanye. Holeka kusina soko kanyhi yono yoleka muwe no woga.

Isaya 28:19

Lyolomuzizenyi kali kenji nhondo zose hakali mitondo. Nanye mowa munojeye muwe no wukangalizi misi ne cilo. Ne nghani yo yose yono yolawa kuli Mulungu, yowa no wogofye wuwaha!

Zefaniya 3:17

Muwaha Mulungu wako, yali hamonga nagwe, ne vilungo vyakwe, vyokupela wusume. Muwaha Mulungu, kotuga wendezwe kuli'gwe, na mu wendo wakwe, kokupela wumi. Kokwimbila no kukusangalalila

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Wukumbucize wo Wulajilize 23:14

Hambi Muwaha Mulungu, u Mulungu wenyu, nha kowa kupilimapilima baho mu nghambi yenyu, ho yamuponyenyi kanyhi yamupelenyi wusume kuli walugu wenyu. Ku soko yiyo, holeka nghambi yenyu, yinojeye yeze yelile, ho Muwaha Mulungu, u Mulungu wenyu, yalece kuwona muli'nye cinhu cinji cocose cavu, yamulecenyi.”

1 Petelo 1:17

Lono mukumutambula u Mulungu, anye Mumucemaga mukutya Baba. Ale, manyenyi vyono mwene kowaling'aniza i wanhu wose mu metumo gawo yasina wuhijila-mbejele. Holeka muvitumamilaje ivilo vyenyu vyono visigaye mu mikalile yenyu, mu wogopo Mulungu.

Walumi 3:26

ninga alu, mwidaha lili yakwihoma no wubi we wanhu, ho yasume kulajila ze ling'ani yakwe. Na ku soko yiyo u Mulungu mweneco yakuwa kulajila vyono u mwene yo we ling'ani, na vyono yakumunoza munhu wo wose mono yamwihuwiye Yesu, ho yasume kuvumilwa nayo.

Zakaliya 2:5

Muwaha Mulungu mweneco, yelahiza vyono, u mwene yo kolowa majinji go moto gono gololipilima likaya no, kulidima kanyhi mwene kolojendelela kwikala baho nhondo zose, hamonga no lukumyo lwakwe lose.”

Zabuli 37:6

Nayo kowunoza wuswanu wako wung'alale wuwe winha wuzelu, ne ling'ani yako yiwe yinha lizuwa lya mu misi mugati.

Jobu 34:10

“Holeka muhulicize anye nyo wanhu wo wizuce! Mukwihwesa Mulungu mono yali vilungo, kokwituma zo wubi?

1 Wakolinto 4:5

Holeka mulece kuling'aniza lono vilo vikali si nafika, muzilekaje ziwe nhavivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, ku wulawa kuli Mulungu.

Walumi 2:5

Ninga so wukamu ne cibede ca mu nhumbula yako, wukwiwicila go mweneco ilikuwo, kwi'zuwa alilya lyono ilikuwo lyo Mulungu lyono lina i ning'aniza ye ling'ani lyologubulwa.

Luka 12:2

Ninga cocose cono cigubicizwe, cologubulwa, na cocose cono cihundikwe, c ololawila kuzelu.

Zefaniya 2:1

Anye nyo likungugo lyono lisina cevu, ale mwikongholelaje hamonga,

Habakuki 1:3

Alu nhawule wukunoza 'ne nigawone magayo gono genha gaga? Hamba kosuma nhawule kujendelela ku wulanga wubi wono winha wuwu? Hambi wuhodangwe, ne vilungo, nha vyose vimhilime nene, kanyhi ko wuli wuma no wugombane hanhu hose.

Mika 7:9

Ase cetuma zo wubi hali Muwaha Mulungu, holeka aluno yicinojeye cilikangalile kwa cipango likuwo lyakwe. Ninga ku ndumilizo kocitaza no kucipela ling'ani kuli ze masutya gono cali citumile. Mwene kocilavya, kociwika ku wuzelu, holeka cowa cili womi, nase cimuwone na vyono yakuciponya.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Ezekiyeli 48:35

No mulandala wo wutali we majinji gose ge likaya vyono mane, wali wuficile mita elufu yicenda. Ne litagwa lye likaya ku wulawa lulu, lyocemwa, “U Muwaha Mulungu yali baha.”

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Yelemiya 8:12

Ninga wule nyo wanhu wangu, mwakolwa cevu so makani gago ge cevu gono mwagetuma? Waco nye, hamba si mwakolwa cevu yaye, hamba si mwapuwa ng'o! Holeka luno nanye kolo nghumukundujizenyi, mogwa nha vyono wanji wagwa. Nanye nhondo, wuwo wowa wo mudumo wenyu. Vyo nghutya ane no Muwaha Mulungu.

Yelemiya 6:15

Wule, wukwihwesa wene wakuwona cevu, ku soko ye makani gago ge mawifyo, gono wetumile? Waco! Wayago hamba si waziceleleye yaye, holeka hamba ne cevu, wene si wacimanyile yaye. Holeka ku soko yiyo, nawo wologwa, nhe wayawo wanji vyono wagwa, kolo neza kuza nghuwalipiciza. Na wuwo wo wolowa wo mudumo wawo. Vyo nghutya ane no Muwaha Mulungu.”

Yelemiya 3:3

Na ku soko yiyo, holeka nayo mvula si yikutonya, sunga ne mahalavu gose hamba si gakuza yaye. Hambi nha wehwana i wanhu wasenyha, akuno wusina hamba cevu yaye.

Isaya 50:4

Nayo Muwaha Mulungu nha yanyijiza zono nolonga, ho sume kuwasikamya wono wakataye muno. Nhondo zose hakali mitondo, kanozaga niwe muhidimbazi kuzihulika zono yakunyijiza.

Isaya 45:21

Ale nzonyi muzilonje zenyu ha mahakama, muwalece wono wasitakwe walongane weneco wose. Alu mwene mukwihwesa nani mono yawila mu vilo vye katali vyono zizi zolokwijela? Yo nene du Muwaha Mulungu, u Mulungu mono kawaponyaga wanhu wakwe. Na hasina mulungu yunji, langa nene du.

Isaya 33:2

Gwe go Muwaha Mulungu, wuciwonele lusungu. Hambi ase, nha cikwitumbiye gwegwe du. Weze kucikamisa vilo vyose, kanyhi weze kuciponya mu vilo vye magayo.

Jobu 8:3

Mulungu si kahodangaga wiling'ano, hamba si yakuwa kulemwa kwituma ziswanu.

Mwamulizo 18:25

Ninga nitumbiye vyono si konoza nhavivyo! Nha cinji wuwawulaje i wanhu waswanu hamonga ne wanhu wabi, wo wutya, i waswanu wanozezwe muling'ano ne wanhu wabi! Aa ng'o! Viswanu kuli muling'anizi we yinze yose kuwituma ling'ani.”

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Jobu 7:18

Agwe kumulanjililaga zakwe nhondo zose hakali mitondo, hamonga no kumujela mapango gose.

Zabuli 92:15

na vyono kanyhi, musina wubi wo wose kuli mwene, mono wo wihundiko wangu.

Ezekiyeli 18:25

Ninga na lunji kotya nhavi, “Alu mwene zizi zono Muwaha Mulungu yakwituma, wule nghani zizi swanu? Alu muhulicize nimulonjelenyi anye nyo Waisilayeli. Alu anye mukwihwesa nha vyono zinzila zangu si zili ling'ani hongo? Ninga mumanye nha vyono zinzila zenyu zo si zili ling'ani yaye.

Hoseya 14:9

Nghulomba, wono wena wizuce, wazitanje zizi zono zandicigwe baha, no kuziwika mu zinhumbula zawo. Nzila zo Muwaha Mulungu zo ze ling'ani, ne wanhu we ling'ani, wo wakuzityatya. Ninga wanyo wubi, wakukobala no kugwa, ku soko vyono siwaziceleleye yaye.

Zefaniya 3:13

Ne wanhu wa Isilayeli wono wasigaye, si wolokwitendela vibi kanyhi munhu na muyagwe, hamba kwilonjela zo wulambi, hamba kuwa wakonji yaye. Wolowa walugutwe kanyhi wapolile, na holowa hasina yunji mono kolowogofya kanyhi.”

Hoseya 6:5

Ayi yo soko yono yaleka nghamutumilenyi wawizi wangu, hamonga no luganuzi lo wuling'anizwe, no wongomezwe kuli'nye. Na yono nghusaka kuli'nye yoyi.