Zefaniya 3:16 - Luganuzi Luswanu Kuli Wanhu Wose 2002

¹⁶ Cipango cikuza, lono woloyilonjela Yelusalemi wawe kutya, “Ale, wulece kogopa 'gwe go likaya lya Sayuni! Ne miwoko yako yilece kudejepa!”

Zefaniya 3:16 Referans Kwoze

Wahebelaniya 12:12

Holeka muyinulaje i miwoko yenyu yono yidejepe, no kugasikamya mafugamilo genyu gono gatimbile.

Wagalatiya 6:9

Holeka cilece kukatala mu wituma ziswanu, ku soko hono cilece kukatala, codudula i nhwanga mu cipango cayo.

Wugubule 2:3

Agwe wuli ngola, kanyhi wakangalila mu wugaye winji muno, ku soko ye litagwa lyangu, hamba kukatala yaye.

Waefeso 3:13

Holeka nghumunenenyi, mulece kuyitukuwika i mitima yenyu, ku soko ye magayo gono nghugatuga ku soko yenyu, hambi gago nha gali ku soko yo lukumyo lwenyu.

Isaya 44:2

Ane yo nene no Muwaha Mulungu mono namuwumbenyi wulawa wulelwe wenyu. Holeka mulece kogopa, anye nha muli wetumami wangu. Kanyhi muli wanhu wangu, wendece wangu.

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 40:9

Gwe Yelusalemi, alu wubite mwi'tunda litali mucanyha, wukalwanze luganuzi luswanu! Wuzoze hawaha 'gwe Sayuni wanze zo luganuzi luswanu! Wulonje, wulece kogopa. Wugalonjele makaya ga Yuda nha vyono Mulungu wawo yakuza!

Yohana 12:12

Imitondo yaco, mhuga mbaha ye wanhu wono wali wazize ku sikukuu ye Pasaka, waza kuhulika vyono Yesu yakuza ku Yelusalemi,

Zakaliya 8:15

Ninga 'lu, nghwiwikaniza niwapele wulugutizwe wanhu wa Yelusalemi na Yuda. Holeka mulece kogopa.

Isaya 54:4

Holeka wulece kogopa, hambi nha si kokozwa cevu hamba kupuvywa yaye kanyhi. No wu wula wihuwilwa wako, kowusemwa nho mucekulu mono yakali mudodo, no wumondwe wo wufwile wako hamba si kowukumbucila kanyhi yaye.

Jobu 4:3

Agwe Jobu, wuwejize wanhu wenji, nagwe wuwatajiye vilungo we miwoko yono yitimbile.

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Yoweli 2:21

“Nanye mo migunda, mulece kogopa langa musangalale, kanyhi mweze ne nyemo, so zose zono Muwaha Mulungu yamutendelenyi.

Zakaliya 8:13

Nye, nyo wanhu wa Yuda na Isilayeli! Ha mwamulizo, wajenzi welijitaga weneco wose wakatya, ‘Wongomezwe wono wawutuga wanhu wa Yuda na Isilayeli, ale, wukutuje na gwegwe.’ Ninga ane nomuponyenyi, sunga ne wajenzi wapitule ne mahweso gawo kanyhi, walongane munhu na muyagwe wawe kutya, ‘Ale, wubocele wulugutizwe, nha vyono wawubocela wanhu wa Yuda na Isilayeli. Holeka mwime mukamile kanyhi mulece kogopa.’ ”