Zefaniya 3:12 - Luganuzi Luswanu Kuli Wanhu Wose 2002

¹² Nane nolowaleka baho i wanhu wenenenyhezi ne waciwa, wono wokuza kulondola wutazi kuli'ne.

Zefaniya 3:12 Referans Kwoze

Isaya 14:32

Alu hamba ciwapitule ciwe kutyaci i wanhu wono wacizize wakulawa ku Wafilisiti? Ninga ase cowalonjela du nha vyono Muwaha Mulungu yakondya kuyisimya Sayuni, i wanhu wakwe wono wakugazwa ho wasume kutiziza mumo no kuwa wapolile.

Nahumu 1:7

U Muwaha Mulungu muswanu, kawadimaga wanhu wakwe mu cipango co wugaye; kawakamisaga wose wono wakumuwuyila mwene.

Matayo 5:3

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

Walumi 15:12

Kanyhi Isaya yakutya: “Kolokwijela munhu mu lulelo lwa Yese nayo kolotema muli wanhu wono si Wayahudi nawo wolomwitumamila.”

Matayo 12:21

Ne makungugo gowa no witumbilo ku soko ye litagwa lyakwe.”

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Zakaliya 11:11

Hobaho cilagane cici cikawa cabeneka mwi'zuwa lilyo. Awalya wono wagulaga no kuguza zingholo, wali wananjiliye, nawo wakamanya vyono u Muwaha Mulungu yalongaga nawo mu nzila ya zizo zono nazitumaga.

Zabuli 37:40

U Muwaha Mulungu kawatazaga no kuwaponya, kawaponyaga mu wanhu wabi, vyono nawo wamwitumbiye mwene.

Isaya 14:30

Nayo Muwaha Mulungu kowadima i wasocele wa muli wanhu wakwe, kanyhi kowaleka wekale wapolile. Ninga anye nyo Wafilisiti, Muwaha Mulungu kolomuletelenyi nzala mbaha muno, nayo yolomuwulajenyi nyenye wose, na holowa hasina hamba monga mono yalasigala mumi.

Zakaliya 11:7

Hobaho awalya wono wagulaga no kuguza zi ngholo wakunondola no kusola, ho niwe mudima zingholo zilya zono zategulwaga ho zikawulagwe. Baho nghetujila nghome monga, nghayicemela yitagwa “Ihewa” na ye kejete nghayicemela “Malunza.” Hobaho nghajendelela kulidima litewa lili.

Ezila 9:8

Gwe Muwaha Mulungu na mu cipango cici cidodo du, wasuma kucimotya no kucitaza, na wanji wa muli sese, cakondya kuwuka mu wuwanda, no kuceha baha i hanhu hono helile cipolile. Waciwusa ku wuwanda, wacipela wumi.

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Isaya 29:19

Nawo i waciwa, hamonga ne wanhu wenenenyhezi, wolotuga kamonga nyemo yono Muwaha Mulungu, u Mulungu mono yelile we Waisilayeli kalavyaga.

Yelemiya 17:7

Ane langa, nomumotya u munhu mono yanyitumbiye nene du.

Yelemiya 50:20

Na kolo vilo vivyo vikuza, holowa hasina wubi wo wose kanyhi, wono wolowa kwitumwa na Isilayeli, hamba mabi go gose mu Yuda. Hambi nha nolowanenela wanhu wose wono nolowasigaza. Vyo nghutya, ane no Muwaha Mulungu.”

Ezekiyeli 6:8

“Ninga nolowasigaza wanji walece kuwulagwa, nawo wawo wono wolosigala,

Mika 5:6

Nawo wolowasuma Waashuli mu yisi ya Nimulodi ko wukali wo mumaje, nawo wolociponya mu miwoko ye Waashuli, kolo wakwinjila no kuyihoma yisi yetu.