Zefaniya 3:11 - Luganuzi Luswanu Kuli Wanhu Wose 2002

¹¹ Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Zefaniya 3:11 Referans Kwoze

Isaya 54:4

Holeka wulece kogopa, hambi nha si kokozwa cevu hamba kupuvywa yaye kanyhi. No wu wula wihuwilwa wako, kowusemwa nho mucekulu mono yakali mudodo, no wumondwe wo wufwile wako hamba si kowukumbucila kanyhi yaye.

Isaya 11:9

Na mwi'tunda lyo Mulungu lyono lyelile lya Sayuni, molowa musina citamisi co cose hamba cibi co cose. Hambi yisi nha yolomema wumanye wo Muwaha Mulungu nha vyono lilenga limemile malenga kose.

Isaya 61:7

Ne cevu cenyu colowucila lukulu. Hambi lu nha molowa mwikaye mu yisi yenyu nyo weneco. Ne sawo yenyu yolokonjelezeka kali kejete. Ne nyemo yenyu yolowa ye cibitilila.

1 Petelo 2:6

Hambi i Mandiko Gono Gelile nha gakutya, “Langa ta! Nghuwika kuko ku Sayuni libwe liwaha lyo musinji. Ilibwe lyo wuguzi wukamu, lyono nilihaguye. Umunhu mono komwihuwila umwene mono yo lilyo libwe, sikolokozwa soni ng'o.”

Walumi 9:33

nha vyono gakutya i Mandiko Gono Gelile: “Langa ta, nghuwika mu Sayuni, libwe lyo wikobale, Ne litalawe lyono lyowagwisa! No munhu mono komwihuwila yuyo mono lyo libwe lilyo, yuyo si kolokozwa soni.”

Matayo 3:9

Mulece kwihwesa 'mba vyono mosuma kwitetela no kutya, “Ase cili wana wa Abulahamu! Ane nghumulonjelenyi mbeka, vyono u Mulungu kosuma kuganoza imabwe gaga gawe wana wa Abulahamu.

Danyeli 9:16

Agwe wacidima mu vilo vyono vipulute, holeka cikukunena, wulece kuyikolelwa likuwo Yelusalemi. Hambi nha lye 'kaya lyako, litunda lyako lyono lyelile. Hambi i wanhu wose we ma'si gono gacipilime, nha wakuyihosa Yelusalemi, hamonga ne wanhu wako, ku soko yo wubi wetu, hamonga no wubi we walezi wetu wono wetuma.

Yelemiya 7:4

Mulecele lukulu kwitumbila zinghani zizo zo wulambi, zo wutya ‘Ase cipolile, hambi ayi nha yo Nyumba yo Mulungu! Nha yo Nyumba yo Mulungu! Nha yo Nyumba yo Mulungu!’

Isaya 45:17

Ninga Isilayeli koponywa no Muwaha Mulungu ne mhonelo yakwe yowa ya cibitilila, ne wanhu wakwe, hamba si wolokozwa soni yaye.’ ”

Walumi 2:17

Alu nagwe ma, Agwe go mweneco wukwiyitya wuli Muyahudi, kanyhi wuwitumbiye u Wulajilize, no kwiwona nha vyono agwe wuli wo Mulungu,

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Danyeli 9:20

Nane Danyeli, nghajendelela du kulomba, nghunena wubi wangu, hamonga no wubi we wanhu wangu Waisilayeli, no kumulomba u Muwaha Mulungu, u Mulungu wangu yayinozeleze Nyumba yakwe.

Ezekiyeli 24:21

vyono, nimulonjelenyi anye nyo Waisilayeli wose, nghani azi, vyono u mwene yakutya nhavi, Anye mwidunhumulilaga i vilungo vya mu Nyumba yangu. Mwendile kubita kuyilanga no kuyiwona, ninga u Muwaha Mulungu koyavufya. Sunga ne wazelelo wa mu zimhuga zenyu, wono wolowa wakali wasigaye mumo mu Yelusalemi, wolowulajilwa wose ku wulugu.

Zabuli 49:5

Ane si nghogopa mu vilo vye zimbali, lono nowa mhilimwe ne walugu mbavu zose.

Wuwale 16:3

Wakekongholela hali Musa na Haluni, wakawa kutya, “Alu nanye nhondo mwacila muno! I wanhu wose, nha wanhu wo Muwaha Mulungu, nayo Muwaha Mulungu nha yali hamonga na sese wose. Alu 'gwe Musa, nhawule wukwilongoleza hali mhuga yiyi yose yo Muwaha Mulungu?”

Zabuli 59:12

Gwe go Muwaha Mulungu, wuwalekaje wongomele, mu nghango yo wubi we zinghani zawo, webatwe weneco mu widunhumuzi wawo! Ku soko yo wulijitwe, hamonga no wulambi wawo,

Zabuli 131:1

Gwe go Muwaha Mulungu, ane nakondya kuwuleka widunhumuzi wangu, nawuleka sunga no wiwoni wangu wose. Alu, hamba si nghwisacila mawaha, hamba zo wizine zono zikufutila.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Isaya 5:15

Ne wanhu wose wolokozwa cevu, ne wewoni wose wolonyetywa.

Isaya 56:7

“Anye nanye nomutegulenyi ku Sayuni kwi'tunda lyangu lyono lyelile. Nimusangalazizenyi mu Nyumba yangu yo wuhembelo, mbocele sunga ne makumbiko genyu gono mowa kundavizya mu cikumbicilo cangu. Ne Nyumba yangu, yocemwa Nyumba yo wuhembelo we wanhu wose we makungugo gose.”

Yelemiya 13:9

“Ale, nane vyo nowuhodanga nhavivi, u wiwoni no widunhumuzi wa Yuda, na wa Yelusalemi.

Ezekiyeli 20:40

Nanye nyo wanhu wangu, nyo wanhu wa Isilayeli, wose molohemba nene du, mu yisi ya Isilayeli, mwi'tunda lyangu lyono lyelile, litunda litali muno lya mu yisi ya Isilayeli. Nane baho ho nolokwendezwa nanye, na kuko ko nologasaka ne makumbiko genyu, ne vilavywa viswanu, hamonga ne vipegwa vyenyu vyono vyelile.