Zefaniya 3:1 - Luganuzi Luswanu Kuli Wanhu Wose 2002

¹ Woyi hee! Yelusalemi! Hambi nha yokongomezwa. Hambi nha lye 'kaya lyono limemile wibavye. Ne walongola wawo, wo wanhu wabi, wakuwewonela wanhu wawo.

Zefaniya 3:1 Referans Kwoze

Yelemiya 6:6

U Muwaha Mulungu yali yawalonjela i watemi wawo wateme mabici, wanozeze wunanucilo, wo kulihomela likaya lya Yelusalemi. Kanyhi yali yawatya nha vyono, “Ane no Muwaha Mulungu, nolilipiciza likaya lili, ku soko limemile nghani zo wiwonela wanhu du.

Isaya 59:13

Cakubeza, cikakulema, si casaka hamba no kukutyatya bwete. Kanyhi cikuvumila nha vyono mbeka cawewonela wanji, kanyhi cikakuleka. Mbeka mahweso getu mabi, ne zinghani zetu zose za wulambi.

Isaya 30:12

Ninga 'lu, u Mulungu mono yelile, u Mulungu wa Isilayeli yakutya, nhavi, “Alu vyono mwakondya kuzibedegala zono nghumulonjelenyi, nanye mwakondya kuwetumbila wawo wanhu wagazi kanyhi walambi.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Zakaliya 7:10

Mulece kuwawonela wafwile, hamba wana wono wasina walezi, hamba wajenzi wono mwikalane nawo, hamba munhu wo wose mono yali mu wanjile. Kanyhi mulece kuleta mahweso mabi go witamise munhu na muyagwe.’

Ezekiyeli 22:7

Kanyhi mwi'kaya, musina mwana hamba yumonga mono yawahulice walezi wakwe. Mukuwakoca-koca i wajenzi, no kwitujila cambuzi kuli wacekulu wafwile, na ku wana wono wasina walezi.

Mika 2:2

Na lono wawe wakusaka migunda, hodu, wakuyisola kwa vilungo, na lono wakusaka zinyumba, nazo wakuzisola, hasina mhuga yo yose, hamba sawo, yono yisigaye yipolile.

Yelemiya 22:17

Ninga agwe wukukwegwa no wihwesa zako du go mweneco, wukuwawulaga i wanhu wono wasina masutya wukuwewonela i wanhu wako ko wukali. Vyo nghutya ane no Muwaha Mulungu.

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Walawi 1:16

Ninga yawuse lisolelo hamonga ne mazoya gayo, yavitaje ku lubavu lwa kucilima ye cikumbicilo, kono walundaga.

Amosi 4:1

Hulicizenyi zizi, anye nyo wacekulu wa Samaliya, mono mujinaga nhe zing'ombe za Bashani, mono mukuwatendela vibi wono wasoceye, no kuwewonela i waciwa, no kusaka walume zenyu wamupelenyi wujimbi we mawala gose mung'we.

Amosi 3:9

Muwalonjele wawo wono wekaye mu makaya go wutemi, ge Misili na Ashidodi, muwatye, “Mwihangulize hamonga mu matunda gono gayipilime Samaliya nanye mowona wusagahale hamonga no wubi wono wukwitumwa mumo.”

Ezekiyeli 23:30

vyo vikuleteye zizi zose. Hambi nha wali wuli malaya muwaha wa muli makungugo gose agwe Oholiba, sunga nhondo wukawa kwiyavufya gwegwe go mweneco ne vihwani vyawo.

Ezekiyeli 22:29

Wakuhiza ko wusugu sawo ya wanji, no kuwaboka kwe vilungo. Wakuwatendela vibi i waciwa no kuwewonela i wajenzi.

Yelemiya 5:23

Ninga anye nyo wanhu, mbeka muli zeze, kanyhi muliwabezi, hambi nha mwakondya kundeka 'ne, no kupatucila kunji.

Isaya 59:6

Ninga wihehemeze wenyu wuwo si wuswanu yaye, kanyhi wusina cambuzi hamba cidodo bwete, wihwanile mwenda we nhandabuli!

Yelemiya 6:7

Nha vyono muwonaga lisima liwikaga malenga maswanu, ale nalyo likaya lya Yelusalemi, vyo liwikaga i makani galyo mabi. Nane nha nghuhulika zo wuhizi wo wuhodanjice du mwi'kaya, kanyhi nghuwona du matamwa, hamonga ne zinghomele mumo mwi'kaya.